jzk

[ساجد تاج]

جزاک اللہ خیرا محمد ارسلان بھائی
باذوق بھائی نے جس طرف اشارہ کیا وہ بھی اپنی جگہ حقیقت رکھتا ہے
لیکن جب پورا لکھ سکتے ہیں تو آدھا کیوں لکھیں

 

[محمد ارسلان]

شکریہ ساجد بھائی

 

[باذوق]

باذوق بھائی نے جس طرف اشارہ کیا وہ بھی اپنی جگہ حقیقت رکھتا ہے
لیکن جب پورا لکھ سکتے ہیں تو آدھا کیوں لکھیں

دیکھئے بھائی ، اس میں شک نہیں کہ "جزاک اللہ" کو مکمل لکھنے کے اس تھریڈ والے پیغام کا مقصد اصلاح اور نیک نیتی ہی ہے۔ لیکن میں نے جو چیز پوائینٹ آؤٹ کی ، اس کے مفہوم کی ترسیل ۔۔۔ بہت ممکن ہے کہ درست ادا نہ ہوئی ہو۔
چیٹنگ یا فاسٹ ایمیل کے دوران jzk لکھ کر ۔۔۔ یہ ضروری نہیں ہے کہ ہم یہ بھی سمجھیں کہ :

مختصر انگلش کے تین حروف jzk لکھ دیتے ہیں اور سمجھتے ہیں کہ ہم نے اپنے مخاطب کو دعا دے دی ہے۔

کیونکہ بہت ممکن ہے کہ کوئی دل سے اور زبان سے بھی دعا دیتا ہو گو کہ چیٹ میں تین حروف ڈسپلے ہو جاتے ہیں۔
جیسا کہ بطور مثال ۔۔۔ ہم کی۔بورڈ پر صرف ایک کی [key] دباتے ہیں اور "صلی اللہ علیہ وسلم" کا لگیچر ڈسپلے ہو جاتا ہے۔ اسی طرح کچھ اردو فونٹس ایسے بھی ہیں جس میں مختلف کیز [keys] کے ساتھ "بسم اللہ" کا لگیچر محفوظ ہے ، السلام علیکم کا بھی اور ماشاءاللہ ، سبحان اللہ کا بھی۔
یہ وہ سہولیات ہیں جو فونٹس کے تکنیکی ماہرین نے فراہم کی ہیں ۔۔۔ اسکرین پر ڈسپلے ہونا بڑا مقصد نہیں بلکہ مقصد یہ ہے کہ دعا دل اور زبان سے بھی دی جائے۔ ورنہ یہ تو شاکر بھائی کے لیے یا میرے لیے کوئی دو تین منٹ کا کام ہے کہ فورم میں ایسی تکنیکی سہولت فراہم کر دیں کہ jzk ٹائپ کر کے پوسٹ کی جائے تو ڈسپلے پوسٹ میں "جزاک اللہ" لکھا نظر آئے۔ :)

مجھے تو یہ خطرہ ہونے لگا ہے کہ کچھ دن بعد قرآن پاک کا بھی شاٹ کٹ نہ نکل آئے ۔کہ اب تیس سپاروں کی کون تلاوت کرے۔دو چار انگریزی کے حروف بنا لو اور پھرمزے کرو۔

"شارٹ کٹ" فراہم کرنا بہترین اور لوگوں کو سہولت اور آسانی دینے والی چیز ہے۔ اس کے بہت فائدے ہیں۔
ہاں یہ بات البتہ غلط اور قابل ملامت و مذمت ہے کہ ہم کہیں اور ہم سوچیں کہ فلاں فلاں چار پانچ حروف یا اعداد کا ورد کر لینے سے فلاں فلاں سورہ کی تلاوت ہو جاتی ہے یا اس کا ثواب حاصل ہو جاتا ہے۔ جیسا کہ چند بدعتی طبقات ایسا سوچتے اور عمل کرتے ہیں۔
مجھے یاد ہے کہ ۔۔۔۔ کچھ سال قبل میں نے ایک ایسا چھوٹا سا پروگرام بنایا تھا کہ اگر آپ سورہ نمبر اور آیت نمبر ایک ٹکسٹ بکس میں ٹائپ کریں یا ڈراپ ڈاؤن مینو سے سلیکٹ کریں تو کلپ بورڈ [Clipboard] پر متعلقہ آیت کا عربی متن (مع اعراب) کاپی ہو جاتا تھا جسے آپ کہیں بھی پیسٹ کر سکتے۔ آپ سوچ سکتے ہیں کہ اس چیز سے ان لوگوں کو کتنی بڑی سہولت مل جاتی ہے جو آیت کو مکمل ٹائپ کرنے کی زحمت سے اسلیے بچنا چاہتے ہیں کہ کہیں کوئی اسپیلنگ مسٹیک نہ ہو جائے۔

