نبی پر سلام کیسے بھیجیں

[عمر اثری]

السلام علیکم و رحمۃ اللہ وبرکاتہ
نبی صلی اللہ علیہ وسلم پر درود اور سلام بھیجنے کا حکم ہے ،درود بھیجنے کا طریقہ تو معلوم ہے، آپ پر سلام بھیجنے کا صحیح طریقہ کیا ہے؟ جیسے لوگ مسجدوں میں فجر کی نماز کے بعد کھڑے ہوکر سلام پڑھتے ہیں کیا یہ طریقہ صحیح ہے؟ اور لوگ الصلاۃ والسلام علیک یا رسول اللہ کہ کر سلام بھیجتے ہیں کیا یہ صحیح طریقہ ہے؟ اور سلام کے صیغے جو قرآن و حدیث سے ثابت ہیں انکی طرف رہنمائی کر دیں.

 

[خضر حیات]

و علیکم السلام ورحمۃ اللہ وبرکاتہ

نبی صلی اللہ علیہ وسلم پر درود اور سلام بھیجنے کا حکم ہے ،درود بھیجنے کا طریقہ تو معلوم ہے، آپ پر سلام بھیجنے کا صحیح طریقہ کیا ہے؟

درود و سلام کے لیے کوئی خاص طریقہ مروی نہیں ہے ۔ جیسا سہولت ہو نیکی کا یہ کام کیا جاسکتا ہے ۔

جیسے لوگ مسجدوں میں فجر کی نماز کے بعد کھڑے ہوکر سلام پڑھتے ہیں کیا یہ طریقہ صحیح ہے؟

جہاں کوئی خاص طریقہ مروی نہیں ، وہاں اس طرح کی پابندی درست نہیں ۔ بعض مساجد میں اجتماعی درود و سلام کا جو طریقہ رائج ہے ، یہ حضور صلی اللہ علیہ وسلم ، صحابہ کرام اور تابعین سے ثابت نہیں ۔ واللہ اعلم ۔

ور لوگ الصلاۃ والسلام علیک یا رسول اللہ کہ کر سلام بھیجتے ہیں کیا یہ صحیح طریقہ ہے؟

صیغہ خطاب کے اندر اگر استغاثہ وغیرہ جیسی غلط نیت نہ ہو ، تو اس کے ساتھ درود سلام پڑھنا جائز ہے ۔ ورنہ حرام بلکہ شرک بھی ہوسکتا ہے ۔

اور سلام کے صیغے جو قرآن و حدیث سے ثابت ہیں انکی طرف رہنمائی کر دیں.

جب رسول اللہ صلی اللہ علیہ وسلم پر درود وسلام پڑھنے سے متعلقہ آیت کا نزول ہو کہ ایمان دارو! تم رسول اللہ صلی اللہ علیہ وسلم پر درود پڑھا کرو۔توصحابہ کرام رضوان اللہ عنہم اجمعین نے عرض کیا یا رسول اللہ صلی اللہ علیہ وسلم ! ہم نے آپ پر سلام پڑھنا تو سیکھ لیا لیکن درود کیسے پڑھا کریں؟تورسول اللہ صلی اللہ علیہ وسلم نے صحابہ کرام رضوان اللہ عنہم اجمعین کو درود ابراہیمی پڑھنے کی تلقین فرمائی جو نماز میں التحیات پڑھنے کےبعد ادا کیا جاتا ہے۔ـ(صحیح بخاری :3370)
صحابہ کرام رضوان اللہ عنہم اجمعین التحیات میں یہ والا سلام پڑھتے تھے : ''السلام عليك ايها النبي ورحمة الله وبركاته "
ماخوذ از :
درود و سلام بھیجنے کا طریقہ
کون سا درود و سلام پڑھا جائے ؟