اقوال سلف

[عمر السلفی۔]

امام ابن معین رحمہ الله فرماتے ہیں کہ:
"میں نے امام احمد بن حنبل رحمہ اللہ جیسا کسی کو نہیں دیکھا! ہم ان کے ساتھ پچاس سال تک رہے ، لیکن انہوں نے کبھی بھی اپنی کسی بھی خوبی اورکسی بھی بھلائی پہ ہمارے سامنے فخر نہیں کیا۔"
(حلية الأولياء لأبي نعيم: 9/ 181)

 

[عمر السلفی۔]

امام ابو القاسم الاصبھانی اپنی مایہ ناز کتاب الحجة في بيان المحجة میں فرماتے ہیں:

"سلف کا یہ کہنا کہ فلاں سنت پر ہے یا اھل سنت میں سے ہے اسکا مطلب یہ ہوتا ہے کہ قول و عمل میں وہ وحی اور اثر (کتاب و سنت، صحابہ کے آثار) کے موافق ہے۔"
(الحجة في بيان المحجة ٤١١/٢)

 

[عمر السلفی۔]

امام سفیان الثوری فرماتے ہیں:
جب تمھیں مشرق و مغرب کے کسی شخص کے بارے میں پتہ چلے کہ وہ اھل سنت میں سے ہیں تو انہیں سلام بھیجو اور انکے لیے دعا کرو، اھلِ سنت کس قدر کم ہیں!
‏(رواه اللالكائي #٥۰)

 

[عمر السلفی۔]

امام ابن تیمیہ رحمہ اللہ فرماتے ہیں :
”ہر وہ شخص ظالم ہے جو کتاب و سنت کی کسی خبر، امر یا عمل کی مخالفت کرتا ہے“
( الانتصار لأهل الأثر 71 )

 

[عمر السلفی۔]

‏"یہ دنیا تو اس قابل بھی نہیں کہ تم اس کی طرف چل کر جاؤ ؛ حیرت ہے کہ تم اس کے پیچھے گھسیٹتے چلے جاتے ہو !"
امام ابن القيم رحمه الله
( الفوائد : ٧٠)

 

[عمر السلفی۔]

کبار تابعی سعید بن مسیب رحمه الله فرماتے ہیں:
لوگوں کے ساتھ نیک سلوک کرنے والے کو کبھی بری موت نہیں آتی۔
(تاریخ ابن معین: ١٢٠٣)

 

[عمر السلفی۔]

امام ابن عقیل حنبلی رحمہ اللہ کہتے ہیں :
اگر لوگ شریعت کے ساتھ ایسے وابستگی اختیار کریں جیسے ‏ رسوم و رواج کے ساتھ کرتے ہیں ؛ تو ان کے معاملات سدھر جائیں۔
(الآداب الشرعية لابن مفلح : ٣٨٤/٣)

 

[عمر السلفی۔]

"جب انسان دعا کرنا چھوڑ دیتا ہے تو اس کی توحید کمزور پڑ جاتی ہے۔"
شیخ صالح آل شيخ حفظه الله
[شرح الطحاوية : ٥٩٨]

 

[عمر السلفی۔]

امام ابن قیم رحمہ اللہ فرماتے ہیں:
توحید سے منہ پھیرنے والا مشرک ہے چاہے وہ مانےیا نا مانے!
سنت سے منہ پھیرنے والا بدعتی ہے چاہے وہ مانے یا نہ مانے!
(إغاثة اللھفان من مصاید الشیطان : 214/1)

 

[عمر السلفی۔]

"میں نے علم حاصل کرنا چاہا تو اسکا کچھ حصہ ملا اور ادب حاصل کرنا چاہا تو پتا چلا کہ اہل ادب تو دنیا میں رہے ہی نہیں۔"
مُحَدِّث عبد اللہ بن المبارک رحمہ اللہ
[الآداب الشرعية 208/4]