جاوید چوہدری کا تصور شریعت

[یوسف ثانی]

چڑیا گھر کی سیر کے دوران چند نابینا حضرات کو چڑیا گھر کے سب سے بڑے جانور ہاتھی سے ملوایا گیا۔جب انہوں نے ہاتھی کی بڑی تعریف سنی تو اسے ہاتھوں سے ٹٹول کر اسے "پہچاننے" کی کوشش کی کہ یہ جانور کیسا ہے۔سیر سے واپسی پر جب ان نابینا حضرات سے ہاتھی کو" ڈیفائن" کرنے کو کہاگیا تو ایک نے کہا کہ ہاتھی ایک موٹی رسی کی مانند ہے کیونکہ اس نے ہاتھی کے صرف سونڈکوہی ٹٹول کر "دیکھا " تھا۔ دوسرے نے کہا کہ ہاتھی ایک دستی پنکھے کی طرح ہے۔ موصوف نے ہاتھی کے صرف کانوں کو ہاتھ لگا کر "دیکھا" تھا۔تیسرے نے کہا کہ ہاتھی تو عمارتی ستونوں کی مانند ہے کہ اس نے ہاتھی کی ٹانگوں کو چھو کر ہاتھی کا تصورکیا تھا۔ غرضیکہ جس جس نابینا نے ہاتھی کے جس جس حصے کو ٹٹول کر ہاتھی کا تصور کیاتھا، انہیں ہاتھی ویسا ہی نظر آیا۔

ہم یہی حال اسلام اور شریعت کے ساتھ کر رہے ہیں۔ معروف کالم نگار جاوید چوہدری نے اپنے حالیہ کالم میں نبی کریم صلی اللہ علیہ وسلم کے چند اعلیٰ اخلاقِ حسنہ کا تذکرہ کرتے ہوئے کہا کہ: "یہ ہے شریعت۔لیکن ہم لوگ نہ جانے کون سی شریعت تلاش کر رہے ہیں؟ ہم کس شریعت کا مطالبہ کر رہے ہیں؟کیا کوئی صاحب علم میری رہنمائی کرسکتا ہے"۔گو میرا شمار اہل علم میں نہیں ہوتا، تاہم قرآن و حدیث کا ایک طالب علم ہونے کے ناطے مجھے یہ بخوبی علم ہے کہ'اخلاقِ حسنہ' ، دینِ اسلام کا ایک اہم جزو ضرورہے،لیکن یہ کُل اسلام ہرگز نہیں ہے۔ دراصل اسلام کو ڈیفائن کرنے کے معاملہ میں ہم متذکرہ بالانابینا حضرات کی پیروی کرنے لگ جاتے ہیں اور دانستہ یا نادانستہ اسلام کے کسی ایک پسندیدہ جزو کو پکڑ کر اسے ہی کُل اسلام سمجھ لیتے ہیں۔

المیہ یہ ہے کہ اسلام پر گفتگو کرنے والے ہمارے دانشور اہل قلم کی بھاری اکثریت قرآن و حدیث کی زبان عربی سے نابلد ہونے کے سبب اسلام کو اس کے اصل مآخذ سے پڑھ کر سمجھنے سے ہی قاصر ہے۔عربی زبان سے ناواقفیت کا المیہ اپنی جگہ، لیکن اس سے بڑا سانحہ یہ ہے کہ ہم میں سے بیشترمسلمان قلمکار ترجمہ کے ذریعہ سے بھی قرآن و حدیث کو اول تا آخر" مکمل" پڑھے ہوئے نہیں ہیں۔مکمل پڑھے ہوئے سے میری مراد یہ ہے کہ قرآن کو الحمد سے لے کر والناس تک اور حدیث میں کم از کم صحیحین یعنی بخاری و مسلم کی جملہ کتب اور ابواب کو اول تا آخر کسی بھی زبان میں ترجمہ سے سمجھ کر پڑھنا۔ جب ہم دین اسلام کے بنیادی مآخذ قرآن و حدیث کو ہی مکمل طور پر نہیں پڑھیں گے تو مکمل اسلام یا اسلامی شریعت کو کیسے جان پائیں گے۔ پھر ہم اسلام کو 'ڈیفائن' کرنے کے لئے انہی نابینا حضرات کی طرح کا مظاہرہ کریں گے کہ ہمیں اسلام کی جو بات معلوم ہو یا جو بات پسند ہو، اسی کو مکمل اسلام سمجھ بیٹھیں گے۔

یوں تواسلام کی مکمل تعریف قرآن ا ور احادیث میںہمیں جگہ جگہ مل جاتی ہے لیکن سورة العصرکو ایک ایسے کوزہ قرار دیا جاسکتا ہے جس میں اسلام کے سمندر کو اللہ تبارک تعالیٰ نے بڑی خوبصورتی سے سمو دیا ہے۔ اللہ تعالیٰ اس سورة میں فرماتے ہیں: "قسم ہے زمانے کی ! یقیناََ، انسان خسارے میں ہے سوائے ان لوگوں کے جو (۱) ایمان لائے (۲) اور کرتے رہے نیک عمل(۳)اور نصیحت کرتے رہے ایک دوسرے کو حق کی (۴) اورتلقین کرتے رہے ایک دوسرے کو صبر کی"۔ ڈاکٹر ذاکر نائیک کہتے ہیں کہ اس سورة کی رو سے صرف وہی لوگ کامیاب کہلائیں گے جو مرنے کے بعد بعد از حساب کتاب جنت میں داخل ہونے کے اہل قرار پائیں گے۔اوراس دنیا کے امتحان میں وہی لوگ کامیاب ہوں گے، جن لوگوں نے ان چاروں "سبجیکٹ" میں کم از کم پاسنگ مارکس توحاصل کئے ہوں۔گویا ہم کہہ سکتے ہیں کہ اسلام یا اسلامی شریعت بھی در اصل انہی چاروں "سبجیکٹ" کے تمام مضامین کے مجموعے کا نام ہے۔آئیے پر ہر سبجیکٹ کا انفرادی جائزہ لیتے ہیں۔

ا۔ ایمان اور عقائد: اللہ، اللہ کے فرشتوں، اللہ کی طرف سے بھیجے گئے تمام انبیاءعلیہ السلام( بشمول آخری نبی حضرت محمد بن عبد اللہ صلی اللہ علیہ وسلم)،ا للہ کی نازل کردہ تمام الہامی کتب (بشمول آخری کتاب، قرآن مجید کا وہ نسخہ جو دنیا بھر کے لاکھوں کروڑوں حفاظ کے سینوں میں حضرت محمد صلی اللہ علیہ وسلم کے دور سے آج تک محفوظ رہتاچلا آیا ہے)،روز حشر، جنت ، دوزخ وغیرہ پر بعینہ اسی طرح ایمان لانا، جس طرح کہ قرآن مجید اور صحیح احادیث (صحیح بخاری، صحیح مسلم سمیت صحاح ستہ کی تمام صحیح احادیث، ضعیف یا موضوع احادیث نہیں) میں مذکور ہے۔

