آل محمد اور آل ابرہیم علیھم السلام سے کون لوگ مراد ہیں؟

[عبداللہ ابن آدم]

السلام علیکم ورحمتہ اللہ وبرکاتہ
آل محمد صلی اللہ علیہ والہ وسلم اور آل ابراہیم علیہ السلام سے کون لوگ مراد ہیں؟ اور کیا آل محمد صلی اللہ علیہ والہ وسلم میں نبی پاک صلی اللہ علیہ والہ وسلم کی ازواج بھی شامل ہیں کہ نہیں؟یا صرف آپ صلی اللہ علیہ ولہ وسلم کے خاندان بنی ہاشم اور بنو عبدالمطلب کے لوگ شامل ہیں جن پر صدقہ حرام ہے؟؟ کیونکہ اکثر شعیہ حضرات یہ بات کرتے ہیں کہ تم نماز میں بھی ہم پر رحمت کرتے ہو یعنی نماز میں جو درود ابرہیم پڑھتے ہو اُس میں آل رسول صلی اللہ علیہ والہ وسلم کیلئے رحمت اور برکت کی دعا کرتے ہویعنی خود کو وہ اہل بیت تصور کرتے ہیں اوردوسری بات جب ان سے پوچھا جائے کہ تم اہل بیت کیلئے "علیہ السلام " کیوں استعمال کرتے ہو جبکہ دوسروں کیلئے نہیں کرتے تو اس کے جواب میں بھی یہی کہتے ہیں کہ تم نماز میں ''الھم صلی علی محمد وعلی آل محمد'' کیوں کہتے ہو؟تو یہ بات مجھے سمجھ نہیں آتی کہ کیا آل محمد صلی اللہ علیہ والہ وسلم سے مراد صرف آپکی اولاد ہی ہے یا کوئی اور بھی ہے نیز آل ابراہیم کی وضاحت بھی کر دیجئے گا ؟

 

[ابوالحسن علوی]

وعلیکم السلام ورحمۃ اللہ وبرکاتہ

آل محمد سے مراد حضرت محمد صلی اللہ علیہ وسلم کے متبعین اور آل ابراہیم سے مراد حضرت ابراہیم علیہ السلام کے متبعین ہیں۔ حضرت جابر بن عبد اللہ رضی اللہ عنہ سے صحیح سند سے مروی ہے کہ آل محمد سے مراد ان کی امت ہے:
«آل محمد أمته» السنن الکبری للبیھقی، جلد ۲، ص ۱۵۲


قرآن مجید میں آل فرعون کا لفظ فرعون کے متبعین کے لیے استعمال ہوا ہے جیسا کہ ارشاد باری تعالی ہے:
{وَأَغْرَقْنَا آلَ فِرْعَوْنَ}
اور ہم نے آل فرعون کو غرق کر دیا تھا۔

تو جو غرق ہوئے تھے، وہ صرف فرعون کے خاندان کے لوگ نہیں تھے بلکہ اس کے متبعین اور سپاہی بھی غرق ہوئے تھے۔ واللہ اعلم