9/11 حملے امریکی حکومت نے خود کروائے اور میرے پاس اس کا ٹھوس ثبوت موجود ہے

[محمد فیض الابرار]

 

[محمد فیض الابرار]

یہ ایک کتاب کے چند صفحات ہیں جو ایک صحافی کی یاد داشتیں ہیں جو باقاعدہ حوالہ جات سے مزین ہیں
مجھے یہ صفحات پوسٹ کرنے کے بعد احساس ہوا کہ یہ اس تھریڈ کے تحت ہونا چاہیے تھے جو نائن الیون حملے کے حوالے سے کنعان بھائی نے شروع کیا تھا
لہذا اگر ممکن ہو تو یہ وہاں منتقل کر دیے جائیں
@کنعان
@خضر حیات
@یوسف ثانی
http://forum.mohaddis.com/threads/9-11-حملے-امریکی-حکومت-نے-خود-کروائے-اور-میرے-پاس-اس-کا-ٹھوس-ثبوت-موجود-ہے.33372/#post-261432

 

[فواد]

​

فواد – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ

​

سب سے پہلے تو ميں واضح کر دوں کہ افغانستان ميں ہماری فوجی کاروائ اور خطے ميں ہماری موجودگی کا محرک انتقام کا جذبہ يا کسی کو سبق سکھانا ہرگز نہيں تھا۔ اگر ايسا ہوتا تو ہمیں تمام عالمی برادری اور خطے ميں پاکستان سميت اپنے تمام اتحاديوں سے مسلسل حمايت حاصل نہ ہوتی۔

ہزاروں کی تعداد ميں اپنے فوجی ايک دور دراز ملک ميں بھيجنے اور اس کی معاشی قیمت ادا کرنے ليے ہمارا بنيادی مقصد اور اصل محرک شروع دن سے يہی رہا ہے کہ انسانی جانوں کی حفاظت کو يقينی بنايا جا سکے۔ صرف امريکی زندگياں ہی نہيں بلکہ افغانی اور پاکستانی جانيں بھی جو ہمارے مشترکہ دشمنوں کے ہاتھوں روزانہ کی بنياد پر نقصان اٹھا رہے ہیں۔

یقينی طور پر پاکستان میں ہونے والے خودکش حملوں کے بعد پاکستان کے قانون نافذ کرنے والے اداروں کی جانب سے ان عناصر کی بيخ کنی کی کاوشوں پر آپ ان پر محض اس بنياد پر تنقيد نہيں کر سکتے کہ ايسی کوئ بھی کاروائ مزيد تشدد کا سبب بن سکتی ہے۔ ايسی سوچ ان دہشت گردوں کی مزيد حوصلہ افزائ کا سبب بنے گی تا کہ وہ قتل و غارت گری کی اپنی مہم کو جاری رکھيں۔

جنگ کے منفی اثرات سے کوئ بھی پہلو تہی نہيں کر سکتا۔ ايسی صورت حال کی روک تھام کے لیے ہر ممکن کوشش کی جانی چاہيے۔ ليکن دہشت گردی تو دور جس کے نتيجے ميں بے شمار بے گناہوں کی موت واقع ہوتی ہے، کسی بھی جرم کو بغیر سزا کے درگزر نہيں کيا جا سکتا۔ ايسا کرنا کسی بھی ايسے انسانی معاشرے يا ملک کے بنيادی انسانی اسلوب کی نفی ہے جو اپنے شہريوں کی زندگيوں کو محفوظ کرنے کا خواہاں ہے۔

ہم درپيش چيلنجز اور متوقع قربانيوں سے پوری طرح واقف ہيں۔ ليکن دہشت گردی کی قوتوں کے سامنے ہتھيار ڈالنے کا آپشن ہمارے پاس نہيں ہے۔ اس کے علاوہ ايسا کرنا دنيا بھر ميں ان لواحقين کے لیے انصاف کی دھجياں کرنے کے مترادف ہو گا جن کے چاہنے والے دہشت گردی کے اس عالمی عفريت کا شکار ہوۓ ہيں۔

