اقوال سلف

[عمر السلفی۔]

اللہ تعالیٰ نے آسمان سے دل کی بیماریوں کے لیے قرآن مجید سے بڑھ کر شفا بخش نسخہ اور کوئی نہیں اتارا
حافظ ابن قیمؒ
[ابن القيم/الداء والدواء ص7]

 

[عمر السلفی۔]

امام احمد بن حنبل رحمہ اللہ فرماتے ہیں :
"اگر آپ چاہتے ہیں کہ اللہ تعالی آپکی ہر پسندیدہ چیز کو دوام (ہمیشگی) بخشیں تو ضروری ہے کہ آپ اللہ تعالی کی پسندیدہ چیز پہ ہمیشگی اختیار کریں۔"
[البداية والنهاية ١٠/٣٣٠]

 

[عمر السلفی۔]

جاہل کی علامت یہ ہےکہ ہرموقعہ پرغصہ کرےگا،رازکوافشاکرنے والاہوگا،ہرکسی پراعتمادکرےگا، غیرمناسب موقعہ پرنصیحت کرےگا۔
امام ابن منصور

سیراعلام النبلاء :12/ 213-214

 

[عمر السلفی۔]

‏قال ابن تيمية : ( الشهوة والغضب خُلِقا لمصلحة ومنفعة ، لكنّ المذموم هو العدوان فيهما )
مجموع الفتاوى ١٣/ ٨٣

امام ابن تیمیہ فرماتے ہیں：
شہوت اور غصے (جیسی صفات) کو مصلحت اور فائدے کے لیے پیدا کیا گیا ہے، لیکن جو قابل مذمت بات ہے وہ ان صفات میں حد سے بڑھنا ہے

 

[عمر السلفی۔]

قال شيخ الإسلام ابن تيمية: ليس تحت أديم السماء كتاب أصح من البخاري ومسلم
بعد القرآن (مجموع الفتاوى 18/74)

آسمان کے نیچے قرآن مجید کے بعد بخاری ومسلم سے بڑھ کر صحیح ترین کتاب اور کوئی نہیں!
ابن تیمیہ رحمہ اللہ

 

[عمر السلفی۔]

حافظ ابن القيم رحمہ اللہ فرماتے ہیں:
"بلاشبہ اللہ تعالٰی نے آنکھ کو دل کا آئینہ بنایا ہے لہذا جب انسان اپنی نظر کو جھکا لیتا ہے تو دل اپنی شہوت و ارادے کو جھکا دیتا ہے اور جب انسان اپنی نظر کو کھلا چھوڑ دیتا ہے تو دل بھی اپنی شہوت کو بے لگام چھوڑ دیتا ہے۔"

( روضة المحبين و نزهة المشتاقين : ٩٢ ، طبع دار الكتب العلمية بيروت)

 

[عمر السلفی۔]

امام احمد بن حنبل رحمۃ اللہ علیہ فرماتے ہیں :
" دنیا عمل کا گهر اور آخرت جزا کا گهر هے، جو یہاں عمل نہیں کرے گا وه وہاں نادم هو گا۔"
[ الزهد للبيهقي 282 ]

 

[عمر السلفی۔]

عِفّت کی حفاظت اور فقہی فائدہ ...
اگر کسی خاتون نے وضو کرنا ہو مگر اس کے اور پانی کے درمیان فاسق لوگ حائل ہوں تو وہ تیمم کر لے، کہ عِفّت کی حفاظت اولی ہے۔
(المغني لابن قدامة : 176/1)

 

[عمر السلفی۔]

متقی ہونے کیلیے ایسی کوئی شرط نہیں ہے کہ ان سے کبھی کوئی گناہ ہی سرزد نہ ہو،یا وہ خطا ومعصیت سے معصوم پیدا کیےگئے ہوں،اگر ایسی کوئی شرط ہوتی تو پوری امت میں کوئی بھی متقی نہ ہوتا۔متقی تو وہ ہے جو اپنے گناہوں سے توبہ کرلیتا ہے اور جو گناہوں کو مٹا دینے والی نیکیاں کرتارہتا ہے۔
"شیخ الاسلام ابن تیمیہ رحمہ اللہ"

منهاج السنة【 82/7 】

 

[عمر السلفی۔]

خبردار ان لوگوں میں سے مت ہونا جن کو خبط ہوتا ہے کہ ہمارے فتووں پر عمل کیا جائے، ہماری آراء کو پھیلایا جائے، اور ہماری باتوں کو سنا جائے۔
(امام سفیان ثوری رحمہ الله)

(الجرح والتعديل لابن أبي حاتم : ٨٧/١، رجاله ثقات)