۲۔ نیک اعمال:ا عمال کے دو بنیادی اجزا یعنی عبادات اور دیگرمعاملاتِ دنیوی کو بالترتیب قرآن، صحیح احادیث، سیرت رسول اللہ صلی اللہ علیہ وسلم، سیرت صحابہ رضی اللہ تعالیٰ عنہم اور اجماع امت کے مطابق ادا کرنا تاکہ یہ اعمال "نیک اعمال" بن سکیں۔عبادات اور مذہبی رسومات (نماز، روزہ، حج، زکوٰة، عمرہ،زیارات قبور، جہاد،تلاوت قرآن، نماز جنازہ اور تدفین وغیرہ ) کے معاملہ میں جائز اور ناجائز کا اُصول یہ ہے کہ یہ تمام کام بعینہ اُسی طرح ادا کئے جائیں ، جس طرح قرآن مجید اور صحیح احادیث میں بیان کیے گئے ہیںاور جن کاعملی نمونہ دور رسالت صلی اللہ علیہ وسلم اور دور صحابہ رضی اللہ تعالیٰ عنہم میں ملتا ہے۔ صرف یہی طریقہ عبادت اور مذہبی رسومات جائز ہیں۔ اس کے علاوہ تمام طریقہ عبادت اور مذہبی رسومات ناجائز اور حرام ہیں۔ اس کے برعکس دیگرمعاملاتِ دنیوی ( جیسے کھانا پینا، سونا جاگنا، سفر، ذریعہ معاش، نکاح، طلاق، تربیت اولاد، لین دین، دوسرے انسانوں سے تعلقات وغیرہ ) میں سب کچھ اور سارے طریقے "جائز اور حلال" ہیں سوائے اُن باتوں اور طریقوں کے جنہیں صاف صاف طریقہ سے بالترتیب قرآن مجید، صحیح احادیث، سنت رسول اللہ صلی اللہ علیہ وسلم، سیرت صحابہ رضی اللہ تعالیٰ عنہم اور اجماع امت میں "ناجائز اور حرام" قرار دیا گیا ہے۔ "اجماع امت" یہ ہے کہ اگرکسی معاملہ میں قرآن، صحیح احادیث، سیرت رسول صلی اللہ علیہ وسلم اورسیرت صحابہ رضی اللہ تعالیٰ عنہم سے واضح ہدایت نہ مل رہی ہوں اور ہدایت کی ضرورت بھی ہو تو یہ دیکھا جائے گاکہ ابتدائے اسلام سے لے کر آج تک کے علمائے اسلام کی بھاری اکثریت اس معاملہ میں کیا رائے رکھتی ہے۔ اسی اکثریتی رائے کو حق قرار دیا جائے گا کیونکہ ابن ماجہ کی ایک حدیث ہے:

" ان امتی لا تجتمع علی ضلالة بے شک میری امت گمراہی پر کبھی متفق نہ ہوگی"۔

یعنی نیک اعمال کے دو بنیادی حصے ہیں۔ ایک عبادات اور مذہبی رسومات اور دوسرے دیگر تمام دنیوی معاملات۔دنیوی معاملات میں ایک اہم حصہ لوگوں کے ساتھ تعلقات ہیں۔ اورلوگوں کے ساتھ تعلقات کے دائرہ کار میں خوش اخلاقی اور حسن سلوک اسلامی شریعت کاایک نمایاں وصف ہے۔ نبی کریم صلی اللہ علیہ وسلم اور صحابہ کرام رضی اللہ تعالیٰ اخلاقیات کے بلند ترین درجہ پر فائز تھے۔ محترم جاوید چوہدری نے انہی اخلاق حسنہ کا انتخاب پیش کرکے اپنے جادو بھرے قلم سے یہ بار بار باور کرانے کی کوشش کی ہے کہ یہی تو شریعت ہے۔ گویا اس کے علاوہ شریعت میں کچھ نہیں ہے۔ نہ ایمانیات و عقائد، نہ عبادات و مذہبی رسومات، نہ معاملات ، نہ تلقین و تبلیغ حق اور نہ ہی صبر۔ بس صرف اور صرف انسانی تعلقات میں بلند اخلاقیات ہی کُل شریعت اسلامی ہے۔


۳۔ حق کی نصیحت: دین اسلام پورے کا پورا حق ہے۔ اس کی تلقین اور تبلیغ ہر مسلمان پر فرض عین ہے اور سورة عصر کی رو سے اس پر عمل کئے بغیر کوئی انسان اُخروی کامیابی حاصل نہیں کرسکتا۔ امر بالمعروف اور نی عن المنکر ہر مسلمان کا فریضہ ہے۔ ہر مسلمان پر لازم ہے کہ وہ اپنی صلاحیت اور وسائل کے مطابق اپنے گرد و پیش کے لوگوں کو معروف کا حکم دے اور انہیں منکرات سے روکے۔ قرآن میںاکثر مقامات پر امر بالمعروف اور نہی عن المنکر کا حکم دیا گیا ہے، انفرادی سطح پر بھی اور اجتماعی سطح پر بھی۔ سورة آل عمران۔۴۰۱ میں ارشادِ ربانی ہے: تم میں سے ایک جماعت ایسی ہونی چاہئے جو بھلائی کی طرف بلائے، نیک کاموں کا حکم کرے اور بُرے کاموں سے روکے۔ارشاد نبوی ہے :تم میں سے جو شخص برائی دیکھے وہ اسے اپنے ہاتھ سے روکے ، اگر اس کی طاقت نہ ہو تو اپنی زبان سے روکنے اور اگر اسکی بھی طاقت نہ ہو تو اپنے دل سے ہی اسے برا جانے اور یہ ایمان کا سب سے کمزور ترین درجہ ہے (مسلم، مشکوٰة )۔ہمیں اپنا اپنا جائزہ لیتے رہنا چاہئے کہ ہم میں سے کتنے مسلمان ہیں جوحق کی نصیحت کے معاملہ میں قرآن و حدیث کے احکامات پرعمل پیرا ہیں ۔