ستمبر 11 2001 کو امريکی سرزمين پر ہونے والے حملے ہماری افغانستان ميں موجودگی کا سبب بنے۔ عالمی سطح پر يہ طے پا چکا تھا کہ اسامہ بن لادن ہی 911 کے حملوں کے ذمہ دار تھے اور انھيں افغانستان ميں طالبان کی پشت پناہی حاصل تھی۔ اسامہ بن لادن کو امريکہ کے حوالے کرنے کے لیے کئ ناکام مذاکرات کے بعد امريکہ نے بالآخر افغانستان ميں باقاعدہ حملے کا فيصلہ کيا۔

اس میں کوئ شک نہيں ہے کہ افغانستان ميں ہماری موجودگی کے سبب بے گناہ انسانوں کی جانيں بھی ضائع ہوئ ہیں لیکن ہمارے اسی عمل کے سبب بے اس سے کہيں زيادہ جانيں محفوظ بھی ہوئ ہیں۔ يہ سوچنا کہ امريکہ پر حملے کے بعد ہم اگر ردعمل نہ دکھاتے تو القائدہ اور ان سے منسلک گروہ اپنے آپ ہی منظر سے ہٹ جاتے، زمينی حقائق سے انکار کے مترادف ہے۔

صدر اوبامہ نے افغانستان ميں اپنے اہداف اور مقاصد ان الفاظ ميں واضح کيے ہیں

"ہم افغانستان کو تمام مسائل سے پاک کامل معاشرہ بنانے کی کوشش نہيں کريں گے۔ ہم جس ہدف کو حاصل کرنا چاہتے ہيں وہ قابل عمل ہے اور اسے آسان الفاظ میں يوں بيان کيا جا سکتا ہے : القائدہ اور ان سے منسلک ساتھيوں کے ليے کوئ ايسا محفوظ ٹھکانہ نہيں ہونا چاہیے جہاں سے وہ ہماری سرزمين اور اتحاديوں کے خلاف حملے کر سکیں۔"

فواد – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ

digitaloutreach@state.gov

www.state.gov

https://twitter.com/USDOSDOT_Urdu

http://www.facebook.com/USDOTUrdu
​

​

 

[فواد]

فواد – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ

ميں نے 911 کے حوالے سے يہ تمام ويڈيوز ديکھ رکھی ہيں۔ اس ايشو کے حوالے سے جو دلائل اور "ثبوت" انتہائ جذباتی انداز ميں پيش کيے جاتے ہیں، ان کی بنياد ہی میں واضح تضاد موجود ہے۔ ايک طرف تو يہ دعوی کيا جاتا ہے کہ امريکی حکومت کے اندر موجود کچھ عناصر 911 کے واقعات کے ذمہ دار تھے۔ اس تھيوری کو درست تسليم کرنے کا مطلب يہ ہے کہ يہ عناصر انتہائ طاقتور اور اثر ورسوخ کے حامل ہيں جن کے اختيارات کو چيلنج کرنا ممکن نہيں ہے۔ يہ عناصر اپنی عياری سے نہ صرف يہ کہ ہزاروں کی تعداد ميں موجود اس واقعے کے چشم دید گواہوں کو دھوکہ دينے ميں کامياب ہو گۓ بلکہ کڑوروں کی تعداد ميں جن لوگوں نے دنيا کے کونے کونے ميں ٹی وی پر براہراست يہ مناظر ديکھے، وہ بھی اس چالبازی کو نہيں سمجھ سکے۔ اس کے علاوہ امريکی حکومت کے اندر موجود يہ پراسرار عناصر ہزاروں کی تعداد ميں ماہرين اور درجنوں نجی تنظيموں اور اداروں کی تحقيقات کو بھی اپنے اثرورسوخ اور اختيارات کی بدولت دھوکہ دينے ميں کامياب ہو گۓ۔ صرف يہی نہيں بلکہ القائدہ کی ليڈرشپ سميت ہزاروں کی تعداد ميں جو افراد اس عظيم سازش کا حصہ تھے، وہ بھی پچھلے پندرہ سالوں سے اس راز پر پردہ ڈالے ہوۓ ہیں۔

مگر دوسری جانب يہی حکومتی عناصر اتنے کمزور اور بے بس ہو جاتے ہيں کہ کوئ بھی شخص جو کمپيوٹر تک رسائ رکھتا ہے اور ويڈيو ايڈيٹنگ کی بنيادی سمجھ بوجھ کے ساتھ ايک تخليقی سوچ رکھتا ہے، وہ اس مکمل اور عظيم ماسٹر پلان کی دھجياں بکھير سکتا ہے۔ وہی طاقتور اور بااختيار حکومتی عناصر جو دنيا کے بڑے بڑے اداروں اور ماہرين کو دھوکہ دينے ميں کامياب ہو سکتے ہيں وہ ان سازشی ويڈيوز کے تخليق کاروں کے سامنے بالکل بے بس اور ان کے رحم و کرم پر ہيں۔

