ایمان دار اور منافق میں امتیاز کیسے ہوتا ہے؟ تفسیر السراج۔ پارہ:4

[محمد آصف مغل]

اَوَلَمَّآ اَصَابَتْكُمْ مُّصِيْبَۃٌ قَدْ اَصَبْتُمْ مِّثْلَيْھَا۝۰ۙ قُلْتُمْ اَنّٰى ہٰذَا۝۰ۭ قُلْ ھُوَ مِنْ عِنْدِ اَنْفُسِكُمْ۝۰ۭ اِنَّ اللہَ عَلٰي كُلِّ شَيْءٍ قَدِيْرٌ۝۱۶۵ وَمَآ اَصَابَكُمْ يَوْمَ الْتَقَى الْجَمْعٰنِ فَبِاِذْنِ اللہِ وَلِيَعْلَمَ الْمُؤْمِنِيْنَ۝۱۶۶ۙ

کیا تم کو جب ایک مصیبت پہنچی اور تم ان کو (یعنی کفار مکہ کو) دوچند(یعنی قتل وقید) پہنچا چکے ہوکہتے ہو کہ یہ مصیبت کہاں سے آئی۔ تو کہہ یہ تمہاری جانوں کی طرف سے آئی۔ بیشک اللہ ہرشے پر قادر ہے ۔(۱۶۵) اور دو فوجوں کے مقابلہ کے دن جو مصیبت تم پرآئی ، خدا کے حکم سے آئی تھی اور اس لیے کہ خدا ایمان داروں کو ظاہر کرے۔۱؎(۱۶۶)

۱؎ ان آیات میں مسلمانوں کو تسلی دی گئی ہے کہ عارضی شکست پر گھبراؤ نہیں۔ یہ سب کچھ خدائے متعال کی مرضی وارادے سے ہوا ہے۔ مقصد یہ تھاکہ ایمان دار اورمنافق میں امتیاز ہوجائے اورتم دوست اور دشمن کو پہچان لو۔