4۔ صبر کی تلقین: ایک اچھے مسلمان میںصبر و شکر کا وصف نمایاں طور پر نظر آنا چاہئے۔ اول تو ہم سب پر اللہ کے اتنے احسانات ہیں اوراللہ نے اتنی نعمتیں عطا کی ہوئی ہیں کہ ہیں اگرہم ان سب کا شکریہ ادا کرنا بھی چاہیں تو نہیں کرسکتے کہ بلا شبہ انسان بڑا ناشکرا ہے۔لیکن اس کے باوجود اگرکبھی ہماری ہی غلط حرکتو ں کی وجہ سے یا اللہ کی طرف سے آنے والی آز مائش کی بدولت ہمیں کبھی کسی مشکل کا سامنا کرنا پڑ جائے تو رونے دھونے اور شکوہ شکایات میں ہم پیش پیش ہوے ہیں۔جبکہ سورة العصر کی رو سے کامیابی کا چوتھا اہم ترین ستون ہی صبر کرنا اور صبر کی تلقین کرنا ہے۔ اس مختصر سی تحریر کے ذریعہ شریعت کا ایک مکمل اور جامع تصور پیش کرنے کی کوشش کی گئی ہے۔اللہ کمی بیشی معاف کرے۔٭ ٭٭

جاوید چوہدری کا کالم یہاں پڑھئیے:
http://www.express.com.pk/epaper/PoPupwindow.aspx?newsID=1102093382&Issue=NP_LHE&Date=20140209

نوٹ: کالم میں تصویر ہونے کی وجہ سے کالم کا صرف لنک پیش ہے۔ یہ جوابی تحریر جاوید چوہدری اور ان کے اخبار کے ایڈیٹر کے علاوہ کوئی پونے پانسو اردو کالم نویسوں کو بھی ارسال کیا گیا ہے۔

 

[یوسف ثانی]