کوئی نئی چیز یا عمل بذات خود خراب نہیں ہوتا ہاں اس کا غلط استعمال اور اس کے پس پشت جو غلط نیت ہوتی ہے وہ ضرور خراب ہو سکتی ہے۔
لہذا اگر کوئی jzk لکھتا ہے تو ہم اسے یہ صلاح تو ضرور دے سکتے ہیں کہ : بھائی ، مکمل دعا لکھا کرو! لیکن اس کی نیت پر شک کرتے ہوئے ایسا کہنا یا سوچنا کوئی درست بات نہیں کہ : شارٹ کٹ کے ذریعے کیا آپ خود کو دعا کے عمل سے فارغ سمجھ رہے ہیں؟ ہم یہ حسن ظن رکھ سکتے ہیں کہ بہت ممکن ہے کہ jzk لکھنے والا دل یا زبان سے بھی دعا دے رہا ہو۔

 

[محمد ارسلان]

استغفراللہ

باذوق بھائی! آپ بات کو سمجھنے کی کوشش کریں۔میں کسی کی نیت پر شک نہیں کر رہا۔اہم بات یہ ہے کہ کسی بھی نیک اعمال کی جزا اللہ تعالیٰ نے عطا کرنی ہے،اور jzk میں اللہ کا نام نہیں آتا،تو بتائیے کہ دعا کا یہ شارٹ کٹ طریقہ کتنا نامناسب ہے۔

 

[باذوق]

آپ بات کو سمجھنے کی کوشش کریں۔میں کسی کی نیت پر شک نہیں کر رہا۔اہم بات یہ ہے کہ کسی بھی نیک اعمال کی جزا اللہ تعالیٰ نے عطا کرنی ہے،اور jzk میں اللہ کا نام نہیں آتا،تو بتائیے کہ دعا کا یہ شارٹ کٹ طریقہ کتنا نامناسب ہے۔

ارے بھائی ، پریشان نہ ہوں ، میں بھی آپ کی نیت پر شک نہیں کر رہا :)
میرے کہنے کا مقصد صرف اتنا ہے کہ ۔۔۔ اصلاح کریں تو ایسے جملوں کے استعمال سے گریز کریں جن سے دوسرے کو اپنی کم علمی یا سبکی کا احساس ہو۔
آپ کہتے ہیں کہ دعا کا یہ شارٹ کٹ طریقہ نامناسب ہے ۔۔۔ فرض کیجیے کہ یہاں محدث فورم پر یہ سہولت لگا دی جائے کہ jzk لکھا جائے تو پوسٹ میں اس کی جگہ "جزاک اللہ خیرا" ڈسپلے ہو۔ لیکن جب ایک رکن یہاں jzk لکھے تو ہم اس پر اعتراض نہیں کریں گے کیونکہ ڈسپلے سے دعا ہمیں نظر آ ہی جائے گی ، لیکن یہی رکن جب صراط الھدیٰ فورم پر jzk لکھے تو وہاں چونکہ "جزاک اللہ خیرا" والے امیج کی سہولت نہیں ہوگی لہذا ڈسپلے میں jzk ہی نظر آئے گا ۔۔۔ تب کیا ہم اس رکن پر ایسا اعتراض وارد کر سکیں گے کہ : کیا صرف jzk لکھ کر آپ سمجھتے ہیں کہ آپ نے مخاطب کو دعا دے دی ہے؟ جبکہ اس رکن نے محدث فورم پر بھی jzk ہی تحریر کیا تھا۔
بہرحال ۔۔۔۔ میں نے پہلے بھی کہا تھا کہ اپنے اپنے نقطہ نظر کا فرق ہے۔ اب دیکھئے کہ مجھے اگر ایسی اصلاح دینے کو کہا جائے تو میں شاید اس طرح لکھوں :) ۔۔۔۔

