اقتباسات!

[طاہر اسلام]

​

​

علم کلام کا بڑا حصہ جلا دینے کے قابل ہے!​

حکما و فلاسفہ کی دشمنی سے مذہب کو اتنا نقصان نہیں پہنچا،مذہب کے اصلی دشمن اس کے نادان دوست(متکلمین)ہیں،میں بلاخوف خوف لامۃ لائم کہنا چاہتا ہوں کہ علم کلام کا بڑا حصہ قطعاً سوخت کر دینے کے لائق ہے یا زیادہ سے زیادہ زیاں کاری کی یادگار کے طور پر کسی عجائب خانہ میں مجتمع کر دیا جانے کا مستحق ہے۔​

​

(مولانا عبدالباری ندوی،حکمت ایمانیات،ص56،مرتبہ:ڈاکٹر غلام محمد)​

 

[انیب]

اَلَّذِیْ جَعَلَ لَکُمْ مِنَ الشَّجَرِ الْا َخْضَرِ نَارًا فَاِذَا اَنْتُمْ مِنْہُ تُوْقِدُوْنَ (پ۲۳سورت یٰسین۸۰)
جس نے تمہارے لئے ہرے درخت سے آگ پیدا کی جبھی تم اس سے آگ سلگاتے ہو ۔
یعنی عرب کے علاقوں میں دو درخت ہوتے ہیں جو وہاں جنگلوں میں کثرت سے پائے جاتے ہیں ایک کا نام "مرخ" اور دوسرے کا نام "عفار" ہے ان کی خاصیت یہ ہے کہ جب ان کی سبز شاخیں کاٹ کر ایک دوسرے پر رگڑی جائیں تو ان سے آگ نکلتی ہے باوجودیکہ وہ اتنے تر ہوتے ہیں کہ ان سے پانی ٹپکتا ہے اس میں رب تعالیٰ کی قدرت کی کتنی عظیم نشانیاں ہیں کہ آگ اور پانی کو ایک جگہ جمع کردیا ہے۔(تذکرۃُالانبیاءؑ،ص ۴۸۶)

 

[محمد ارسلان]

دعائیں کیا ہیں؟دراصل التجائیں ہیں جو انسان اپنے رب کے حضور پیش کرتا ہے۔ مشکل ترین اوقات میں بے اختیار اس کی زبان سے "یا اللہ" نکلتا ہے۔ اللہ رب العزت نے اپنے بندوں کو حکم دیا ہے کہ اس کو پکاریں، وہ ان کی دعاؤں کو قبول کرے گا۔
اگر آپ نبی کریم صلی اللہ علیہ وسلم کے صبح و شام کے معمولات کا جائزہ لیں تو معلوم ہوتا ہے کہ ہر مرحلہ پر آپ نے اپنے رب سے دعا مانگی۔ ان دعاؤں میں یا تو آپ نے اپنے رب سے دنیا و آخرت کی بھلائیاں طلب کیں، یا نقصان دی امور سے اس کی پناہ مانگی، یا اس کی تسبیح و تعریف کی اور اس کا شکر ادا کیا اور پھر اپنے صحابہ کرام کو بھی اپنے رب سے تعلق پیدا کرنے کا حکم دیا اور انہیں کثرت سے دعائیں مانگنے کی تلقین فرمائی۔

سنہری دعائیں​

از عبدالمالک مجاہد​

 

[محمد ارسلان]