یہ ہے شریعت از جاوید چوہدری​

والدہ نے سات دن دودھ پِلایا، آٹھویں دن دشمن اسلام ابو لہب کی کنیز ثوبیہ کو یہ اعزاز حاصل ہوا، ثوبیہ نے دودھ بھی پلایا اور دیکھ بھال بھی کی، یہ چند دن کی دیکھ بھال تھی، یہ چند دن کا دودھ تھا لیکن ہمارے رسولؐ نے اس احسان کو پوری زندگی یاد رکھا، مکہ کا دور تھا تو ثوبیہ کو میری ماں میری ماں کہہ کر پکارتے تھے، ان سے حسن سلوک بھی فرماتے تھے، ان کی مالی معاونت بھی کرتے تھے، مدنی دور آیا تو مدینہ سے ابولہب کی کنیز ثوبیہ کے لیے کپڑے اور رقم بھجواتے تھے، یہ ہے شریعت۔
حضرت حلیمہ سعدیہ رضاعی ماں تھیں، یہ ملاقات کے لیے آئیں، دیکھا تو اٹھ کھڑے ہوئے اور میری ماں، میری ماں پکارتے ہوئے ان کی طرف دوڑ پڑے، وہ قریب آئیں تو اپنے سر سے وہ چادر اتار کر زمین پر بچھا دی جسے ہم کائنات کی قیمتی ترین متاع سمجھتے ہیں، اپنی رضاعی ماں کو اس پر بٹھایا، غور سے ان کی بات سنی اور ان کی تمام حاجتیں پوری فرما دیں، یہ بھی ذہن میں رہے، حضرت حلیمہ سعدیہ نے اسلام قبول نہیں کیا تھا، وہ اپنے پرانے مذہب پر قائم رہی تھیں، فتح مکہ کے وقت حضرت حلیمہ کی بہن خدمت میں حاضر ہوئی، ماں کے بارے میں پوچھا، بتایا گیا، وہ انتقال فرما چکی ہیں، رسول اللہ ﷺ کی آنکھوں میں آنسو آ گئے، روتے جاتے تھے اور حضرت حلیمہ کو یاد کرتے جاتے تھے، رضاعی خالہ کو لباس، سواری اور ایک سو درہم عنایت کیے، رضاعی بہن شیما غزوہ حنین کے قیدیوں میں شریک تھی، پتہ چلا تو انھیں بلایا، اپنی چادر بچھا کر بٹھایا، اپنے ہاں قیام کی دعوت دی، حضرت شیما نے اپنے قبیلے میں واپس جانے کی خواہش ظاہر کی، رضاعی بہن کو غلام، لونڈی اور بکریاں دے کر رخصت کر دیا ، یہ بعد ازاں اسلام لے آئیں، یہ ہے شریعت۔
جنگ بدر کے قیدیوں میں پڑھے لکھے کفار بھی شامل تھے، ان کافروں کو مسلمانوں کو پڑھانے، لکھانے اور سکھانے کے عوض رہا کیا گیا، حضرت زید بن ثابتؓ کو عبرانی سیکھنے کا حکم دیا' آپؓ نے عبرانی زبان سیکھی اور یہ اس زبان میں یہودیوں سے خط و کتابت کرتے رہے، کافروں کا ایک شاعر تھا، سہیل بن عمرو۔ یہ رسول اللہ ﷺ کے خلاف اشتعال انگیز تقریریں بھی کرتا تھا اور توہین آمیز شعر بھی کہتا تھا، یہ جنگ بدر میں گرفتار ہوا، سہیل بن عمرو کو بارگاہ رسالت میں پیش کیا گیا، حضرت عمرؓ نے تجویز دی، میں اس کے دو نچلے دانت نکال دیتا ہوں' یہ اس کے بعد شعر نہیں پڑھ سکے گا، تڑپ کر فرمایا '' میں اگر اس کے اعضاء بگاڑوں گا تو اللہ میرے اعضاء بگاڑ دے گا'' سہیل بن عمرو نے نرمی کا دریا بہتے دیکھا تو عرض کیا '' مجھے فدیہ کے بغیر رہا کر دیا جائے گا'' اس سے پوچھا گیا ''کیوں؟'' سہیل بن عمرو نے جواب دیا '' میری پانچ بیٹیاں ہیں، میرے علاوہ ان کا کوئی سہارا نہیں'' رسول اللہ ﷺ نے سہیل بن عمرو کو اسی وقت رہا کر دیا، یہاں آپ یہ بھی ذہن میں رکھئے، سہیل بن عمرو شاعر بھی تھا اور گستاخ رسول بھی لیکن رحمت اللعالمینؐ کی غیرت نے گوارہ نہ کیا، یہ پانچ بچیوں کے کفیل کو قید میں رکھیں یا پھر اس کے دو دانت توڑ دیں' یہ ہے شریعت۔
غزوہ خندق کا واقعہ ملاحظہ کیجیے' عمرو بن عبدود مشرک بھی تھا، ظالم بھی اور کفار کی طرف سے مدینہ پر حملہ آور بھی ۔ جنگ کے دوران عمرو بن عبدود مارا گیا، اس کی لاش تڑپ کر خندق میں گر گئی، کفار اس کی لاش نکالنا چاہتے تھے لیکن انھیں خطرہ تھا، مسلمان ان پر تیر برسا دیں گے، کفار نے اپنا سفیر بھجوایا، سفیر نے لاش نکالنے کے عوض دس ہزار دینار دینے کی پیش کش کی، رحمت اللعالمینؐ نے فرمایا ''میں مردہ فروش نہیں ہوں، ہم لاشوں کا سودا نہیں کرتے، یہ ہمارے لیے جائز نہیں'' کفار کو عمرو بن عبدود کی لاش اٹھانے کی اجازت دے دی، خیبر کا قلعہ فتح ہوا تو یہودیوں کی عبادت گاہوں میں تورات کے نسخے پڑے تھے، تورات کے سارے نسخے اکٹھے کروائے اور نہایت ادب کے ساتھ یہ نسخے یہودیوں کو پہنچا دیے اور خیبر سے واپسی پر فجر کی نماز کے لیے جگانے کی ذمے داری حضرت بلالؓ کو سونپی گئی، حضرت بلالؓ کی آنکھ لگ گئی، سورج نکل آیا تو قافلے کی آنکھ کھلی، رسول اللہ ﷺ نے حضرت بلالؓ سے فرمایا ''بلال آپ نے یہ کیا کیا'' حضرت بلالؓ نے عرض کیا ''یا رسول اللہ ﷺ جس ذات نے آپؐ کو سلایا، اس نے مجھے بھی سلا دیا'' تبسم فرمایا اور حکم دیا ''تم اذان دو'' اذان دی گئی، آپؐ نے نماز ادا کروائی اور پھر فرمایا ''تم جب نماز بھول جاؤ تو پھر جس وقت یاد آئے اسی وقت پڑھ لو'' یہ ہے شریعت۔
حضرت حذیفہ بن یمان ؓ سفر کر رہے تھے، کفار جنگ بدر کے لیے مکہ سے نکلے، کفار نے راستے میں حضرت حذیفہؓ کو گرفتار کر لیا، آپ سے پوچھا گیا، آپ کہاں جا رہے ہیں، حضرت حذیفہؓ نے عرض کیا ''مدینہ'' کفار نے ان سے کہا '' آپ اگر وعدہ کرو، آپ جنگ میں شریک نہیں ہو گے تو ہم آپ کو چھوڑ دیتے ہیں'' حضرت حذیفہؓ نے وعدہ کر لیا، یہ اس کے بعد سیدھے مسلمانوں کے لشکر میں پہنچ گئے' مسلمانوں کو اس وقت مجاہدین کی ضرورت بھی تھی، جانوروں کی بھی اور ہتھیاروں کی بھی لیکن جب حضرت حذیفہ ؓ کے وعدے کے بارے میں علم ہوا تو مدینہ بھجوا دیا گیا اور فرمایا ''ہم کافروں سے معاہدے پورے کرتے ہیں اور ان کے مقابلے میں صرف اللہ تعالیٰ سے مدد چاہتے ہیں'' نجران کے عیسائیوں کا چودہ رکنی وفد مدینہ منورہ آیا، رسول اللہ ﷺ نے عیسائی پادریوں کو نہ صرف ان کے روایتی لباس میں قبول فرمایا بلکہ انھیں مسجد نبویؐ میں بھی ٹھہرایا اور انھیں ان کے عقیدے کے مطابق عبادت کرنے کی اجازت بھی تھی' یہ عیسائی وفد جتنا عرصہ مدینہ میں رہا، یہ مسجد نبویؐ میں مقیم رہا اور مشرق کی طرف منہ کر کے عبادت کرتا رہا۔
ایک مسلمان نے کسی اہل کتاب کو قتل کر دیا، آپؐ نے مسلمان کے خلاف فیصلہ دیا اور یہ مسلمان قتل کے جرم میں قتل کر دیا گیا، حضرت سعد بن عبادہؓ نے فتح مکہ کے وقت مدنی ریاست کا جھنڈا اٹھا رکھا تھا، یہ مکہ میں داخل ہوتے وقت جذباتی ہو گئے اور انھوں نے حضرت ابو سفیانؓ سے فرمایا ''آج لڑائی کا دن ہے، آج کفار سے جی بھر کر انتقام لیا جائے گا'' رحمت اللعالمینؐ نے سنا تو ناراض ہو گئے، ان کے ہاتھ سے جھنڈا لیا، ان کے بیٹے قیسؓ کے سپرد کیا اور فرمایا ''نہیں آج لڑائی نہیں، رحمت اور معاف کرنے کا دن ہے''۔ مدینہ میں تھے تو مکہ میں قحط پڑ گیا، مدینہ سے رقم جمع کی، خوراک اور کپڑے اکٹھے کیے اور یہ سامان مکہ بھجوا دیا اور ساتھ ہی اپنے اتحادی قبائل کو ہدایت کی ''مکہ کے لوگوں پر برا وقت ہے، آپ لوگ ان سے تجارت ختم نہ کریں''۔ مدینہ کے یہودی اکثر مسلمانوں سے یہ بحث چھیڑ دیتے تھے ''نبی اکرم ﷺ فضیلت میں بلند ہیں یا حضرت موسیٰ ؑ '' یہ معاملہ جب بھی دربار رسالت میں پیش ہوتا، رسول اللہ ﷺ مسلمانوں سے فرماتے ''آپ لوگ اس بحث سے پرہیز کیا کریں''۔
ثماثہ بن اثال نے رسول اللہ ﷺ کو قتل کرنے کا اعلان کر رکھا تھا' یہ گرفتار ہو گیا، اسلام قبول کرنے کی دعوت دی، اس نے انکار کر دیا، یہ تین دن قید میں رہا، اسے تین دن دعوت دی جاتی رہی، یہ مذہب بدلنے پر تیار نہ ہوا تو اسے چھوڑ دیا گیا، اس نے راستے میں غسل کیا، نیا لباس پہنا، واپس آیا اور دست مبارک پر بیعت کر لی۔ ابو العاص بن ربیع رحمت اللعالمین ؐکے داماد تھے، رسول اللہ ﷺکی صاحبزادی حضرت زینبؓ ان کے عقد میں تھیں، یہ کافر تھے، یہ تجارتی قافلے کے ساتھ شام سے واپس مکہ جا رہے تھے، مسلمانوں نے قافلے کا مال چھین لیا، یہ فرار ہو کر مدینہ آگئے اور حضرت زینبؓ کے گھر پناہ لے لی، صاحبزادی مشورے کے لیے بارگاہ رسالت میں پیش ہو گئیں' رسول اللہ ﷺ نے فرمایا ''ابوالعاص کی رہائش کا اچھا بندوبست کرو مگر وہ تمہارے قریب نہ آئے کیونکہ تم اس کے لیے حلال نہیں ہو'' حضرت زینبؓ نے عرض کیا ''ابوالعاص اپنا مال واپس لینے آیا ہے'' مال چھیننے والوں کو بلایا اور فرمایا گیا ''یہ مال غنیمت ہے اور تم اس کے حق دار ہو لیکن اگر تم مہربانی کر کے ابوالعاص کا مال واپس کر دو تو اللہ تعالیٰ تمہیں اجر دے گا'' صحابہؓ نے مال فوراً واپس کر دیا، آپ ملاحظہ کیجیے، حضرت زینبؓ قبول اسلام کی وجہ سے مشرک خاوند کے لیے حلال نہیں تھیں لیکن رسول اللہ ﷺ نے داماد کو صاحبزادی کے گھر سے نہیں نکالا، یہ ہے شریعت۔
حضرت عائشہ ؓنے ایک دن رسول اللہ ﷺ سے پوچھا '' زندگی کا مشکل ترین دن کون سا تھا'' فرمایا، وہ دن جب میں طائف گیا اور عبدیالیل نے شہر کے بچے جمع کر کے مجھ پر پتھر برسائے، میں اس دن کی سختی نہیں بھول سکتا، عبدیالیل طائف کا سردار تھا، اس نے رسول اللہ ﷺ پر اتنا ظلم کیا تھا کہ اللہ تعالیٰ کی رحمت بھی جلال میں آ گئی' حضرت جبرائیل امین تشریف لائے اور عرض کیا، اگر اجازت دیں تو ہم اس پورے شہر کو دو پہاڑوں کے درمیان پیس دیں، یہ سیرت کا اس نوعیت کا واحد واقعہ تھا کہ جبرائیل امین نے گستاخی رسول پر کسی بستی کو تباہ کرنے کی پیش کش کی ہو اور عبدیالیل اس ظلم کی وجہ تھا، عبد یالیل ایک بار طائف کے لوگوں کا وفد لے کر مدینہ منورہ آیا، رسول اللہ ﷺ نے مسجد نبویؐ میں اس کا خیمہ لگایا اور عبد یالیل جتنے دن مدینہ میں رہا، رسول اللہ ﷺ ہر روز نماز عشاء کے بعد اس کے پاس جاتے' اس کا حال احوال پوچھتے، اس کے ساتھ گفتگو کرتے اور اس کی دل جوئی کرتے۔
عبداللہ بن ابی منافق اعظم تھا، یہ فوت ہوا تو اس کی تدفین کے لیے اپنا کرتہ مبارک بھی دیا' اس کی نماز جنازہ بھی پڑھائی اور یہ بھی فرمایا، میری ستر دعاؤں سے اگر اس کی مغفرت ہوسکتی تو میں ستر مرتبہ سے زیادہ بار اس کے لیے دعا کرتا'' یہ ہے شریعت۔ مدینہ کی حدود میں آپ کی حیات میں نو مسجدیں تعمیر ہوئیں، آپؐ نے فرمایا ''تم اگر کہیں مسجد دیکھو یا اذان کی آواز سنو تو وہاں کسی شخص کو قتل نہ کرو'' یہ ہے شریعت۔
ایک صحابیؓ نے عرض کیا ''یا رسول اللہ ﷺ مجھے کوئی نصیحت فرمائیں'' جواب دیا ''غصہ نہ کرو'' وہ بار بار پوچھتا رہا، آپؐ ہر بار جواب دیتے ''غصہ نہ کرو'' یہ ہے شریعت اور اللہ تعالیٰ نے ایک جگہ رسول اللہ ﷺ کے بارے میں فرمایا '' پیغمبرؐ اللہ کی بڑی رحمت ہیں، آپ لوگوں کے لیے بڑے نرم مزاج واقع ہوئے ہیں، آپ تند خو اور سنگ دل ہوتے تو یہ سب آپ کے گرد و پیش سے چھٹ جاتے'' اور یہ ہے شریعت لیکن ہم لوگ نہ جانے کون سی شریعت تلاش کر رہے ہیں، ہم کس شریعت کا مطالبہ کر رہے ہیں، کیا کوئی صاحب علم میری رہنمائی کرسکتا ہے؟۔

