اللہ کو یہ پسند نہیں کہ عورت کا نام قرآن میں آئے ـ جنید جمشید

[محمد عامر یونس]

اللہ کو یہ پسند نہیں کہ عورت کا نام قرآن میں آئے ـ جنید جمشید


جنید جمشید کی ایک اور جہالت بھی پڑھنے میں آئی ــ

"موصوف نے وسیم بادامی کے پروگرام میں ائے آر وائی پر گفتگو کرتے ہوئے فرمایا کہ قرآن میں حضرت مریم کا نام عیسی علیہ السلا م کی وجہ سے آیا ہے ورنہ اللہ کو یہ پسند نہیں کہ کسی عورت کا نام قرآن میں آئے " منقول

یہ حضرت عورتوں کے درمیان بیٹھ کر حمد و نعت ، اور گانے گا لیتے ہیں لیکن معلوم نہیں انہیں مومنات سے کیا تکلیف ہے ــ اس طرح کے جاہلوں کو دینی پروگرام میں کیوں بلایا جاتا ہےے ـ اللہ نے کہاں یہ دلیل اتاری ہے کہ اسے پسند نہیں کہ کسی عورت کا نام قرآن میں آئے ؟؟


نامحرم کے ساتھ بیٹھنا ـ اور گفتگو کرنا بلاسبب ـ اور پھر بغیر علم کے دین کے کسی مسئلے پر بات کرنا ، گویا کہ اللہ کو یہ پسند ہے !!

ویڈیو ۔۔ صرف ثبوت کے طور پرپیش کی جارہی ہے ۔ ورنہ ایسے لوگوں کی شکل کو ن دیکھتا ہے ۔

لنک

​

​

 

[خضر حیات]

جنید جمشید پر ایک تحریر
کاتب : نامعلوم ۔
ماخذ : فیس بک ۔
۔۔۔۔۔۔۔۔۔۔۔۔۔۔۔۔۔۔۔
جنید جمشید انجینئرنگ میں مجھ سے ایک سال جونیئر تھا، اور تب دوستوں کو گٹار پر موسیقی سنا کر داد وصول کرتا تھا، موسیقی واقعتا" اس کی روح کی غذا تھی. پھر بینڈ گروپ بنا اور دیکھتے ھی دیکھتے وہ سلیبریٹی بنا. بلاشبہ اسکے موسیقی کے کیرئیر میں بھی نشیب و فراز آئے مگر وہ مارکیٹ سے کبھی آؤٹ نہیں ھوا. اس نے دین کے لئے َاس وقت کشتیاں جلائیں اور موسیقی کو خیر باد کہا جب وہ شہرت کی بلندیوں پر تھا اور یوم پاکستان کے موقع پر ظفر اللہ جمالی کے وزیراعظم ھونے کے دوران ان کی موجودگی میں لائیو گانے سے انکار کیا. اسوقت PTV اور حکومتی کرتا دھرتاؤں نے ایڑھی چوٹی کا زور لگایا تھا چونکہ یہ جمالی صاحب کی خواہش تھی، مگر وہ ناں پر ڈٹا رہا.
جنید جمشید بھی مجھ جیسے کمزور ایمان والے لاکھوں ( یقینا" اس میں محترم ید بیضا Yede Beza - - - - - شامل نہیں کیونکہ وہ بہت مضبوط کردار اور ایمان والے بندے ہیں، اللہ تعالٰی انہیں سلامت رکھے اور استقامت دے) بندوں کی طرح ڈگمگایا، شیطان اور اسکے چیلوں نے بڑی قیمت لگائی، وہ پھر سے شو بز میں جانا چاہتا تھا، مولنا طارق جمیل صاحب آڑے آئے اور یقیناً اللہ پاک نے جنید کے دل پر سکنیت کا ہاتھ رکھا، وہ اللہ کیلئے چھوڑے ہوئے راستے کیطرف نہ پلٹا اور اک بڑے امتحان میں سرخرو ہوگیا، الحمداللہ

