امریکہ کو امداد کے بدلے جھوٹ اور دھوکہ ملا. ٹرمپ

[اشماریہ]

السلام علیکم و رحمۃ اللہ و برکاتہ

آج کی مزیدار خبر:
"
امریکی صدر ڈونلڈ ٹرمپ نے ایک بار پھر پاکستان کو تنقید کا نشانہ بناتے ہوئے کہا ہے کہ امریکا نے گزشتہ 15 برسوں میں اسلام آباد کو احمقوں کی طرح 33 ارب ڈالر امداد کی مد میں دیے لیکن بدلے میں جھوٹ اور دھوکہ ملا۔

سماجی رابطوں کی ویب سائٹ ٹوئٹر پر جاری پیغام میں امریکی صدر ڈونلڈ ٹرمپ نے لکھا کہ امریکا نے گزشتہ 15 برس میں احمقوں کی طرح پاکستان کو 33 ارب ڈالر امداد کی مد میں دیے اور انہوں نے ہمیں جھوٹ اور دھوکے کے سوا کچھ نہیں دیا۔

امریکی صدر نے اپنے بیان میں مزید کہا کہ پاکستان نے ہمارے حکمرانوں کو بے وقوف سمجھا، جن دہشت گردوں کو ہم افغانستان میں ڈھونڈتے رہے پاکستان نے انہیں محفوظ پناہ گاہیں دیں اور ہماری بہت کم معاونت کی، لیکن اب مزید نہیں۔"
بحوالہ جیو نیوز

@فواد صاحب! کیا ہم جناب ٹرمپ صاحب کے اس بیان کے بعد آئندہ امریکی قوم کو ایک بے وقوف, احمق اور دھوکہ زدہ قوم کہہ سکتے ہیں؟
ویسے یہ "امداد" تھی یا "سودے بازی" جس کا بدل چاہیے تھا؟ بنیا نہ ہو کر بھی اتنا بنیا پن؟ آپ تو ہمیں بار بار ان "امدادوں" کی خبریں سناتے تھے اور وہ بھی ایسے جیسے امریکا ہم سے بہت "پیار" کرتا ہو.
صحیح بات یہ ہے کہ ٹرمپ کے لیے شمالی کوریا کا صدر ہی ٹھیک ہے. میں اس کے ٹرمپ کے بارے میں "پاگل بڈھے" کے الفاظ سے پہلے ہی متفق تھا. اب تو خود جناب صدر نے بھی امریکیوں کو احمق مان لیا.

 

[خضر حیات]

و علیکم السلام ورحمۃ اللہ وبرکاتہ
ٹرمپ نے امریکہ کی ساری منافقت کا پردہ چاک کردیا ہے ۔ ابتسامہ ۔
شمالی کوریا کا آج بیان کہیں دیکھنے کو ملا ، اس نے خوب دھمکی لگائی ہے ، اوقات میں رہیں ، ایٹم بم کا بٹن ابھی بھی میری میز پر نصب ہے۔

 

[خضر حیات]

امریکی صدر ڈونلڈ ٹرمپ نے ایک بار پھر پاکستان کو تنقید کا نشانہ بناتے ہوئے کہا ہے کہ امریکا نے گزشتہ 15 برسوں میں اسلام آباد کو احمقوں کی طرح 33 ارب ڈالر امداد کی مد میں دیے لیکن بدلے میں جھوٹ اور دھوکہ ملا۔

بہر صورت ، ٹرمپ پتا نہیں سچا ہے یا جھوٹا ، لیکن ہماری خواہش ہے ، کہ انہیں دھوکا ہی ملنا چاہیے ۔ عافیہ صدیقی یا اس طرح کے شہری نہیں ملنے چاہییں ۔

 

[اشماریہ]

ویسے شہری دینے والے معاملات کے علاوہ تو ان کے ساتھ گیم تقریبا اچھی طرح ہی کھیلا گیا ہے. مشرف دور کے بعد اگر دیکھا جائے تو پاکستان نے اپنی جنگ ہی لڑی ہے امریکا کی نہیں.
یہ بات امریکا بھی سمجھتا ہے. لیکن یہ باتیں کہنے کی نہیں ہوتیں کرنے کی ہوتی ہیں. یہ سرد جنگیں ہوتی ہیں جو دنیا کے اکثر ممالک لڑ رہے ہوتے ہیں. امریکا کو یہ جو خر دماغ صدر ابھی ملا ہے اسے شاید دنیا کا کچھ بھی نہیں پتا.

 

[اشماریہ]

امریکا یہ سرد جنگ دو طرف لڑتا ہے, ایک اپنے اتحادیوں میں جیسے کچھ عرصہ پہلے جرمنی میں امریکا کا جاسوسی کا نیٹ ورک پکڑا گیا تھا اور دوسرا اپنے دشمنوں میں. اس میں خود امریکا کی دوغلی پالیسیوں کا قصور ہے.
دنیا کے اکثر ممالک دوغلی پالیسی نہیں رکھتے تو انہیں سرد جنگ ایک جانب لڑنی پڑتی ہے.
بہرحال اگر اس سرد جنگ میں ہم نے انہیں تھوڑی دھول چٹا دی ہے تو پتا نہیں ٹرمپ غصہ کیوں ہو رہا ہے. وہ کون سا پاکستان کے ساتھ نیکی اور بھلائی کے کام کر رہے تھے. وہ بھی تو اپنا مضبوط نیٹ ورک ہی بنا رہے تھے.

 

[ابن داود]

السلام علیکم ورحمۃا للہ وبرکاتہ!
ہر ملک اپنے مفاد کو ترجیح دیتا ہے، امریکہ کے لئے پاکستان سے زیادہ اس کا مفاد عزیز، ہمارے لئے امریکہ سے زیادہ اپنا مفاد عزیز!

 

[muslimengineer123]

اسلام علیکم ورحمۃ اللہ وبرکتہ!
کیا اب @فواد صاحب نظر آئیں گے؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[فواد]

فواد – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ


امريکی وزير دفاع کی جانب سے انسداد دہشت گردی کی کاوشوں ميں پاکستان کی قربانيوں اور کردار کا اعتراف

خطے ميں اپنے حاليہ دورہ کے دوران امريکی وزير دفاع نے افغانستان ميں قيام امن کے ايک ايسے عمل کو يقينی بنانے کے ليے امريکہ اور ديگر فريقين کے ساتھ پاکستان کے ممکنہ کليدی کردار کی اہميت پر زور ديا جو سارے خطے ميں استحکام اور سيکورٹی کا ضامن ہو سکتا ہے۔

https://www.defense.gov/News/Article/Article/1387212/secretary-recognizes-pakistans-sacrifices-role-in-counterterrorism-fight/
​

فواد – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ

digitaloutreach@state.gov

www.state.gov

https://twitter.com/USDOSDOT_Urdu

http://www.facebook.com/USDOTUrdu

https://www.instagram.com/doturdu/

https://www.flickr.com/photos/usdoturdu/​

 

[خضر حیات]

اسلام علیکم ورحمۃ اللہ وبرکتہ!
کیا اب @فواد صاحب نظر آئیں گے؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

آگئے ہیں ، لیکن حسب عادت اپنی سنا گئے ہیں ۔

 

[خضر حیات]

یا تو امریکی صدر بدھو ہے ، یا پھر امریکی وزیر دفاع کا دماغ درست نہیں !