 

[عبدہ]

یہ ہے شریعت از جاوید چوہدری​

ایک صحابیؓ نے عرض کیا ''یا رسول اللہ ﷺ مجھے کوئی نصیحت فرمائیں'' جواب دیا ''غصہ نہ کرو'' وہ بار بار پوچھتا رہا، آپؐ ہر بار جواب دیتے ''غصہ نہ کرو'' یہ ہے شریعت اور اللہ تعالیٰ نے ایک جگہ رسول اللہ ﷺ کے بارے میں فرمایا '' پیغمبرؐ اللہ کی بڑی رحمت ہیں، آپ لوگوں کے لیے بڑے نرم مزاج واقع ہوئے ہیں، آپ تند خو اور سنگ دل ہوتے تو یہ سب آپ کے گرد و پیش سے چھٹ جاتے'' اور یہ ہے شریعت لیکن ہم لوگ نہ جانے کون سی شریعت تلاش کر رہے ہیں، ہم کس شریعت کا مطالبہ کر رہے ہیں، کیا کوئی صاحب علم میری رہنمائی کرسکتا ہے؟۔

اس کی سو باتوں کا ایک ہی بات سے رد ہو جاتا ہے​

سو سنار کی ایک لوہار کی

أَتَشْفَعُ فِي حَدٍّ مِنْ حُدُودِ اللَّهِ ثُمَّ قَامَ فخْطَبَ ثُمَّ قَالَ إِنَّمَا أَهْلَكَ الَّذِينَ قَبْلَكُمْ أَنَّهُمْ كَانُوا إِذَا سَرَقَ فِيهِمْ الشَّرِيفُ تَرَكُوهُ وَإِذَا سَرَقَ فِيهِمْ الضَّعِيفُ أَقَامُوا عَلَيْهِ الْحَدَّ وَايْمُ اللَّهِ لَوْ أَنَّ فَاطِمَةَ بِنْتَ مُحَمَّدٍ سَرَقَتْ لَقَطَعْتُ يَدَهَا (متفق علیہ)​