یقیناً اللہ نے نقد و نقد کامیابی کا دروازہ اس پر کھول دیا جسکے متعلق اس نے خواب میں بھی نہ سوچا ھوگا. دیکھتے ہی دیکھتے جنید جمشید برانڈ اور اسکی فرنچرائز نے دن دونی اور رات چوگنی ترقی کی. آج الفاظ کے سوداگر اس کو 1200 روپے کا 5000 میں پیچنے والا کرتہ فروش گردانتے ہیں. یہی لوگ جب 5 ستاروں والے ہوٹل میں مٹکتی کمر کے ہاتھوں 1400 روپے میں لائم سوڈا گلاس پیتے ہیں تو مٹیار سے پوچھنا بھول جاتے ہیں کہ بیبی سبزی منڈی میں تو یہ گلاس 25 روپے میں مل جاتا، - - - - - آپ نے کیا اس میں شربت خلود ڈالا ھے؟ حد ھو گئی کسی شریف آدمی کو رگیدنے کی.
میں ذاتی طور پر جاوید چوہدری کا بہت بڑا فین ہوں،نہ صرف انکے کالم تواتر سے پڑھتا ہوں بلکہ 1 سے 5 تک ذیرو پوائنٹ کتابیں بھی میری لائبریری کی زینت بنیں. جاوید نے بھی جنید جمشید کو شوبز کا بھوکا اور عادت سے مجبور قرار دیا جو شائد کسی حد تک درست ہو. مگر یاد رھے جس دور میں جاوید چوہدری کو پہننے کے لئے پاجامہ نصیب نہ تھا جنید اس دور میں بھی والدین کے ساتھ فائو سٹار میں کھاتا تھا جبکہ جاوید چوہدری کے والد محترم راہ چلتے چوری چوری سبزی، گنا توڑتے اور گھر آنے تک پیٹ بھر لیتے. - - - موقع میسر ہوتا تو پجوں کے لئے بھی کچھ آنکھ بچا کر لے آتے، - - - - جب جاوید چوہدری جنگ اخبار میں اپنے کیریئر کی پہلی نوکری کی بھیک مانگ رہا تھا اس وقت PTV والے جنید جمشید کے پیچھے پیچھے ھوتے اور جنگ والے جنید کے ایک انٹرویو اور فوٹو شیشن کے لئے بے تاب ہوتے، - - - - لوگ یونیورسٹی کینٹین میں جنید کے واپس آنے کا رات گئے تک انتظار کرتے. جس کا میں شاہد ہوں.

وہ لوگ جن کی کھوپڑی میں FSc کی سائنس سما نہ سکی تو آرٹس میں گھس گئے، آج TV کے سیاپا فروشوں( talk shows) کی محفل میں بیٹھ کر سائنس پر مذاکرے کر رھے ہوتے ہیں، حکومت پر تبرا بازی کر رہے ہوتے ہیں جنہوں نے زندگی میں محظ چند لوگوں پر مشتمل آرگنائزیشن بھی کامیابی سے نہیں چلائی ہوتی .Google ماں سے مستعار لئے علم کی بنیاد پر پروفیشنلز پر آوازے کس رہے ہوتے ہیں.

یاد رھے، جنید جمشید سے میری 1988 کے بعد کبھی ملاقات ہوئی اور نہ ہی کبھی ہماری دوستی تھی، بس رسمی چند ملاقاتیں وہ بھی اسکی گنگناھٹ سننے کے لئے.

میں نے بھی بیٹی Sadaf Insan کی تائید میں اور جنید جمشید کے حق میں غیر جانبداری سے اپنا حصہ ڈال دیا اس حکم باری تعالٰی کے مصداق " و تعاونو علی البر و التقوی و لا تعاونو علی الاسم و العدوان. - - - - نیکی اور بھلائی کے کاموں میں ایک دوسرے کے ساتھ تعاون کرو، اور گناہ اور زیادتی کے کاموں میں تعاون مت کرو".