حقيقت يہ ہے کہ کچھ راۓ دہندگان تمام تر عقلی دليل اور منطق کو نظرانداز کر کے ان ويڈيوز کی حقيقت کو صرف اس ليے تسليم کرنے پر آمادہ ہیں کيونکہ يہ اس مخصوص سياسی سوچ کی عکاس ہيں اور جس کا واحد نقطہ يہی ہے کہ دنيا کے تمام مسائل کا ذمہ دار امريکہ ہے۔

جہاں تک سازشی ويڈيوز اور دعوؤں کا سوال ہے تو ميں آپ کو يقين دلاتا ہوں کہ آپ دنيا کے کسی بھی اہم واقعے کے بارے ميں اسی طرح کی ويڈیوز اور بلند و بانگ دعوے ديکھ اور پڑھ سکتے ہيں، وہ چاہے انسان کا چاند پر جانے کا واقعہ ہو، پرل ہاربر يا شہزادی ڈيانا اور مائيکل جيکسن کی موت، ہر موضوع پر اسی طرح کی ويڈيوز اور خيالات موجود ہيں۔

فواد – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ

digitaloutreach@state.gov

www.state.gov

https://twitter.com/USDOSDOT_Urdu

http://www.facebook.com/USDOTUrdu
​

 

[محمد فیض الابرار]

عالمی سطح پر يہ طے پا چکا تھا کہ اسامہ بن لادن ہی 911 کے حملوں کے ذمہ دار تھے اور انھيں افغانستان ميں طالبان کی پشت پناہی حاصل تھی۔ اسامہ بن لادن کو امريکہ کے حوالے کرنے کے لیے کئ ناکام مذاکرات کے بعد امريکہ نے بالآخر افغانستان ميں باقاعدہ حملے کا فيصلہ کيا۔

آپ کا کوا سفید ہے اس لیے عالمی طور پر جو رپورٹ آپ کے حق میں ہوتی ہے وہ آپ تسلیم کر لیتے ہو اور جو رپورٹ آپ کی مخالفت میں ہو اسے رد کرنے کے لیے بہت آسانی سے یہ کہہ دیتے ہو کہ اس طرح کی بہت سی رپورٹ میں نے دیکھ رکھی ہیں
اگر کہیں گے تو جو صفحات میں نے پوسٹ کیے ہیں ان کا ریفرنس والے صفحات بھی پوسٹ کر دیتا ہوں تاکہ آپ کو علم ہو کہ اس میں تمام تر ریفرنس آپ کے ذرایع ابلاغ ہی ہیں

 

[خضر حیات]

یہ ایک کتاب کے چند صفحات ہیں جو ایک صحافی کی یاد داشتیں ہیں جو باقاعدہ حوالہ جات سے مزین ہیں
مجھے یہ صفحات پوسٹ کرنے کے بعد احساس ہوا کہ یہ اس تھریڈ کے تحت ہونا چاہیے تھے جو نائن الیون حملے کے حوالے سے کنعان بھائی نے شروع کیا تھا
لہذا اگر ممکن ہو تو یہ وہاں منتقل کر دیے جائیں
@کنعان
@خضر حیات
@یوسف ثانی
http://forum.mohaddis.com/threads/9-11-حملے-امریکی-حکومت-نے-خود-کروائے-اور-میرے-پاس-اس-کا-ٹھوس-ثبوت-موجود-ہے.33372/#post-261432

جی آپ کے مراسلے یہاں سے حالیہ تھریڈ میں منتقل کردیے گئے ہیں ۔

 

[فواد]

آپ کا کوا سفید ہے اس لیے عالمی طور پر جو رپورٹ آپ کے حق میں ہوتی ہے وہ آپ تسلیم کر لیتے ہو اور جو رپورٹ آپ کی مخالفت میں ہو اسے رد کرنے کے لیے بہت آسانی سے یہ کہہ دیتے ہو کہ اس طرح کی بہت سی رپورٹ میں نے دیکھ رکھی ہیں