(آپ صلی اللہ علیہ وسلم نے کہا کہ اے اسامہ) تم خدا کی قائم کردہ سزاؤں میں سے ایک حد کے قیام کے سفارشی ہو یہ کہہ کر آپ صلی اللہ علیہ وآلہ وسلم کھڑے ہو گئے اور لوگوں کے سامنے خطبہ فرمایا کہ تم سے پہلی امتیں اس لئے ہلاک ہوئیں کہ ان میں جب کوئی شریف آدمی چوری کرتا تو اسے چھوڑ دیتے اور سزا نہ دیتے اور جب کوئی کمزور آدمی چوری کرتا تو اس کو سزا دیتے قسم ہے خدا کی! اگر فاطمہ رضی اللہ تعالیٰ عنہا محمد صلی اللہ علیہ وآلہ وسلم کی بیٹی بھی چوری کرے تو میں اس کا ہاتھ بھی کاٹ ڈالوں۔​

یہ ہے شریعت

 

[lovelyalltime]

اس کی سو باتوں کا ایک ہی بات سے رد ہو جاتا ہے​

سو سنار کی ایک لوہار کی

أَتَشْفَعُ فِي حَدٍّ مِنْ حُدُودِ اللَّهِ ثُمَّ قَامَ فخْطَبَ ثُمَّ قَالَ إِنَّمَا أَهْلَكَ الَّذِينَ قَبْلَكُمْ أَنَّهُمْ كَانُوا إِذَا سَرَقَ فِيهِمْ الشَّرِيفُ تَرَكُوهُ وَإِذَا سَرَقَ فِيهِمْ الضَّعِيفُ أَقَامُوا عَلَيْهِ الْحَدَّ وَايْمُ اللَّهِ لَوْ أَنَّ فَاطِمَةَ بِنْتَ مُحَمَّدٍ سَرَقَتْ لَقَطَعْتُ يَدَهَا (متفق علیہ)​

(آپ صلی اللہ علیہ وسلم نے کہا کہ اے اسامہ) تم خدا کی قائم کردہ سزاؤں میں سے ایک حد کے قیام کے سفارشی ہو یہ کہہ کر آپ صلی اللہ علیہ وآلہ وسلم کھڑے ہو گئے اور لوگوں کے سامنے خطبہ فرمایا کہ تم سے پہلی امتیں اس لئے ہلاک ہوئیں کہ ان میں جب کوئی شریف آدمی چوری کرتا تو اسے چھوڑ دیتے اور سزا نہ دیتے اور جب کوئی کمزور آدمی چوری کرتا تو اس کو سزا دیتے قسم ہے خدا کی! اگر فاطمہ رضی اللہ تعالیٰ عنہا محمد صلی اللہ علیہ وآلہ وسلم کی بیٹی بھی چوری کرے تو میں اس کا ہاتھ بھی کاٹ ڈالوں۔​

یہ ہے شریعت

اللہ آپ کو جزا ے خیر دے ​

​

شا ید جاوید چودھری اور اس کے چیلوں کو سمجھ آ جا ے ​

​

​

 

[Dua]

السلام علیکم،
یوسف ثانی بھائی جوابی تحریر کس نے لکھی ہے؟
1۔اور یہ بات اتنی درست نہیں،بلکہ سمجھنے کا انداز ہے۔مسلمان کو حکمت کے ساتھ دین کی دعوت یا تعلیم دینے کا حکم دیا گیا ہے،اور مجموعی طور پر ہمارا معاشرہ اس وقت سب سے زیادہ "اخلاق" جیسے اعمال میں پیچھے ہے۔آج پاکستان جیسے معاشرے سے کوئی اٹھ کر صحیح دین کی طرف رغبت دلاتا ہے تو اس کا یہ اقدام سراہا جانا چاہیئے۔
2۔یوسف بھائی آپ بھی اچھی طرح جانتے ہوں گے کہ کالم نویس جب عامی سطح پر تحریر لکھتے ہیں تو وہ خصوصی طور پر ایسے الفاظ کا انتخاب کرتے ہیں ،جیسے جاوید چوہدری صاحب نے کیا "یہ ہے شریعت"۔اور مقصد مین پوائنٹ کو فوکس کرنا ہوتا ہے۔
3۔اسی طرح جب کیسی ایک جز کو کل نہیں سمجھا جا سکتا تو ان کی مختصر سی تحریر کردہ چند واقعات میں بھی دین سمٹ نہیں گیا۔بلکہ یہ حصہ ہے کل نہیں۔
4۔ہماری حتی الامکان کوشش ہونی چاہیئے کہ بات کو مثبت نظر سے دیکھیں اور پھر کسی نتیجے پر پہنچیں۔ہمارے اعمال اللہ کی طرف لوٹائے جانے ہیں۔
5۔اس وقت بے شمار اینکر پرسنز ہیں،جن کی تحاریر ،مباحثے دیکھیں تو "اسلام" کا لفظ بھی نہیں دکھائی دیتا۔

 

[محمد ارسلان]

اللہ آپ کو جزا ے خیر دے ​

​

شا ید جاوید چودھری اور اس کے چیلوں کو سمجھ آ جا ے ​

​

​

جاوید چوہدری کے لیے بقول اقبال

چاہے تو کرے کعبے کوآتش کدہ پازس
چاہے تو کرے اس میں فرنگی صنم آباد
قرآن کو بازیچہ تاویل بنا کر
چاہے تو خود اک تازہ شریعت کرے ایجاد

 

[یوسف ثانی]