مجھے یہ یہ کہنے میں عار نہیں کہ جنید جمشید کو سر دست میری طرح دین کا سطحی علم ھے، چونکہ اسکا مشن تبلیغی ھے اور اس حدیث کے مصداق " بلغو عنی و لو آیہ - - - - میری طرف سے پہنچا دو اگرچہ وہ ایک آیت ہی ہو" وہ دوڑ لگا لیتا ھے. وہ آج بھی سلیبریٹی ھے، TV والے اپنا منجن پیچنے کے لئے اسے بلاتے ہیں اور وہ اپنی سادگی، کم علمی اور ناتجربہ کاری میں انکے ہاتھوں ٹریپ ھو جاتا ھے

حسن زن رکھیں اور اسکے نام کو اپنا قد بڑا کرنے کے لئے بیساکھی نہ بنائیں.

وما توفیقی الا بااللہ

 

[خضر حیات]

(جنید جمشید سے جنید بغدادی تک )
فردوس جمال
ایسا بہت کم ہوا ہوگا کہ آدمی ایل ایل بی کے سال اول میں کالج سے رفو چکر ہوا ہو اور جاکر سیدها لاء چیمبر میں اپنا آفس کهول کر بیٹها ہو کہ لاؤ دو مجهے اپنا کیس بناؤ مجهے اپنا وکیل، ایسا بهی نہیں ہوا ہوگا کہ آدمی ایم بی بی ایس ، یا پهر میڈیکل کے کسی دوسرے کورس میں بهگوڑا بنا هو پهر جاکر اپنی کلینک کهول کر بیٹھا ہو کہ لاؤ مریض ، پاؤ شفا ، مگر ایسا ہربار ہوا هے، بار بار ہوا هے اور مسلسل ہو بهی رہا هے ، کہ مدرسہ کا بهگوڑا ، "ادهر ڈوبے ادهر نکلے " تو مفتی کہلایا ، قاری و خطیب لقب پایا ، مسجد بنائی ، مدرسہ کهولا ، چنده مانگا ، چنده پایا ،قاری والی ٹوپی پہنی ، سرخ شماغ اس کے اوپر لگایا ، نظر کا ایک عدد عینک بهی ناک پر رکها ، طرح طرح کے فتوے ،کوئی چیک اینڈ بیلنس کا سسٹم نہیں ، کوئی پوچهنے والا نہیں کہ جناب یہ اسلام هے تیری خالہ جی کا گهر نہیں ، کہ جو جی کو اچها لگے اسے دین کا نام دو ، اب جب معاشرے میں ایسے لاکهوں مسخرے موجود ہوں تو وہاں ایک جنید جمشید کا کیا رونا ؟ تبلیغی جماعت والے بچارے سیدھے سادهے ، ستر سال کا بوڑھا جنہیں استنجا کرنے کا طریقہ معلوم نہیں اسے دین سکهانے کے نام پر لیکر جاتے هیں ، وه سہ روزه لگاکر واپس آتا هے تو محلے کی مسجد میں امامت پر مامور مولوی جو باره سال لگاکر فارغ التحصیل ہوا تها کو "استنجا " کرانے کے چکر میں ہوتا هے ، رائیونڈ کی چند "کارگزاریاں" سنا کر جٹ سے آخیر میں بولے گا ، قرآن مجید میں ایسا هی لکها هوا هے ، اللہ معاف کرے ، جنید جمشید کو کہ انہوں نے گانا بجانا چهوڑ کر امت مسلمہ پر کتنا بڑا احسان کیا تها ، سبحان اللہ ، سو ان کا مقام بنتا تها کہ انہیں هم مسند ارشاد پر رکهتے ، کچهه عرصہ پہلے موصوف نے ایک متنازعہ بیان دیا تها جسے رفو کرتے کرتے طارق جمیل صاحب بهی تهک گیے تهے ، اب پهر دوسرا بیان دیدیا ، وه بهی متنازعہ
۔۔۔۔