​

فواد – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ

اردو کی ايک کہاوت ہے کہ "بدنامی ہو گی تو کيا نام نہ ہو گا"۔ يہ بات غور طلب ہے کہ جب کوئ شخص اپنی انفرادی حيثيت ميں 9/11 کے حوالے سے ايسی آزاد راۓ کا اظہار کرتا ہے جو انٹرنيٹ پر بے شمار سازشی کہانيوں سے مطابقت رکھتی ہے تو کچھ تجزيہ نگار اس راۓ کو ايک حتمی ثبوت کے طور پر پيش کرنا شروع کر ديتے ہيں۔

دلچسپ بات يہ ہے کہ ايسی راۓ دينے والے افراد اپنی سوچ کی بنياد انٹرنيٹ پر موجود انھی ويڈيوز اور پرانے مواد کو قرار ديتے ہیں جو برسوں سے موجود ہے۔ بنيادی بات يہ ہے کہ ايسے بيانات دے کر وہ اس ايشو کے حوالے سے کوئ نيا پہلو يا شہادت منظر عام پر نہيں لا رہے ہوتے بلکہ انھی کہانيوں کو دوبارہ بيان کر رہے ہوتے ہيں جن کے جوابات سائنسی بنيادوں پر متعلقہ ماہرين کئ بار دے چکے ہيں۔

يہ تاثر بھی حقائق کے منافی ہے کہ امريکی حکومت نے 11 ستمبر 2001 کے حوالے سے اٹھاۓ جانے والے سوالات يکسر نظرانداز کر ديے تھے۔

امريکی اسٹيٹ ڈيپارٹمنٹ کے ترجمان اور ڈيجيٹل آؤٹ ريچ ٹيم کے ممبر کی حيثيت سے ميں نے خود بے شمار اردو فورمز پر ان سوالات کے جواب ديے ہیں۔

يہ ايک ناقابل ترديد حقيقت ہے کہ امريکی حکومت کی جانب سے 911 کميشن رپورٹ کے علاوہ لاتعداد نجی تنظيموں اور ماہرين نے ان تمام سوالات کے جواب تفصيل سے ديے ہيں۔

کيا ان درجنوں اداروں کے سينکڑوں بلکہ ہزاروں ماہرين اس "عظيم سازش" کا حصہ ہيں ؟ کيا کئ سالوں پر محيط انکی تحقيق محض ايک دکھاوا ہے؟

کيا وجہ ہے کہ اس واقعے کو سازش قرار دينے کے حوالے سے جتنی بھی ویڈيوز کا ذکر کيا جاتا ہے اس ميں اٹھاۓ جانے والے سوالات ہميشہ يکطرفہ ہوتے ہيں اور اس ميں ان ماہرين کی راۓ شامل نہيں کی جاتی جو ان سوالات کا سائنسی تحقیق کی روشنی ميں مفصل جواب دے سکتے ہيں۔

کسی بھی تجزيے کا سب سے بنيادی اصول يہ ہوتا ہے کہ آپ تمام فريقين کے متضاد نقطہ نظر کو پڑھنے اور سننے کے بعد شواہد کی روشنی ميں کسی ايشو کے حوالے سے اپنی راۓ متعين کرتے ہيں۔

اگر بے شمار نجی اداروں اور ماہرين کی آراء کی بنياد پر مبنی حقائق کو يکسر نظرانداز کر کے محض ايک مخصوص نقطہ نظر کے حوالے سے ہی بات کی جاۓ تو ايسے بيان يا تجزيے کو محض ايک ايک ايسے مواد سے تشبيہ دی جا سکتی ہے جو کسی سياسی جماعت نے اپنے مخصوص نقطہ نظر کی تشہير کے ليے موسيقی اور جذباتيت سے مزين کر کے تيار کيا ہو۔

فواد – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ

digitaloutreach@state.gov

www.state.gov

https://twitter.com/USDOSDOT_Urdu

http://www.facebook.com/USDOTUrdu​

​

 

[محمد فیض الابرار]

ویسے فواد صاحب ایک چھوٹا سا سوال ہے کیا واقعی نائن الیون کا سانحہ طیاروں کے ٹکرانے سے ہی رونما ہوا تھا یہ کچھ اور بھی پس پردہ حقائق ہیں جو سامنے نہیں آنے دیے جا رہے