جاوید چوہدری پاکستان کا سب سے زیادہ پڑھاجانے والا کالم نویس ہے۔ اس کے کالموں کے مجموعے ہاٹ کیک کی طرح بکتے ہیں۔ جاوید کے کالموں کے مجموعوں کے اتنے زیادہ ایڈیشن شائع ہوتے ہیں کہ پاکستان کے بڑے سے بڑے لکھاریوں کے بھی نہیں ہوتے۔ وہ جس موجوع پر لکھتے ہیں، لکھنے کا حق ادا کردیتے ہیں۔ ان کے مستقل قارئین میں سربراہان مملکت، عدالتی جج سمیت اعلیٰ و ادنیٰ طبقات شامل ہیں، کیوںکہ وہ سب کے لئے لکھتے ہیں اور سب کی فلاح کے لئے لکھتے ہیں۔ میں روز اول سے جاوید چوہدری کے کالموں کا مداح ہوں اور ان کے کالموں کے بہت سے مجموعے میری شیلف میں موجود ہیں، جنہیں میں وقتاً فوقتاً پڑھتا رہتا ہوں اور کچھ نہ کچھ سیکھتا بھی رہتا ہوں۔
لیکن جاوید چوہدری کی تحریروں میں ایک بڑی خامی مجھے روز اول سے نظر آتی رہی ہے کہ وہ جب بھی اسلام یا اسلام کے کسی شعبہ پر قلم اٹھاتے ہیں، موضوع کا حق ادا کرنا تو دور کی بات اکثر و بیشتر (براہ راست یا بالواسطہ) مسلمہ شرعی امور کے خلاف لکھ جاتے ہیں۔ لگتا ہے کہ انہوں نے دنیا بھر کا لٹریچر تو بہت زیادہ پڑھ رکھا ہے لیکن اسلامی لٹریچر سے بالعموم اور قرآن و حدیث کو بالخصوص نہیں پڑھا ہے۔ اسی طرح گذشتہ ایک آدھ برسوں سے وہ اینٹی پاکستان اور سیکولر رائٹرز کی ”زبان“ میں لکھنے لگے ہیں۔ جبکہ قبل ازیں وہ ان کے موقف کی سخت مخالفت کرتے رہے ہیں۔ اللہ ہی جانے ان کے موقف میں یہ تبدیلی کیوں اور کیسے آئی ہے۔ وہ تو اب مسلمہ کرپٹ شخصیات تک کے غلط اقوال و افعال کی حمایت اور ترجمانی بھی کرنے لگے ہیں جیسے زرداری، ملالہ،ملک ریاض وغیرہ ۔ دو تین مرتبہ تو میں نے انہیں ای میل بھی کیا۔ اوپر کے سطور میں بھی میں نے یہی فریضہ ادا کرنے کی کوشش کی ہے۔ لگتا ہے کہ وہ پاکستان میں اسلامی شریعت کے نفاذ کے مخالف کیمپ میں شامل ہوگئے ہیں ۔
واللہ اعلم بالصواب

 

[عبدہ]

1۔اور یہ بات اتنی درست نہیں،بلکہ سمجھنے کا انداز ہے۔مسلمان کو حکمت کے ساتھ دین کی دعوت یا تعلیم دینے کا حکم دیا گیا ہے،اور مجموعی طور پر ہمارا معاشرہ اس وقت سب سے زیادہ "اخلاق" جیسے اعمال میں پیچھے ہے۔

بہنا آپ نے میری پوسٹ کو نا پسند کر کے میری اصلاح کرنے کی کوشش کی اللہ آپ کے خلوص پر آپ کو اجر عظیم دے امین
البتہ میں اپنی صفائی کچھ بیان کر دوں تاکہ اللہ کے ہاں عذر قبول ہو جائے

بہنا اوپر خالی شریعت کا ایک پہلو نہیں پیش کیا گیا تھا بلکہ آج کل کے مصلحت پسند طبقہ کی طرح اسلام کے ایک اہم پہلو کا رد کرتے ہوئے دوسرا پہلو پیش کیا گیا مندرجہ ذیل پوسٹ ملاحظہ ہو

ہم یہی حال اسلام اور شریعت کے ساتھ کر رہے ہیں۔ معروف کالم نگار جاوید چوہدری نے اپنے حالیہ کالم میں نبی کریم صلی اللہ علیہ وسلم کے چند اعلیٰ اخلاقِ حسنہ کا تذکرہ کرتے ہوئے کہا کہ: "یہ ہے شریعت۔لیکن ہم لوگ نہ جانے کون سی شریعت تلاش کر رہے ہیں؟ ہم کس شریعت کا مطالبہ کر رہے ہیں؟کیا کوئی صاحب علم میری رہنمائی کرسکتا ہے"۔

اللہ کے نبی صلی اللہ علیہ وسلم کو صرف ایک کام کے لئے دنیا میں بھیجا گیا

اللہ کے نبی صلی اللہ علیہ وسلم کا مقصد

وھو الذی ارسل رسولہ بالھدی و دین الحق لیظھرہ علی الدین کلہ
یعنی اصل مقصد دین اسلام (شریعت) کو تمام دنیا میں غالب کرنا تھا
|

مقصد کے حصول کے لئے ذرائع

اسکے لئے آپ صلی اللہ علیہ وسلم نے مندرجہ ذیل دو طریقے استعمال کیے
1-دعوت بذریعہ حسن اخلاق (ولو کنت فظا غلیظ القلب لن فضوا من حولک)
2-جہاد (رکاوٹ پر حسب ضرورت طاقت کا استعمال)

نتیجہ

یعنی اوپر دونوں پوائنٹ اصل مقصود نہیں بلکہ اصل مقصود تو لیظھرہ علی الدین کلہ- یعنی اوپر دونوں طریقوں کا استعمال جو کیا گیا تو اسکا مقصد صرف دین (شریعت) کا غلبہ تھا

میری رائے

اگر کوئی بے وقوف ساری زندگی ان دو پوائنٹوں پر صرف کر دے مگر اسکو یہ ہی نہ پتا ہو کہ میرے حسن اخلاق سے دعوت دینے اور جہاد سے رکاوٹ دور کرنے کا مقصد کیا ہے تو پھر اس نے ساری عمر ہی ضائع کر دی
پس اوپر موصوف نے یہی کیا ہے کہ حسن اخلاق کی تبلیغ غلط نہیں مگر جب حسن اخلاق کی تبلیغ میں آپ اصل مقصد کا ہی صفایا کر رہے ہوں تو پھر اسک مثال شیخ چلی کی طرح شاہد ہو جو جس ٹہنی پر بیٹھا تھا اسی کو کاٹ رہا تھا

آج پاکستان جیسے معاشرے سے کوئی اٹھ کر صحیح دین کی طرف رغبت دلاتا ہے تو اس کا یہ اقدام سراہا جانا چاہیئے۔
5۔اس وقت بے شمار اینکر پرسنز ہیں،جن کی تحاریر ،مباحثے دیکھیں تو "اسلام" کا لفظ بھی نہیں دکھائی دیتا۔

شیخ چلی جب ٹہنی کاٹ رہا تھا تو نیچے سے گزتے ہوئے میں نے کہا تھا کہ ایسا نہ کروں مگر اسنے کہا کہ تم کو تو مجھے کام کرتے ہوئے دیکھنے پر سراہانا چاہئے کیونکہ میرے بارے مشہور ہے کہ کام نہیں کرتا تو میں نے کہا کہ میرے لئے تمھارا نکما رہنا اس کام سے زیادہ بہتر ہے

4۔ہماری حتی الامکان کوشش ہونی چاہیئے کہ بات کو مثبت نظر سے دیکھیں اور پھر کسی نتیجے پر پہنچیں

واللہ بہن اوپر مقصد اور ذرائع کو جاننے کے بعد ہی اسکو مثبت نیت سے لکھا ہے آپ کی دل آزاری واللہ مقصد نہیں آپ معاف کر دیں اللہ آپ کو جزائے خیر دے امین