وسیم بادامی نے شاید چند دانے بادام کے جنید جمشید کو بهی کهلایا تها کہ موصوف پلک جهپکنے میں عقل و دانش کے ماوراء بهی جھانکنے لگے ، جنید جمشید صاحب اگر اس حد تک رہتے کہ ان کے پیر و مرشد حضرت طارق جمیل صاحب کی پسند و ناپسند کیا هے تو بات معقول تهی لیکن موصوف بغیر علم کے یہ فتویٰ دے بیٹهے کہ اللہ تعالیٰ کو کیا نا پسند هے ؟! سو اس ضمن میں یہ کہا کہ اللہ تعالیٰ کو بهی عورتوں کا نام لینا پسند نہ تها اس لیے قرآن مجید میں حضرت مریم عليها السلام کے علاوہ کسی خاتون کا نام ذکر نہیں کیا گیا ،اب اسی بات کو لیکر کل اسلام آباد میں موم بتیاں والی آنٹیاں سراپا احتجاج ہوئیں تو ؟!!! هههه زیادہ سے زیادہ هم جناب جنید جمشید صاحب کے لیے یہ عذر تراش سکتے هیں کہ ان کی گفتگو کا مقصود یہ نہ تها ، بلکہ وه یہ کہنا چاہتے تهے کہ اللہ تعالیٰ بهی عورت کی حیا ، اس کی حرمت ، اس کی چادر و چاردیواری کا اتنا پاس رکهتے ہیں کہ باوجود اس عورت نامی شاہکار کے خالق ہونے کے رب تعالیٰ نے خود بهی قرآن مجید میں کسی عورت کا نام لیکر مردوں میں اس کی تشہیر نہیں کی ، لیکن سوال یہ هے کہ کیا واقعی معاملہ ایسا هی تها کہ اللہ تعالیٰ نے مریم عليها السلام کے علاوہ کسی عورت کا نام قرآن مجید میں نہیں لیا ؟!
مانا کہ عورتوں سے حیا کا مسئلہ تها اس لیے نام نہیں لیا لیکن صحابہ کرام رضوان اللہ علیہم اجمعین میں سے بهی تو صرف زید رضی اللہ عنہ کا نام لیا باقی سبهی صحابہ کرام سے کیا مسئلہ تها ؟!!
عورتوں میں سے چلیں ایک کا نام تو لیا لیکن پورے قرآن مجید میں کسی بچے کا نام موجود نہیں اس کی کیا وجہ تهی ؟!! عورتوں کا نام ذکر کرنا ناپسند تها سو نہیں کیا ، لیکن فرعون ، قارون ، هامان ، ابو لهب ان کا نام قرآن مجید میں موجود هے تو کیا پسند کی بنیاد پر ان کا نام ذکر کیا گیا ؟!!!
قرآن مجید میں کسی مرد یا عورت کا نام ذکر ہونا یا نہ ہونا رب تعالی کے ہاں قطعاً پسند یا ناپسند ، حیا و تقدیس کی دلیل نہیں هے .
جنید جمشید صاحب کی نیت پر هم شک نہیں کرتے هیں ، هم ان کے بارے حسن ظن رکهتے هیں ، انہوں نے اسی بات کو اپنی فهم کے مطابق درست سمجها اور بول دیا ہوگا ، لیکن ٹهریے ہر بار وه مخلص ہوں گے کہہ کر انہیں دین کے ساتهه کھلواڑ کی اجازت بهی نہیں ملنی چاہیے ، بدعات و خرافات کرنے والوں کی نیت بهی تو اچهی ہوتی هے وه اپنے اس عمل کے توسط سے رب العالمين کا تقرب چاہتے هیں ، تو کیا ان کا بهی هم دفاع کریں ؟!!
ہمارے ہاں ایک اور مسئلہ بهی هے کوئی گلوکار ، کوئی کرکیٹر ، کوئی طوائف اسلام کی طرف پلٹتی هے تو تاثر یہ دیا جاتا هے کہ گویا انہوں نے اسلام پر احسان کیا هے ، سو ان کی ہر غلطی کا دفاع کیا جائے ورنہ پتا نہیں کیا ہوگا !!
{{ يَمُنُّونَ عَلَيْكَ أَنْ أَسْلَمُوا ۖ قُل لَّا تَمُنُّوا عَلَيَّ إِسْلَامَكُم ۖ بَلِ اللَّهُ يَمُنُّ عَلَيْكُمْ أَنْ هَدَاكُمْ لِلْإِيمَانِ إِن كُنتُمْ صَادِقِينَ }}
سو جماعت تبیلغ کے اکابرین کو چاہیے کہ ان باتوں کا نوٹس لیں ، جنید جمشید کو بهی چاہیے کہ جنید جمشید رهیں جنید بغدادی خود کو نہ سمجهے !!

