اور اس مضمون سے تو ایسا ہی لگتا ھے۔ جیسے امام اعمش مدلس ھوں ہی نہ۔ بلکہ اُن ہر تدلیس کا الزام لگایا گیا ہو۔
کیونکہ اگر تو وہ مدلس تھے۔ وہ پھر کسی بھی روایت میں اُن سے تدلیس کی توقع تو کی جاسکتی ہے نہ؟ الا یہ کہ وہ خود کہہ دیں کہ میں فلاں سے تدلیس نہیں کرتا۔
لیکن اسکی بھی مجھے سمجھ نہیں آرہی۔کیونکہ
أخبرناعمروا بن الهيثم أبوقطن قال: حدثنا شعبة عن الأعمش قال: قلت: لإبراهيم: إذا حدثتني عن عبد الله فأسند، قال: إذا قلت: قال عبد الله، فقد سمعته من غير واحد من أصحابه، وإذا قلت: حدثني فلان، فحدثني فلان»
تو یہاں ابراھیم نخعی کی اس بات کو بھی کوئی نہیں مانتا۔ پھر اگر اعمش بھی ایسا کہہ دیتے۔ تو کیوں مانا جاتا؟ جبکہ خود امام اعمش نے ابو صالح سے روایت پر ایسا کچھ کہا بھی نہیں ہے !!
السلا عليكم ورحمة الله وبركاته
کسی مدلس کا اپنے خاص شیخ سے تدلیس نہ کرنے والا اصول عموم پر مبنی ہے۔ یعنی ان مدلسین کی روایات ان خاص شیوخ سے عام حالات میں سماع پر محمول سمجھی جائیں گی الا یہ کہ صراحتا تدلیس ثابت ہو جائے یا متن یا سند میں نکارت پائی جائے۔
یہ روایت منکر جدا ہے بلکہ موضوع کے قریب ہے اور دین کے اصولوں، نبی کی تعلیم اور تمام صحابہ کے عمل کے بھی خلاف ہے۔ لہذا اس بنیاد پر اعمش کے عنعنہ پر شک کیا جائے گا۔
اس کے متن میں کئی خرابیاں ہیں جن میں سب سے بڑی یہی ہے کہ کوئی غیر مرد ام المؤمنین عائشہ کے حجرے میں داخل ہونے کی گستاخی کر جائے ایسا ممکن نہیں۔ اور قبر پرست حضرات اپنے مقصد کے لئے اپنی ماں کے بارے میں بھی ایسی بات حضم کر جائیں تو ان پر افسوس ہے۔
اور اگر اس بات کو تسلیم بھی کر لیا جائے تو متن میں دوسری کمزوری یہ ہے کہ قحط جب پڑ رہا تھا تو صحابہ میں سے کسی کو نبی کے پاس جا کر فریاد کرنے کی نہ سوجھی اور ایک مجہول شخص کو ہی یہ بات یاد آئی۔ کیا صحابہ کو ایسا کرنا پہلے یاد نہ رہا جبکہ وہ نبی کے سب سے زیادہ قریب تھے؟
عمر کے زمانے میں جو قحط پڑا تھا اس پر عمر نے ابن عباس سے وسیلہ کروایا، اور یہ روایت اس صحیح روایت کے بھی خلاف ہے کیونکہ اس میں ایسا کوئی ذکر نہیں کہ قحط کے موقع پر کسی شخص نے نبی سے وسیلہ کروایا ہو۔
اور بھی کئی کمزوریاں ہیں اس متن میں۔ لہذا اسے حجت تسلیم نہیں کیا جا سکتا۔
ایک اور بات یہ کہ سند کے لحاظ سے اس میں ایک اور کمزوری یہ ہے کہ یہ منقطع ہے اور اس کا متصل ہونا ثابت نہیں کیونکہ ابو صالح کی مالک الدار سے کوئی روایت ثابت نہیں ہے اور خلیلی نے بھی اس کے اتصال پر شک کرتے ہوئے کہا ہے کہ دیگر راویوں نے اسے ارسال کے ساتھ روایت کیا ہے۔
اتنی کمزوریوں کے باوجود بھی اگر کوئی اسے صحیح کہتا ہے تو وہ محض ہٹ دھرمی اور تعصب کی بنیاد پر ہے۔
اللہ اعلم
Sent from my iPhone using Tapatalk
![محدث فورم [Mohaddis Forum]](/styles/default/xenforo/Forum.jpg)
