انسان کی منی کا کيا حکم هے؟ پاک هے يا نجس؟

[اخلاق احمد سراجی]

میری ناقص علم کے مطابق منی بنفسہ نجس نہیں ہے بلکہ اس کا خروج نجس کا باعث ہے اور جہاں تک بات حلال جانور کے گوبر کی ہے تو وہ نجس نہہں ہوتا ہے

 

[انس]

انسان کی تخلیق منی سے ہوئی ہے۔
﴿ أَيَحسَبُ الإِنسـٰنُ أَن يُترَكَ سُدًى ٣٦ أَلَم يَكُ نُطفَةً مِن مَنِىٍّ يُمنىٰ ٣٧ ثُمَّ كانَ عَلَقَةً فَخَلَقَ فَسَوّىٰ ٣٨ فَجَعَلَ مِنهُ الزَّوجَينِ الذَّكَرَ وَالأُنثىٰ ٣٩ ﴾ ۔۔۔ سورة القيامة
کیا انسان یہ سمجھتا ہے کہ اسے بیکار چھوڑ دیا جائے گا (36) کیا وه ایک گاڑھے پانی کا قطره نہ تھا جو ٹپکایا گیا تھا؟ (37) پھر وه لہو کا لوتھڑا ہوگیا پھر اللہ نے اسے پیدا کیا اور درست بنا دیا (38) پھر اس (منی) سے جوڑے یعنی نر وماده بنائے (39)

اگر منی نجس ہے تو کیا انسان ’مجسم نجاست‘ ہے؟؟؟
کیا انبیائے کرام﷩ بشمول سید الانبیاء والمرسلینﷺ کے متعلق ایسا سوچا بھی جا سکتا ہے؟؟؟

منی کو ناپاک کہنے کی دلیل کیا ہے؟؟؟

 

[ریحان احمد]

بعض لوگوں کا المیہ یہ ہے کہ وہ پاک چیز سے یہ مراد لیتے ہیں کہ وہ لازمی حلال بھی ہو گی۔ جس کی وجہ کم علمی ہے۔ منی اگر نجس ہوتی تو اس کو دھونا لازمی ہوتا۔ جبکہ حضرت عائشہ صدیقہ رضی اللہ عنہ فرماتی ہیں کہ نبی صلی اللہ علیہ وسلم کے کپڑوں پر منی لگی ہوتی تو میں اسے کھرچ دیتی اور آپ انہی کپڑوں میں نماز ادا کرتے جبکہ منی کا نشان ابھی باقی ہوتا۔۔

لیکن پاک کا مطلب یہ نہیں کہ حلال بھی ہو جیسا کہ بعض لوگ اعتراض کرتے ہیں۔ جیسا کہ بلی پاک ہے مگر حلال نہیں۔۔ واللہ اعلم

 

[ردا علی]

بھائی نجاست سے پہلے جو دو یا تین قطرے نکلتے ہیں، وہ اگر نکل آئیں تو کیا غسل فرض ہو جاتا ہے؟

 

[انس]

بھائی نجاست سے پہلے جو دو یا تین قطرے نکلتے ہیں، وہ اگر نکل آئیں تو کیا غسل فرض ہو جاتا ہے؟

غسل ’منی‘ کے خارج ہونے پر ہوتا ہے۔ ’مذی‘ یا ’ودی‘ کے خارج ہونے پر نہیں۔

http://www.urdufatwa.com/index.php?/Knowledgebase/Article/View/6954/30/

http://www.urdufatwa.com/index.php?/Knowledgebase/Article/View/11926/140/

 

[محمد علی جواد]

منی انسان کی پیدائشی عمل کا ارتقائی جزو ہے - بلکل ایسے ہی جیسے زمین کی مٹی پیدائش انسانی میں ارتقائی جزو کی حثیت رکھتی ہے- دونوں چیزیں اپنی ہییت کے لحاظ سے حقیر درجے میں آتی ہیں- جیسا کہ قرآن میں ہے کہ :

وَلَقَد خَلَقنَا الإِنسـٰنَ مِن سُلـٰلَةٍ مِن طينٍ سوره المومنون ١٢
اور (دیکھو) یہ واقعہ ہے کہ ہم نے انسان کو مٹی کے خلاصہ سے پیدا کیا،

ثُمَّ جَعَلَ نَسلَهُ مِن سُلـٰلَةٍ مِن ماءٍ مَهينٍ سوره السجدہ ٨
پھراس کی نسل نچڑے ہوئے حقیر پانی سے چلائی-

أَوَلَمْ يَرَ الْإِنسَانُ أَنَّا خَلَقْنَاهُ مِن نُّطْفَةٍ فَإِذَا هُوَ خَصِيمٌ مُّبِينٌ سوره یٰسین ٧٧
کیا انسان دیکھتا نہیں ہے کہ ہم نے اسے نطفہ سے پیدا کیا اور پھر وہ صریح جھگڑا لو بن کر کھڑا ہو گیا-

قُتِلَ الْإِنسَانُ مَا أَكْفَرَهُ ﴿۱۷﴾ مِنْ أَيِّ شَيْءٍ خَلَقَهُ ﴿۱۸﴾ مِن نُّطْفَةٍ خَلَقَهُ فَقَدَّرَهُ سوره عبس
انسان پر الله کی مار ، کیسا سخت منکر حق ہے یہ۔ کس چیز سے اللہ نے اسے پیدا کیا ہے؟ نطفہ کی ایک بوند سے۔ اللہ نے اسے پیدا کیا، پھر اس کی تقدیر مقرر کی،

وَلَقَدْ خَلَقْنَا الْإِنْسَانَ مِنْ صَلْصَالٍ مِنْ حَمَإٍ مَسْنُونٍ سوره الحجر ٢٦
اور ہم نے انسان کو سیاہی مائل کھنکھناتی مٹی سے پیدا کیا ہے-

ان تمام آیات بیان کرنے کا مقصد الله نے یہی فرمایا ہے کہ جن جزویات سے انسان پیدا کیا گیا ہے وہ دنیا کی دوسری اشیاء کی نسبت انتہائی حقیر ہیں - لہذا اس انسان کو غرور و تکبر اور الله سے جھگڑا ہرگز زیب نہیں دیتا -اگر اس کو اپنے اوپراتنا ہی اعتماد ہے اوراپنے کارناموں پر اتنا ہی فخرو غرور ہے تو وہ جان لے کہ آخر وہ انہی حقیرچیزوں یعنی مٹی اور نطفہ سے پیدا کیا گیا ہے -