سمندر میں بحری جہاز بڑے آرام و سکون سے چل رہے ہوتے ہیں کہ اچانک سمندر میں تلاطم برپا ہوتا ہے۔ موجیں اٹھتیں ہیں، ہوائیں زور زور سے چلنا شروع ہو جاتی ہیں اور جہاز ڈگمگانے لگتے ہیں۔ خوف طاری ہوتا ہے مسافروں کے دل دہل جاتے ہیں۔ تو جہاز کے مسافر اور عملہ بے اختیار کہتے ہیں۔ یا اللہ، یا اللہ
جب مسافر صحرا میں بھٹک جاتا ہے۔ قافلہ راستہ سے ہٹ جاتا ہے۔ اس کی راہ گم ہو جاتی ہے۔ تو وہ پکار اٹھتے ہیں۔ یا اللہ، یا اللہ
جب طلبگاروں پر راستے بند ہو جاتے ہیں۔ مانگنے والوں کو نہیں دیا جاتا تو ان کی پکار ہوتی ہے ۔ یا اللہ، یا اللہ
جب تدبیریں ناکام ہو جائیں۔ امیدیں ساتھ چھوڑ جائیں۔ ذرائع مسدود ہو جائیں اور راستے بند ہو جائیں تو لوگوں کے ہاتھ آسمان کی طرف اٹھتے ہیں اور ایک دلنشیں آواز آتی ہے: یا اللہ، یا اللہ
جب زمین اپنی وسعت کے باوجود تنگ ہو جائے، رنج و الم سے دم گھٹنے لگے تو پھر ایک ہی ذات ہے جو مشکل کشائی اور حاجت روائی کرتی ہے۔ وہی قاضی الحاجات ہے۔ جو رب السماوات والارض ہے۔ دعائے نیم شبی میں ہاتھ اس کی طرف اٹھتے ہیں۔ مصیبتوں میں آنکھیں اسی کی طرف دیکھتی ہیں حادثات میں فریاد اسی سے کی جاتی ہے۔
فریاد، پکار اور سوال میں اسی کا نام زبانوں پر ہوتا ہے قلب و روح اسی سے سکون پاتے ہیں۔
یا اللہ، یا اللہ! تیرا نام کتنا پیارا ہے۔

ڈاکٹر عائض قرنی کی کتاب / لا تحزن سے ماخوذ (تصرف کے ساتھ)​

دعاؤں کی قبولیت کے سنہری واقعات​

از عبدالمالک مجاہد​

 

[اخت ولید]

نجانے’’ لوگ ‘‘بھی کون ہوتے ہیں جن کی طرف ہم اپنی باتیں منسوب کرتے ہیں!!

اقتباس از:درخت کی دعا​

آصف فرخی​

 

[مشکٰوۃ]

"شاہرا ہِ حیات پر میری آخری منزل قریب آ چکی ہے ،ممکن ہے ہم ایک دوسرے کو دوبارہ نہ دیکھ سکیں ۔لیکن وہ عظیم مقصد جس کی تکمیل کے لئے قدرت نے ہمیں منتخب کیا ہے ہمیشہ زند رہے گا ،اللہ کی راہ میں یقینا وہ لوگ مجھ سے آگے تھے جو سومنات کی دیواروں تلے شہید ہوئے اور تم جیسے نوجوان اس درخت کا پھل ہیں جسے گمنام مجاہدوں نے اپنے خون سے سینچا ہے ۔انہوں نے ظلم و ستم اور کفرو الحاد کی عمارت کو گرایا ہے ،لیکن اس کی جگہ ایک نئی عمارت تعمیر کرنا تمھارا کام ہے ۔میں اس یقین کے ساتھ واپس جا رہا ہوں کہ تم وہ چراغ کبھی نہیں بجھنے دو گے جو شہیدوں نے اپنے لہو سے جلائے ہیں ،تم حق و صداقت کا وہ پرچم کبھی سر نگوں نہیں ہونے دو گے جو اللہ کی راہ میں جہاد کرنے والوں نے بلند کیا۔"

آخری معرکہ​

نسیم حجازی​

 

[اخت ولید]

"ماضی کے چند واقعات کو دہرا لینا کتنا آسان ہے۔لیکن جب وہ وقت گزر رہا ہوتا ہے تو کتنا کٹھن لگتا ہے"

اقتباس از:حدیثِ دل پذیر
ڈاکٹر شگفتہ نقوی​

 

[طاہر اسلام]

سچ یہ ہے کہ 57؁ء کے بعد سے اب تک جتنی گم راہیاں مسلمانوں میں پیدا ہوئیں ان سب کا شجرۂ نسب بالواسطہ یا بلاواسطہ سر سیّد تک پہنچتا ہے،وہ اس سرزین میں تجدّد کے امام اوّل تھے اور پوری قوم کا مزاج بگاڑ کے دنیا سے رخصت ہوئے۔(سیّد ابوالاعلیٰ مودودیؒ،ترجمان القرآن،شوال1359؁ھ)

 

[اخت ولید]

ہٹ دھرمی اور تعصب اور سخن پروری نہ ہو تو پھر ہر بحث کا خاتمہ ہو سکتا ہے!!

علیم اور کلیم کی گفتگو
اقتباس از:توبۃ النصوح
ڈپٹی نذیرا حمد​

 

[خنساء]

" بچے کو قرآن چھوٹی عمر میں حفظ کروانا کوئی فخر کی بات نہیں فخر کی بات تو یہ ہے کہ آپ کا بچہ قرآن کا ترجمہ جلد سیکھ لے "

حافظ عبدالستار حامد​