 

[Dua]

بہنا آپ نے میری پوسٹ کو نا پسند کر کے میری اصلاح کرنے کی کوشش کی اللہ آپ کے خلوص پر آپ کو اجر عظیم دے امین
البتہ میں اپنی صفائی کچھ بیان کر دوں تاکہ اللہ کے ہاں عذر قبول ہو جائے

بہنا اوپر خالی شریعت کا ایک پہلو نہیں پیش کیا گیا تھا بلکہ آج کل کے مصلحت پسند طبقہ کی طرح اسلام کے ایک اہم پہلو کا رد کرتے ہوئے دوسرا پہلو پیش کیا گیا مندرجہ ذیل پوسٹ ملاحظہ ہو



اللہ کے نبی صلی اللہ علیہ وسلم کو صرف ایک کام کے لئے دنیا میں بھیجا گیا

اللہ کے نبی صلی اللہ علیہ وسلم کا مقصد

وھو الذی ارسل رسولہ بالھدی و دین الحق لیظھرہ علی الدین کلہ
یعنی اصل مقصد دین اسلام (شریعت) کو تمام دنیا میں غالب کرنا تھا
|

مقصد کے حصول کے لئے ذرائع

اسکے لئے آپ صلی اللہ علیہ وسلم نے مندرجہ ذیل دو طریقے استعمال کیے
1-دعوت بذریعہ حسن اخلاق (ولو کنت فظا غلیظ القلب لن فضوا من حولک)
2-جہاد (رکاوٹ پر حسب ضرورت طاقت کا استعمال)

نتیجہ

یعنی اوپر دونوں پوائنٹ اصل مقصود نہیں بلکہ اصل مقصود تو لیظھرہ علی الدین کلہ- یعنی اوپر دونوں طریقوں کا استعمال جو کیا گیا تو اسکا مقصد صرف دین (شریعت) کا غلبہ تھا

میری رائے

اگر کوئی بے وقوف ساری زندگی ان دو پوائنٹوں پر صرف کر دے مگر اسکو یہ ہی نہ پتا ہو کہ میرے حسن اخلاق سے دعوت دینے اور جہاد سے رکاوٹ دور کرنے کا مقصد کیا ہے تو پھر اس نے ساری عمر ہی ضائع کر دی
پس اوپر موصوف نے یہی کیا ہے کہ حسن اخلاق کی تبلیغ غلط نہیں مگر جب حسن اخلاق کی تبلیغ میں آپ اصل مقصد کا ہی صفایا کر رہے ہوں تو پھر اسک مثال شیخ چلی کی طرح شاہد ہو جو جس ٹہنی پر بیٹھا تھا اسی کو کاٹ رہا تھا


شیخ چلی جب ٹہنی کاٹ رہا تھا تو نیچے سے گزتے ہوئے میں نے کہا تھا کہ ایسا نہ کروں مگر اسنے کہا کہ تم کو تو مجھے کام کرتے ہوئے دیکھنے پر سراہانا چاہئے کیونکہ میرے بارے مشہور ہے کہ کام نہیں کرتا تو میں نے کہا کہ میرے لئے تمھارا نکما رہنا اس کام سے زیادہ بہتر ہے



واللہ بہن اوپر مقصد اور ذرائع کو جاننے کے بعد ہی اسکو مثبت نیت سے لکھا ہے آپ کی دل آزاری واللہ مقصد نہیں آپ معاف کر دیں اللہ آپ کو جزائے خیر دے امین

جزاک اللہ خیرا بھائی۔
سب سے پہلی بات تو یہ کہ میں منفی ریٹنگ بہت کم دیتی ہوں اور آپ کی پوسٹ میں دی بھی نہیں۔۔۔توجہ طلب،ابتسامہ
آپ کی بات درست ہے اور میں اس سے اتفاق کرتی ہوں۔
لیکن کسی کا کوشش کرنا بھی برا نہیں ،ہمیں تمام ایسوں کی ہدایت کی دعا مانگتے رہنا چاہیئے۔
مجھے آپ کی بات سے دل آزاری نہیں ہوئی بھائی،کوشش میری بھی حق بات کہنا ہے اور آپ کےمتعلق بھی میرایہی گمان ہے کہ یہی کوشش آپ کی ہے۔اللہ تعالی غلطیاں معاف فرما دے۔آمین

میں روز اول سے جاوید چوہدری کے کالموں کا مداح ہوں اور ان کے کالموں کے بہت سے مجموعے میری شیلف میں موجود ہیں، جنہیں میں وقتاً فوقتاً پڑھتا رہتا ہوں اور کچھ نہ کچھ سیکھتا بھی رہتا ہوں۔

جاوید چوہدری کا "اسلامی نقطہ نظر" سمجھتے ہوئے بھی آپ ان کے مداح کیوں ہے؟

 

[طاہر اسلام]

یہ جاہل شخص ہے؛کچھ عرصہ پہلے اس نے غالبا قازقستان کے دورے میں رقص و سرود کا مشاہدہ کرنے کے بعد ستائشی کالم لکھا تھا ؛اسی طرح ثقافت کے نام پر ایسی سرگرمیوں کی تحسین کرتا رہتا ہے اور مغربی ممالک کی سیاحت کے بعد وہاں کے قصیدے پڑھنا شروع کر دیتا ہے؛آج (۱۲ فروری ۲۰۱۴) کے کالم میں کہتا ہے کہ اچھی حکومت پہلے ہونی چاہیے،شریعت بعد میں؛سعودی عرب پر بھی طعن کر گیا ہے کہ وہاں شرعی سزائیں نافذ ہیں ،لیکن جرائم ختم نہیں ہوئے،جب کہ ڈنمارک کی تعریف کی ہے کہ وہاں75 برسوں میں صرف 15قتل ہوئے ہیں؛عجیب بات یہ ہے کہ ساتھ ہی یہ بھی کہتا ہے کہ وہاں جنسی بے راہ روی،سود ،فحاشی ،عریانی،شراب خانے اور رقص گاہیں بھی ہیں!!تو جب انھوں نے ان معاملات کو جرائم کی فہرست ہی سے خارج کردیا ہے ،تو باقی قتل ہی رہ جاتا ہے،سو اس پر انھوں نے قابو پا لیا ہے؛اس میں کیا خاص بات رہ جاتی ہے؟
اس طرح کے کالم نگار واضح سیکولر اور لبرل دانش وروں کی نسبت زیادہ خطرناک ہیں؛خدا ان کے شر سے امت کو بچائے اور ہمیں اس کے تدارک کی سنجیدہ کاوشوں کی توفیق مرحمت فرمائے؛آمین