آپکی پسندیدہ آیت قرآنی!

[اخت ولید]

بسم اللہ الرحمٰن الرحیم
السلام علیکم ورحمۃ اللہ وبرکاتہ​

حرف حرف ہدایت۔۔حرف حرف نصیحت۔۔حرف حرف فصاحت۔۔حرف حرف بلاغت۔۔یہی تو میرے رب کا کلام ہے۔۔القرآن الکریم!!
بے مثل کلام۔۔۔دلوں میں کیوں نہ اترے؟؟
اس دھاگے میں انہیں دل میں اترنے والی آیات کو شئیر کرنا ہے۔۔اپنی پسندیدہ آیات!!

نوٹ:عربی عبارت کے ساتھ ترجمہ ضرور تحریر کریں۔
ایک رکن زیادہ سے زیادہ قرآن مجید کے پانچ مختلف مقامات سےآیات شئیر کر سکتا ہے۔

 

[اخت ولید]

اعوذ باللہ من الشیطٰن الرجیم
بسم اللہ الرحمٰن الرحیم
مُّحَمَّدٌ رَّ‌سُولُ اللَّـهِ ۚ وَالَّذِينَ مَعَهُ أَشِدَّاءُ عَلَى الْكُفَّارِ‌ رُ‌حَمَاءُ بَيْنَهُمْ ۖ تَرَ‌اهُمْ رُ‌كَّعًا سُجَّدًا يَبْتَغُونَ فَضْلًا مِّنَ اللَّـهِ وَرِ‌ضْوَانًا ۖ سِيمَاهُمْ فِي وُجُوهِهِم مِّنْ أَثَرِ‌ السُّجُودِ ۚ ذَٰلِكَ مَثَلُهُمْ فِي التَّوْرَ‌اةِ ۚ وَمَثَلُهُمْ فِي الْإِنجِيلِ كَزَرْ‌عٍ أَخْرَ‌جَ شَطْأَهُ فَآزَرَ‌هُ فَاسْتَغْلَظَ فَاسْتَوَىٰ عَلَىٰ سُوقِهِ يُعْجِبُ الزُّرَّ‌اعَ لِيَغِيظَ بِهِمُ الْكُفَّارَ‌ ۗ وَعَدَ اللَّـهُ الَّذِينَ آمَنُوا وَعَمِلُوا الصَّالِحَاتِ مِنْهُم مَّغْفِرَ‌ةً وَأَجْرً‌ا عَظِيمًا ۔
(سورۃ الفتح،آیت نمبر 29)
​

ترجمہ:محمد (صلی اللہ علیہ وسلم) اللہ کے رسول ہیں اور جو لوگ ان کے ساتھ کافروں پر سخت ہیں آپس میں رحمدل ہیں، تو انہیں دیکھے گا کہ رکوع اور سجدے کر رہے ہیں اللہ تعالیٰ کے فضل اور رضامندی کی جستجو میں ہیں، ان کا نشان ان کے چہروں پر سجدوں کے اثر سے ہے، ان کی یہی مثال تورات میں ہے اور ان کی مثال انجیل میں ہے، مثل اسی کھیتی کے جس نے اپنا انکھوا نکالا پھر اسے مضبوط کیا اور وه موٹا ہوگیا پھر اپنے تنے پر سیدھا کھڑا ہوگیا اور کسانوں کو خوش کرنے لگا تاکہ ان کی وجہ سے کافروں کو چڑائے، ان ایمان والوں اور نیک اعمال والوں سے اللہ نے بخشش کا اور بہت بڑے ثواب کا وعده کیا ہے ۔

 

[Aamir]

سورة العصر
بِسْمِ اللَّـهِ الرَّ‌حْمَـٰنِ الرَّ‌حِيمِ
وَالْعَصْرِ‌ ﴿١﴾
عصر کی قسم

إِنَّ الْإِنسَانَ لَفِي خُسْرٍ‌ ﴿٢﴾
کہ انسان نقصان میں ہے

إِلَّا الَّذِينَ آمَنُوا وَعَمِلُوا الصَّالِحَاتِ وَتَوَاصَوْا بِالْحَقِّ وَتَوَاصَوْا بِالصَّبْرِ‌ ﴿٣﴾
مگر وہ لوگ جو ایمان لائے اور نیک عمل کرتے رہے اور آپس میں حق (بات) کی تلقین اور صبر کی تاکید کرتے رہے

 

[Dua]

وعلیکم السلام !
پورا قرآن ہی نصیحت ہے اور پسندیدہ ہونا چاہیئے۔یہ تفریق ہمیں زیب نہیں دیتی !

 

[ابن طاھر]

اللَّهُ لَا إِلَهَ إِلَّا هُوَ الْحَيُّ الْقَيُّومُ ۚ لَا تَأْخُذُهُ سِنَةٌ وَلَا نَوْمٌ ۚ لَهُ مَا فِي السَّمَاوَاتِ وَمَا فِي الْأَرْضِ ۗ مَنْ ذَا الَّذِي يَشْفَعُ عِنْدَهُ إِلَّا بِإِذْنِهِ ۚ يَعْلَمُ مَا بَيْنَ أَيْدِيهِمْ وَمَا خَلْفَهُمْ ۖ وَلَا يُحِيطُونَ بِشَيْءٍ مِنْ عِلْمِهِ إِلَّا بِمَا شَاءَ ۚ وَسِعَ كُرْسِيُّهُ السَّمَاوَاتِ وَالْأَرْضَ ۖ وَلَا يَئُودُهُ حِفْظُهُمَا ۚ وَهُوَ الْعَلِيُّ الْعَظِيمُ (2:255)

