محمد عامر یونس
خاص رکن
- شمولیت
- اگست 11، 2013
- پیغامات
- 17,117
- ری ایکشن اسکور
- 6,823
- پوائنٹ
- 1,069
لنک
بین الاقوامی میڈیا کے مطابق مصر نے غزہ میں اسرائیل اور حماس کے درمیان جنگ بندی کی پیش کش کرتے ہوئے تجویز دی تھی کہ منگل کی صبح سے جنگ بندی کی جائے جس کے بعد قاہرہ میں دونوں فریقین کے وفود مذاکرات کریں۔ اسرائیلی کابینہ نے مصری حکومت کی اس تجویز کو منظور کرلیا ہے۔ دونوں فریقین کے درمیان مذاکرات کو کامیاب بنانے کے لئے امریکی وزیر خارجہ جان کیری بھی قاہرہ پہنچیں گے تاہم اب تک حکومتی سطح پر اس کی تصدیق نہیں کی گئی۔
حماس کے ترجمان فوزی برہوم نے بھی جنگ بندی کی کوششوں کی تصدیق کرتے ہوئے کہا ہے کہ کسی بھی جنگ کے دوران پہلے جنگ بندی اور پھر مذاکرات شروع نہیں ہوتے۔ ان کی تنظیم کسی بھی معاہدے تک پہنچے بغیر جنگ بندی مسترد کرتی ہے۔ حماس کے مرکزی رہنما اور سابق وزیر اعظم اسماعیل ہانیہ نے اپنے ایک وڈیو خطاب میں کہا ہے کہ غزہ میں فاقہ کشی، بمباری اور محاصرہ کھلی حقیقت ہے، غزہ میں بسنے والے فلسطینی وقار کے ساتھ رہنا چاہتے ہیں اس لئے اسرائیل کی جانب سے غزہ کا محاصرہ اب ختم ہونا چاہیئے۔ انہوں نے کہا کہ حماس اس لڑائی اور کئی سال سے جاری اسرائیلی محاصرے کا خاتمہ چاہتی ہے جس نے غزہ میں زندگی مفلوج کررکھی ہے۔
دوسری جانب صیہونی فوج نے آج صبح بھی غزہ کے مختلف علاقوں میں بربریت سلسلہ جاری رکھا اور فضائی حملوں میں مزید 5 نہتے فلسطینیوں کو شہید کردیا، جس کے بعد گزشتہ 8 روز کے دوران صیہونی بمباری کی بھینٹ فلسطینیوں کی تعداد 189 ہوگئی جن میں ایک چوتھائی بچے شامل ہیں۔ ان حملوں کے نتیجے میں ایک ہزار 200 سے زائد افراد زخمی بھی ہوئے جبکہ ہزاروں افراد بے گھر ہوئے ہیں۔
