دو کان اور ایک زبان

[سرفراز فیضی]

وعن أبى الدرداء - رضي الله عنه - قال: " أنصف أذنيك من فيك وإنما جعل لك أذنان وفم واحدٌ لتسمع أكثر مما تتكلم ".
تزكية النفوس (ص: 27)
حضرت ابو درداء رضی اللہ تعالیٰ عنہ سے مروی ہے :
کان اور زبان کے معاملہ میں انصاف کرو۔ اللہ نے تمہیں دو کان اور ایک زبان دی ہے ۔ تاکہ تم زیادہ سنو اور کم بولو۔

 

[خضر حیات]

جزاکم اللہ خیرا ۔
کہا جاتا ہے کہ زبان کو دانتوں کے آہنی پنجرے کے اندر قید کرنے اور کانوں کو بلا کسی رکاوٹ کے چھوڑنا ان میں بھی ایک حکمت یہی لگتی ہے ۔
زبان کھولنے سے پہلے ہونٹ کھولنا پھر دانت کھولنا پڑتے ہیں لیکن کانوں سے سننے کے لیے کچھ بھی نہیں کرنا پڑتا ۔

بعض لوگ سمجھتے ہیں دو کان اس لیے ہیں کہ ایک سے سنیں اور دوسرے سے نکال دیں ۔ ( مسکراہٹ )

ویسے فورم وغیرہ کا معاملہ الگ ہے کیونکہ یہاں پڑھنے کے لیے آنکھیں بھی دو ہیں اور لکھنے کے لیے ہاتھ بھی دو ہیں ۔(البتہ انگلیوں کا حساب لگایا جائے تو پھر لکھائی پڑھائی سے کافی آگے ہونی چاہیے ۔) ( مسکراہٹ )
ہاں البتہ اگر غور و فکر کی شرط لگائی جائے تو دونوں کاموں کے لیے بیچارا دماغ ہی بچ جاتا ہے ۔ یہی وجہ ہے کہ بعض دفعہ مناقشات اور ردود میں بیک وقت دو طرفہ بوجھ کی وجہ سے کام کرنا چھوڑ جاتا ہے ۔ ( ابتسامہ )