 

[محمد عامر یونس]

ایسی جاہلانہ بات پر تنبیہ ضروری ہوتی ہے ـ لیکن افسوس ہے کہ بعض لوگ ہر جگہ ہی "مٹی پاؤ" کا نظریہ لیے پھرتے ہیں ـ غلطی کو غلطی کہنا چاہے ـ تاویلات کرنا درست نہیں ـ

​

 

[اسحاق سلفی]

ہمارے ہاں ایک اور مسئلہ بهی هے کوئی گلوکار ، کوئی کرکیٹر ، کوئی طوائف اسلام کی طرف پلٹتی هے تو تاثر یہ دیا جاتا هے کہ گویا انہوں نے اسلام پر احسان کیا هے ، سو ان کی ہر غلطی کا دفاع کیا جائے ورنہ پتا نہیں کیا ہوگا !!
{{ يَمُنُّونَ عَلَيْكَ أَنْ أَسْلَمُوا ۖ قُل لَّا تَمُنُّوا عَلَيَّ إِسْلَامَكُم ۖ بَلِ اللَّهُ يَمُنُّ عَلَيْكُمْ أَنْ هَدَاكُمْ لِلْإِيمَانِ إِن كُنتُمْ صَادِقِينَ }}

(اے نبی ﷺ کچھ نو مسلم ) آپ پر یہ احسان دھرتے ہیں کہ وہ اسلام لے آئے۔ آپ ان سے کہئے :''اپنے اسلام لانے کا مجھے احسان نہ جتلاؤ۔ بلکہ اللہ نے تم پر احسان کیا ہے کہ تمہیں ایمان کی ہدایت دے دی۔ اگر (فی الواقع) تم (اپنی بات میں) سچے ہو ۔‘‘

تفسیر از تیسیر القرآن ،علامہ عبد الرحمن کیلانی رحمہ اللہ ؛
٢٧] بدوی قبائل کن اغراض کے تحت اسلام لائے تھے؟ ایسے بدو دراصل اسلام لا کر احسان یہ جتلاتے تھے کہ ہم از خود ہی مطیع بن کر اور اسلام لاکر آپ کے پاس حاضر ہوگئے ہیں اور آپ کو ہمارے خلاف لشکر کشی نہیں کرنا پڑی۔ اور اس سے ان کا مقصود یہ تھا کہ اب ہماری طرف توجہ فرمائیے اور اموال غنائم میں سے ہمیں بھی کچھ مال دیجئے۔ اس کے جواب میں اللہ تعالیٰ نے اپنے نبی سے کہا کہ انہیں کہہ دیجئے۔ کہ اگر اسلام لائے ہو تو اپنی ہی ذاتی اغراض کے لئے لائے ہو، ورنہ تمہارا بھی وہی حشر ہوتا جو دوسرے کافروں کا ہو رہا ہے۔ اس اسلام لانے کا مجھ پر کیا احسان دھرتے ہو؟
بلکہ یہ تو اللہ کا تم پر احسان ہے کہ اس نے تمہیں اسلام لانے کی توفیق دی اور مسلمانوں کے ہاتھوں سے تمہارے جان و مال محفوظ ہوگئے اور پٹائی نہیں ہوئی۔ یہ تم کیا الٹی گنگا بہا رہے ہو؟ اور دیکھو اگر تم فی الواقع سچے ایماندار ہوتے تو تمہیں یہ بات کہتے بھی شرم آنی چاہئے تھی۔ جیسے ایک بادشاہ اگر کسی کو ملازم رکھ لے تو یہ بادشاہ کا ملازم پر احسان تو ضرور ہوتا ہے مگر ملازم اسے کسی صورت یہ نہیں کہہ سکتا کہ میں تمہاری خدمت کرکے تم پر احسان کر رہا ہوں ۔‘‘

