یہ کچرگھان

[سرفراز فیضی]

یہ کچرگھان

روز اک مسئلہ علم وہنر
نت نئی سوچ
نئی کھوج
نیا زاویہ فکرونظر…
ایک ہنگامہ بپا ہے
کئی دستاروں میں…
ایک ہی دین
نبی ایک
صحیفہ بھی ایک
ایک ہی راستہ
منزل بھی
طریقہ بھی ایک
ایک اللہ کے یہ ماننے والے
توبہ!
ایک دستور پہ
ہم رائے بھی ہوجائیں تو
ایک تحریک میں
ہم راہ نہیں ہوسکتے…
ٹوپیاں
ٹائیوں سے الجھی ہیں
ٹی ویاں
بیچتی ہیں نسخہ جات…
کرسیاں
ٹیبلوں سے چپکی ہیں
بیڑیاں
توڑتی ہیں سناٹے…
بے حسی کو ثبات کہتے ہیں
بے بسی کوشعور خیروشر
پیشوائی کا نام ڈپلومیٹ
صاف گوئی ہے کام خبطی کا
درد کے دام لگ رہے ہیں الگ
کوڑیوں میں بکے ہیں نام نسب
بھاوٴ ہے سوچنے سمجھنے کا
ناوٴ میں ڈوب کر کے مرنے کا
یہ کچرگھان
یہ تماشائی
اور باہم یہ حشر آرائی…
کیا یہ طوفاں سے آشنائی ہے؟
بحر کی سوتر دھار موجوں میں
اتنا بھی اضطراب کیا معنی؟

ابوالمیزان

 

[جمشید]

اوٴ میں ڈوب کر کے مرنے کا

اٹ پٹا لگ رہاہے
ڈوب کرمرنے کا
یہ تودرست ہوگا
لیکن
ڈوب کرکے مرنے کا
گراں گزررہاہے۔

 

[فارقلیط]

کچر گھان

چہ معنیٰ دارد؟ سمجھ میں نہیں آیا۔ یہ ترکیب لفظی ہمارے لیے نئی ہے۔

 

[عابدالرحمٰن]

درد کے دام لگ رہے ہیں الگ
درد کے دام لگے ہیں الگ
کوڑیوں میں بکے ہیں نام نسب

 

[سرفراز فیضی]

درد کے دام لگ رہے ہیں الگ
درد کے دام لگے ہیں الگ
کوڑیوں میں بکے ہیں نام نسب

علم العروض پر کچھ پڑھا ہے آپ نے۔ میں نے باقاعدہ عروض نہیں پڑھا پر طبیعت ویسے ہی موزون ہے ۔اس لیے ایسا لگتا ہے کہ آپ نے جو ترمیم بتائی ہے اس سے مصرعہ بحر سے خارج ہوجائے گا۔

 

[سرفراز فیضی]

اٹ پٹا لگ رہاہے
ڈوب کرمرنے کا
یہ تودرست ہوگا
لیکن
ڈوب کرکے مرنے کا
گراں گزررہاہے۔

کیوں؟

 

[عابدالرحمٰن]

السلام علیکم
سرفرازفیضی صاحب معذرت خواہ ہوں بغیر سوچے سمجھے میں نےکمنٹس کردیا
آپ کی پوری نظم فن عروض کے اعتبار سے درست ہے
البتہ جمشید صاحب نے آپ کے مصرعہ پرجو کمنٹ کیا ہے میں اس سے متفق ہوں لفظ ’’کے‘‘ زائد معلوم دیتا ہے جو اہل سخن پر بار گزرتا ہے
ان سب کے باوجود نظم بہت عمدہ ہے سبحان اللہ

 

[سرفراز فیضی]

السلام علیکم
سرفرازفیضی صاحب معذرت خواہ ہوں بغیر سوچے سمجھے میں نےکمنٹس کردیا
آپ کی پوری نظم فن عروض کے اعتبار سے درست ہے
البتہ جمشید صاحب نے آپ کے مصرعہ پرجو کمنٹ کیا ہے میں اس سے متفق ہوں لفظ ’’کے‘‘ زائد معلوم دیتا ہے جو اہل سخن پر بار گزرتا ہے
ان سب کے باوجود نظم بہت عمدہ ہے سبحان اللہ

کرکے اردو زبان میں مستعمل ہے ۔ دلیل کے طور پر احمد فراز کا یہ شعر:

سنا ہے ربط ہے اس کو خراب حالوں سے
سو اپنے آپ کو برباد کرکے دیکھتے ہیں

 

[باذوق]

کرکے اردو زبان میں مستعمل ہے ۔ دلیل کے طور پر احمد فراز کا یہ شعر:

سنا ہے ربط ہے اس کو خراب حالوں سے
سو اپنے آپ کو برباد کرکے دیکھتے ہیں

احمد فراز کے شعر میں "کر کے" فٹ بیٹھتا ہے
لیکن ان مصرعوں ۔۔۔
درد کے دام لگ رہے ہیں الگ
کوڑیوں میں بکے ہیں نام نسب
بھاوٴ ہے سوچنے سمجھنے کا
ناوٴ میں ڈوب کر کے مرنے کا
میں "ڈوب کر مرنے کا" زیادہ درست و فصیح لگے گا۔

 

[سرفراز فیضی]

احمد فراز کے شعر میں "کر کے" فٹ بیٹھتا ہے
لیکن ان مصرعوں ۔۔۔
درد کے دام لگ رہے ہیں الگ
کوڑیوں میں بکے ہیں نام نسب
بھاوٴ ہے سوچنے سمجھنے کا
ناوٴ میں ڈوب کر کے مرنے کا
میں "ڈوب کر مرنے کا" زیادہ درست و فصیح لگے گا۔

میرے خیال سے مصرعہ بہر سے خارج ہوجائے گا۔