اللہ (وہ معبود برحق ہے کہ) اس کے سوا کوئی عبادت کے لائق نہیں زندہ ہمیشہ رہنے والا اسے نہ اونگھ آتی ہے نہ نیند جو کچھ آسمانوں میں اور جو کچھ زمین میں ہیں سب اسی کا ہے کون ہے جو اس کی اجازت کے بغیر اس سے (کسی کی) سفارش کر سکے جو کچھ لوگوں کے روبرو ہو رہا ہے اور جو کچھ ان کے پیچھے ہوچکا ہے اسے سب معلوم ہے اور وہ اس کی معلومات میں سے کسی چیز پر دسترس حاصل نہیں کر سکتے ہاں جس قدر وہ چاہتا ہے (اسی قدر معلوم کرا دیتا ہے) اس کی بادشاہی (اور علم) آسمان اور زمین سب پر حاوی ہے اور اسے ان کی حفاظت کچھ بھی دشوار نہیں وہ بڑا عالی رتبہ اور جلیل القدر ہے (2:255)

 

[ابن طاھر]

وعلیکم السلام !
پورا قرآن ہی نصیحت ہے اور پسندیدہ ہونا چاہیئے۔یہ تفریق ہمیں زیب نہیں دیتی !

بلکل ٹھیک کہا آپ نے کہ یہ پورا قرآن ہی نصیحت ہے اور پسندیدہ ہونا چاہیے لیکن میرا یہ خیال ہے کہ کسی آیت یا آیات کو زیادہ پسند کرنا (جن کا اثر انسان خود پہ زیادہ محسوس کرے)، یہ تفریق کے زمرے میں نہیں آتا. واللہ اعلم

ویسے میری ناقص راے میں اگر عنوان کو تبدیل کر کے کچھ ایسا کر دیا جائے کہ وہ قرآنی آیات share کی جائیں جو احادیث کی رو سے اہمیت یا خاص شان نزول کی حامل ہیں.

 

[Dua]

بلکل ٹھیک کہا آپ نے کہ یہ پورا قرآن ہی نصیحت ہے اور پسندیدہ ہونا چاہیے لیکن میرا یہ خیال ہے کہ کسی آیت یا آیات کو زیادہ پسند کرنا (جن کا اثر انسان خود پہ زیادہ محسوس کرے)، یہ تفریق کے زمرے میں نہیں آتا. واللہ اعلم

ویسے میری ناقص راے میں اگر عنوان کو تبدیل کر کے کچھ ایسا کر دیا جائے کہ وہ قرآنی آیات share کی جائیں جو احادیث کی رو سے اہمیت یا خاص شان نزول کی حامل ہیں.

جی بہتر ہے۔لیکن اس موقعہ پر مجھے کچھ یاد آیا ہے کہ امام شافعی رحمہ اللہ نے قرآن کی ایک سورت ، سورۃ العصر کو امت کے لیے حجت اور کافی سمجھا ہے۔اسی طرح سورۃ اخلاص کو توحید پر کامل سورت علماء کرام نے بیان کیا ہے۔بظاہر اس میں کوئی قباحت نہیں ہے ، چونکہ یہ مجھے اب یاد آیا توپہلے بیان نہیں کر سکی۔لیکن احادیث اور علماء اکرام کے حوالوں سے مواد شئیر کیا جائے تو زیادہ بہتر اور مفید ہے۔واللہ اعلم!

 

[محمد ارسلان]

وعلیکم السلام
احادیث میں کئی جگہ صراحت ہے کہ بعض آیات سن کر صحابہ کرام رضی اللہ عنھم اجمعین زیادہ خوش ہو جایا کرتے تھے اور اپنی خوشی کا اظہار اس طرح کہہ کر کرتے تھے کہ مجھے جتنی زیادہ خوشی یہ سن کر ہوئی اس سے پہلے نہیں ہوئی۔ واللہ اعلم

قرآن مجید چونکہ عام کتب سے ممتاز ہے، یہ اللہ کا وہ آخری کلام ہے جو رہتی دنیا تک کے لئے انسانوں کی رشد و ہدایت کا سامان ہے۔ اسی لئے اس کتاب کے متعلق کسی خاص آیت کے پسندیدہ ہونے کا سن کر ایک عجیب سا تاثر ابھرتا ہے۔

خیر مجھے @اخت ولید صاحبہ کی نیت پر کوئی شک نہیں ہے، انہوں نے اچھے انداز سے تھریڈ کا آغاز کیا، ہاں البتہ عنوان یوں بھی ہو سکتا ہے "دل کو چھونے والی آیات" یا "کس آیت کو پڑھ کر آپ زیادہ خوشی محسوس کرتے ہیں"

 

[123456789]

مکمل قرآن

 

[حرب بن شداد]

​

وَاذْكُرُوْا نِعْمَتَ اللّٰهِ عَلَيْكُمْ اِذْ كُنْتُمْ اَعْدَاۗءً فَاَلَّفَ بَيْنَ قُلُوْبِكُمْ فَاَصْبَحْتُمْ بِنِعْمَتِھٖٓ اِخْوَانًا ۚ وَكُنْتُمْ عَلٰي شَفَا حُفْرَةٍ مِّنَ النَّارِ فَاَنْقَذَكُمْ مِّنْھَا
اور اللہ تعالیٰ کی اس وقت کی نعمت کو یاد کرو جب تم ایک دوسرے کے دشمن تھے تو اس نے تمہارے دلوں میں الفت ڈال دی پس تم اس کی مہربانی سے بھائی بھائی ہوگئے اور تم آگ کے گڑھے کے کنارے پہنچ چکے تھے تو اس نے تمہیں بچا لیا۔۔۔