محترم بھائی آپ نے جو فتوی پیش کیا ہے اس پر تو کوئی اشکال نہیں
البتہ فتوی سے ہٹ کر ایک مشورہ ہے کہ جس لڑکی کو ہم پسند کرتے ہیں ہمیں دعا مانگنے سے پہلے یہ بھی دیکھنا چاہئے کہ ہم پسند اس لڑکی کی سیرت و دین کی وجہ سے کرتے ہیں یا صورت پیسے وغیرہ کی وجہ سے- دوسری وجوہات منع نہیں جب پہلی وجہ مقدم ہو-
اسکی وجہ یہ ہے کہ اگر دوسری وجہ کو ہی مقدم رکھیں گے تو یاد رکھیں لڑکی شادی کے بعد لڑکی نہیں رہتی پس تعلقات میں مضبوطی کم ہو سکتی ہے جب اصل وجہ میں کمی آ جائے
ہر کوئی اپنے نظریے کے مطابق مانگتا ہے اور پسند کرتا ہے، اگر کوئی لڑکا خود دینداری اور حسن سیرت والی لڑکی کا خواہشمند ہو گا اور اس کی پسندیدہ خاتون میں یہ باتیں پائی جاتی ہوں گی تو وہ اس کو مانگے گا۔
اس کے برعکس اگر کوئی خاتون کسی مرد کو اپنے حسن یا مال کی وجہ سے پسند ہو گی تو وہ اس کو مانگے گا، لیکن شرعی طور پر ترجیحا پہلی بات ہے، کیونکہ دینداری ہو تو دیگر ساری خوبیوں کی کمی پوری جاتی ہے، لیکن اگر دینداری نہ ہو تو دیگر تمام خوبیاں اس کمی کو پورا نہیں کر سکتی۔
یہ سرسری بات نہیں بلکہ تجربے کی بات ہے، سب سے زیادہ اپنے شوہر کے ساتھ وہی اچھے طریقے سے زندگی گزار رہی ہیں جو حقیقی معنوں میں دیندار خواتین ہیں۔ الحمدللہ
