اقوال سلف

[عمر السلفی۔]

قال ‎مجاهد رحمهُ الله:‎ ليلة القدر ليلة سالمة لا يحدث فيه داء ولا يرسل فيها شيطان
لطائف المعارف ١٨٢.

شبِ قدر بڑی محفوظ رات ہے، اس میں کوئی بیماری پھوٹتی ہے اور نہ شیطان کھلے پھرتے ہیں!
امام مجاہد رحمہ اللہ

 

[عمر السلفی۔]

‏يقول شيخ الإسلام ابن تيمية : أن الله أنزل مائة كتاب وأربعة كتب جمع علمها في الكتب الأربعة وجمع الكتب الأربعة في القرآن وجمع علم القرآن في فاتحة الكتاب وجمع علم فاتحة الكتاب في قوله تعالى: { إيَّاكَ نَعْبُدُ وَإِيَّاكَ نَسْتَعِينُ } .
مجموع الفتاوى(22|607).

اللہ تعالیٰ نے ایک سو چار کتابیں نازل فرمائیں۔ ان سب کا علم چار کتابوں میں جمع کر دیا، پھر ان چاروں کا علم قرآنِ مجید میں جمع کر دیا، پھر پورے قرآن کو علم سورۂ فاتحہ میں سمیٹ دیا اور سورۃ الفاتحہ کا علم اس ایک آیت میں جمع کر دیا: إِيَّاكَ نَعْبُدُ وَإِيَّاكَ نَسْتَعِينُ.
(شیخ الاسلام ابن تیمیہ رحمہ اللّٰہ)

 

[عمر السلفی۔]

« وكن في الجانب الذي يكون فيه الله ورسوله، وإن كان الناس كلهم في الجانب الآخر ». [ الفوائد : ١٦٧/١ ]

اور اس طرف ہو جاؤ جس طرف اللہ اور اس کے رسول صلی اللہ علیہ وسلم ہوں, اگرچہ لوگ سارے ہی دوسری طرف ہوں ! (ابن القيم رحمه الله)

 

[عمر السلفی۔]

سلف صالحین اس بات کی وصیت و نصیحت کرتے تھے کہ اپنے عمل میں پختگی اور (تقوی) کی خوبصورتی لاؤ بجائے اس کے کہ عمل کی کثرت ہو ۔۔ بے شک پختگی و تقوی کے ساتھ تھوڑا عمل بہتر ہے غفلت اور عدم پختگی والے کثیر عمل سے ۔۔ بعض سلف نے یہ بھی کہا کہ جماعت کی صف میں کھڑے دو افراد کی نمازوں میں زمین و آسمان کا فرق ہوتا ہے (ایک شخص ایمان و اتقان سے کھڑا ہوتا ہے تو اسکے ساتھ والا غفلت سے )
امام ابن رجب رحمه الله
مجموع رسائل ابن رجب ، 1/352

 

[عمر السلفی۔]

سئل الأحنف بن قيس : '' ما المروءة ؟
قال : كتمان السر والبعد عن الشر ''
( سير اعلام النبلاء : 4 / 93 )

‏احنف بن قیس رحمہ اللّٰہ سے پوچھا گیا:
کمالِ آدمیت کیا ہے؟
کہا : راز کو چھپانا اور شر سے دور رہنا !

 

[عمر السلفی۔]

کونسا آسمان مجھے اپنے زیر سایہ رکھےگا اور کونسی زمین مجھے اٹھائے رکھےگی جبکہ کتاب اللہ میں اپنی رائےسے کچھ کہوں
حضرت ابوبکر صدیق ؓ

[أعلام الموقعين : ٨٧/١]

 

[عمر السلفی۔]

ایمان اک ایسا سبب ہے جو ہر قسم کی بھلائی کی طرف دعوت دیتا ہے اور ہر قسم کے شر کی نفی کرتا ہے۔

[تفسیر السعدی - الجن : ١٣]

 

[عمر السلفی۔]

حافظ ابن الجوزی رحمہ اللہ فرماتے ہیں :
” ‏سلف صالحین تقویٰ کے باوجود روتے تھے اور تو گناہ کر کے بھی ہنستا پھرتا ہے ۔“

قال ابن الجوزي رحمه الله : "كانوا يبكون مع التّقوى،وأنت تضحك مع الذنوب " ( الخواتيم : 245 )

 

[عمر السلفی۔]

قال الإمام ابن القيم رحمه الله: " السرُّ في استجابة دعوة المظلوم والمسافر و الصائم الكسْرة التي في قلب كُلِّ واحد منهم ".
مدارج السالكين (1 / 307)

امام ابن قیم رحمہ اللّٰه فرماتے ہیں :
” ‏مظلوم ، مسافر اور روزے دار کی ‎دعا کی قبولیت کا راز یہ ہے کہ یہ سب شکستہ دل ہوتے ہیں ۔ “

 

[عمر السلفی۔]

اگر امر بالمعروف اور نہی عن المنکر اصلاح سے زیادہ فساد کا باعث ہو تو اس صورت میں یہ جائز نہیں ہو گا۔
امام ابن تیمیہ رحمہ اللہ