انبیاء علیہم السلام اور اولیاء رحمہم اللہ میں فرق

[عابدالرحمٰن]

السلام علیکم
ابن تیمیہ ؒ کی ہر بات ہمارے یہاں حجت نہیں ہے اور یہ انفرادی فیصلہ ہے اتفاقی نہیں ہے
اور جہاں تک بات ماننے کی ہے اس میں کسی کے بتانے کی ضرورت نہیں کیوں کہ نبی علیہ السلام کا قول و عمل ماننے کے لیے ہی ہوتا ہےاور اس بات کو تقویت کسی کے کہنے سے حاصل نہیں ہوگی اور یہ بھی کھلی بات ہے انبیاء علیہ السلام معصوم عن الخطاء ہوتے ہیں ان کے علاوہ ہر بشر سے خطا کا امکان ہی نہیں بلکہ خطا ہوتی ہیں
باقی آپ سمجھ گئے ہوں گے

 

[ابو مالک]

ابن تیمیہ ؒ کی ہر بات ہمارے یہاں حجت نہیں ہے

محترم بھائی! امام تیمیہ کی ہر بات ہمارے ہاں بھی حجت نہیں، اہلحدیث کا موقف تو معروف ہے کہ نبی کریمﷺ کے علاوہ ہر ایک کی بات صحیح بھی ہوسکتی ہے اور ضعیف بھی۔ امام ابو حنیفہ کے بارے میں آپ لوگوں کا موقف البتہ بالکل اس کے بر عکس یعنی تقلید شخصی کا ہے، بہرحال امام ابن تیمیہ کے بارے میں آپ ہم سے متفق ہیں، وللہ الحمد!

اور یہ انفرادی فیصلہ ہے اتفاقی نہیں ہے

معلوم نہیں کہ آپ کس بات کو ان کا انفرادی فیصلہ کہہ رہے ہیں؟؟؟ کیا امام ابن تیمیہ کا یہ موقف جس کے بارے میں امام صاحب نے اتفاق علماء کا دعویٰ کیا ہے کہ امت میں سے کوئی بھی معصوم نہیں کو آپ ان کا انفرادی فیصلہ کہہ رہے ہیں؟؟؟ اگر آپ کو اس میں اختلاف ہے تو اپنا اختلاف واضح کریں، اسی بات کی گزارش پہلے بھی آپ سے کی تھی، لیکن آپ کنی کترا گئے:

امام ابن تیمیہ نے نبی کریمﷺ اور امت محمدیہ کے علماء کے مابین امتیاز کرتے ہوئے فرمایا کہ صرف نبی کریمﷺ کا یہ خاصہ ہے کہ ہمیں ان کی ہر بات ماننی ہے، باقی علمائے امت کی ہر بات ماننا ہمارے لئے ضروری نہیں کیونکہ وہ معصوم نہیں، غلطی بھی کر سکتے ہیں۔ اس پر امام ابن تیمیہ﷫ نے اتفاق کا دعویٰ فرمایا۔ اگر آپ کو اس بارے میں امام ابن تیمیہ﷫ کے دعوے کی صداقت پر شک ہے تو اپنا موقف دلیل کے ساتھ بیان کریں کہ کیا آپ کے نزدیک نبی کریمﷺ کے بعد امت میں کوئی معصوم ہے؟؟؟