 

[محمد عامر یونس]

آپ نے اللہ پر احسان نہیں کیا بلکہ اللہ نے آپ پر احسان کیا ہے - جنید جمشید صاحب :


کاش آپ نے قرآن و حدیث کو پکڑا ہوتا تو کبھی بھی آپ ہر بار شرمندہ نہ ہوتے اس موقع پر امام شافعی کا ایک قول نقل کرتا ہو-

امام شافعی رحمہ اللہ كہتے ہے :

" اصحاب الحدیث کو لازم پکڑو ، کیوں کہ وہ درستگی میں تمام لوگوں سے زیادہ ہیں ____ " ( یعنی ان میں سب سے کم غلطی ہے . )
_____________________


قال الشافعی رحمہ اللہ :

(( عليكم باصحاب الحديث ، فانهم اكثر الناس صوابا . ))

[ الآداب الشرعية ص : ١٣٧ ]

لنک


https://www.facebook.com/OryaMaqboolJan1/videos/vb.113883728685841/878806782193528/?type=2&theater​

اور آخر میں ایک بات :

جنید صاحب یا تو آپ اس قسم کی باتوں سے پرہیز کیا کریں جن کا آپ کو علم نہیں یا پهر clearify کر دیا کریں تآنکہ بعد میں آپکو سب سے معافیاں نا مانگنی پڑیں اور نا ہی عذر بتانا پڑے..

 

[بہرام]

اللہ کو یہ پسند نہیں کہ عورت کا نام قرآن میں آئے ـ جنید جمشید

کیا اللہ کو یہ بھی پسند نہیں کہ سوائے حضرت زید کے کسی اور صحابی کا نام قرآن میں آئے ؟؟؟؟؟؟

 

[ابن داود]

السلام علیکم ورحمۃ اللہ وبرکاتہ!

کیا اللہ کو یہ بھی پسند نہیں کہ سوائے حضرت زید کے کسی اور صحابی کا نام قرآن میں آئے ؟؟؟؟؟؟

یہ سوال تو اس سے کیا جائے، جو پسند نا پسند بیان کر رہا ہے!

 

[اخت ولید]

السلام علیکم ورحمۃ اللہ وبرکاتہ
ویڈیو کا سیاق و سباق مل جائے تو بہت اچھا ہے۔ویڈیو میں دِکھتی خاتون کی موجودگی سے یہ احساس غالب آرہا ہے کہ" فضلیت ِمرد و زن" پر گھمسان کا رن پڑنے کا ایک منظر ہے۔واللہ اعلم!
بہرحال ہر دفعہ غلطی میں سبقت لسان و قلم کا ہاتھ نہیں ہوتا۔لیکن جنید جمشید پر طنز و تشنیع کر کے اپنی دکان سجانے والوں کو اگر اس سے حقیقی ہمدردی ہے تو اسے ذاتی طور پر سمجھانے کا فرض ادا کریں۔

 

[ابن داود]

السلام علیکم ورحمۃ اللہ وبرکاتہ!
ان حضرات کے لئے دعاؤں کے علاوہ اور کوئی چارہ نظر نہیں آتا، کیونکہ یہ تبلیغی بولتے بہت ہیں، سننا ان کے لئے بہت دشوار ہوا کرتا ہے! یہ کسی کی سنے تو کچھ بات بنے!