ہم لوگ انٹرنیٹ پر اکثر و بیشتر الفاظ کے شارٹ کٹ استعمال کرتے ہیں۔ جیسا کہ اللہ حافظ کی جگہ ah یا جزاک اللہ کی جگہ jzk
اس سے مخاطب کے آگے مفہوم پورا تو ہو جاتا ہے اور یہ ہم بھی جانتے ہیں کہ jzk کسی بھی طرح "جزاک اللہ خیرا" کی طرح نہیں ہو سکتا ، اسلیے ہم دل میں یا زبان سے ساتھ ساتھ "جزاک اللہ خیرا" بھی کہہ لیتے ہیں۔ اگر تھوڑی سی محنت مزید کرتے ہوئے مکمل دعا اسی وقت لکھ دی جائے تو یہ دعاؤں والے الفاظ کی ترسیل کا زیادہ بہتر طریقہ سمجھا جائے گا ان شاءاللہ

اور ہاں ۔۔۔ ناراض نہ ہوں تو اس پوسٹ پر "جزاک اللہ خیرا" کا بٹن بھی ضرور دباتے جائیں (دل سے تو آپ دعائے خیر دیتے ہی ہیں ، اس کا مجھے یقین ہے :) )

 

[محمد ارسلان]

آپ کہتے ہیں کہ دعا کا یہ شارٹ کٹ طریقہ نامناسب ہے ۔۔۔

جی ہاں، اور اس طریقے کے مناسب ہونے کا آپ کے پاس کوئی ثبوت ہے تو فراہم کریں۔

فرض کیجیے کہ یہاں محدث فورم پر یہ سہولت لگا دی جائے کہ jzk لکھا جائے تو پوسٹ میں اس کی جگہ "جزاک اللہ خیرا" ڈسپلے ہو۔

اپنی بات کی آپ نے خود ہی وضاحت کر دی ہے۔ملاحظہ فرمائیں:

لیکن جب ایک رکن یہاں jzk لکھے تو ہم اس پر اعتراض نہیں کریں گے کیونکہ ڈسپلے سے دعا ہمیں نظر آ ہی جائے گی

جی ہاں میرا بھی یہی موقف ہے کہ دعا پوری نظر آئے،اگر ایسی سہولت ہو تو jzk لکھنے والا "جزاک اللہ خیرا" ہی سمجھ کر لکھے گا،اور جس کو پتہ ہو کہjzk لکھنے سے "جزاک اللہ خیرا" پورا نہیں لکھا جائے گا تو وہ jzk نہیں لکھے گا۔

لیکن یہی رکن جب صراط الھدیٰ فورم پر jzk لکھے تو وہاں چونکہ "جزاک اللہ خیرا" والے امیج کی سہولت نہیں ہوگی لہذا ڈسپلے میں jzk ہی نظر آئے گا ۔۔۔ تب کیا ہم اس رکن پر ایسا اعتراض وارد کر سکیں گے کہ : کیا صرف jzk لکھ کر آپ سمجھتے ہیں کہ آپ نے مخاطب کو دعا دے دی ہے؟

jzk لکھنے سے محدث فورم پر بھی jzk ہی شو ہوتا ہے،اصلہ مسئلہ لکھنے کا نہیں ہے بلکہ اس بات کو سمجھنے کا ہے کہ جزاک اللہ خیرا کے معنی ہیں"اللہ آپ کو بہتر بدلہ عطا فرمائے آمین۔اور jzkکے کیا معنی ہوتے ہیں؟آپ بتا سکتے ہیں۔
ایک اور مثال سمجھئے یہاں آپ کی درج ذیل پوسٹ پر دو بندوں نے "جزاک اللہ خیرا" کے بٹن پر کلک کیا۔

اس پوسٹ کے لیے مندرجہ ذیل 2 یوزرز نے باذوق کیلئے دعائیہ کلمات کہے ہیں:
شاکر , عبداللہ حیدر

یہ دعائیہ کلمات کیا ہیں؟ "جزاک اللہ خیرا" یا jzk

اور یہ ہم بھی جانتے ہیں کہ jzk کسی بھی طرح "جزاک اللہ خیرا" کی طرح نہیں ہو سکتا ، اسلیے ہم دل میں یا زبان سے ساتھ ساتھ "جزاک اللہ خیرا" بھی کہہ لیتے ہیں۔ اگر تھوڑی سی محنت مزید کرتے ہوئے مکمل دعا اسی وقت لکھ دی جائے تو یہ دعاؤں والے الفاظ کی ترسیل کا زیادہ بہتر طریقہ سمجھا جائے گا ان شاءاللہ

یہی بات میں کہنا چاہ رہا تھا جو آپ کو اب سمجھ آئی ہے۔