ظالم بادشاہ کے سامنے کلمہ حق کہنا

[محمد نعیم یونس]

اللہ تعالیٰ کے پسندیدہ اُمور

ظالم بادشاہ کے سامنے کلمہ حق کہنا​

رسول اللہ صلی اللہ علیہ وسلم نے فرمایا:
أحبُّ الجِهادِ إلى اللهِ كَلمةُ حقٍّ تُقالُ لإمامٍ جائرٍ. (صحیح الجامع، رقم: ۱۶۶۔)
''اللہ تعالیٰ کے ہاں سب سے پسندیدہ جہاد ظالم بادشاہ کو حق بات کہنا ہے۔"
تشریح...: کلمۂ حق سے مراد ظالم بادشاہ کو کسی نیکی کا حکم یا کسی برائی سے روکنا ہے یہ کام خواہ الفاظ سے کرے یا لکھ کر یا اس کے علاوہ کسی اور طریقہ سے کرے۔
اللہ تعالیٰ کے ہاں اس کے پسندیدہ ہونے کی وجہ یہ ہے کہ دشمن کے مقابلہ میں جہاد کرنے والا خوف بھی رکھتا ہے اور امید بھی۔ اسے یہ معلوم نہیں ہوتا کہ غالب آئے گا یا مغلوب ہو گا مگر ظالم بادشاہ کے سامنے حق بات کہنے کی وجہ سے اس نے اپنے آپ کو یقینی ہلاکت میں داخل کر لیا ہے۔ لہٰذا جہاد کی اس قسم میں خوف کا غلبہ زیادہ ہوتا ہے اس لیے اس کو افضل قرار دیا گیا۔ (عون المعبود شرح ابو داؤد ص ۳۳۵، ۱۱۱)

 

[محمد آصف مغل]

ایسا موقعہ اللہ تعالی کی طرف سے آزمائش ہونے کے ساتھ ساتھ بڑا ہی غنیمت والا ہوتا ہے۔
دو چار مرتبہ ایسا موقعہ اللہ تعالی نے عطا فرمایا۔ اور اس اکیلے نے مدد فرمائی اور قادیانی افسر کی مٹی پلید کروا کے رکھ دی۔ ایسے لمحے زندگی کے اثاثہ جات ہیں۔ اللہ کی قسم! اس وقت اللہ تعالی کی تائید آنکھوں کے سامنے تھی اور اس کی نازل کردہ تسکین سے جسم دل و دماغ سمیت روح تک سرشار ہوتی دیکھی۔ الحمد للہ علی ذالک

 

[محمد ارسلان]

جزاک اللہ خیرا