اہل حدیث مسجد پر حملہ ؛ قابل مذمت اقدام

[محمد عامر یونس]

مسجد پر دستی بم حملہ کرنے والوں میں سے ایک گرفتار

2 گھنٹے پہلے

ختونخوا کے دارالحکومت پشاور میں موٹر سائکل پر سوار حملہ آوروں نے اہل حدیث مسلک کے ایک مدرسے پر دستی بم پھینکا

پاکستان کے صوبے خیبر پختونخوا کے دارالحکومت پشاور میں حکام کا کہنا ہے کہ اہل حدیث کی ایک مسجد پر ہونے والے دستی بم کے ایک حملے میں کم سے کم 19 افراد زخمی ہوگئے ہیں۔
حملہ آور کو زخمی حالت میں گرفتار کرلیا گیا ہے۔
پولیس کے مطابق یہ واقعہ اتوار اور پیر کی درمیانی شب پشاور کے علاقے تہکال بالا میں پیش آیا۔
تہکال پولیس سٹیشن کے ایک اہلکار نے بتایا کہ جامع مسجد بیت المکرم میں ایک اجتماع کے اختتام پر محلے کے افراد کھانا کھا رہے تھے کہ اس دوران ایک حملہ آوار نے قریب آکر ان پر دستی بم سے حملہ کردیا۔
انھوں نے کہا کہ حملے میں محلے کے 19 افراد زخمی ہوئے۔
پولیس اہلکار کے مطابق دھماکے کی آواز سنتے ہی وہاں موجود محلے کے لڑکوں نے جمع ہوکر حملہ آور پر پستول سے فائرنگ کردی جس سے وہ شدید زخمی ہوئے۔
زخمی حملہ آوار کو گرفتارکرکے سی ایم ایچ پشاور میں داخل کردیا گیا ہے۔پولیس کے مطابق حملہ آوار تین تھے جو موٹر سائیکل پر آئے تھے۔
واقعے کے ایک عینی شاہد اور محلے کے مشر حاجی مقبلی خان نے ہمارے نامہ عزیزاللہ خان کو بتایا کہ مسجد میں جماعتہ الددعوۃ کا ایک اجتماع ہورہا تھا جس میں لوگوں کی ایک بڑی تعداد شامل تھی۔
انھوں نے کہا کہ اجتماع کے اختتام کے چند منٹوں کے بعد ہی حملہ آواروں کی طرف سے دستی بم کا حملہ کیا گیا تاہم زیادہ تر افراد اس سے پہلے مسجد سے جاچکے تھے۔
حاجی مقبلی خان کے مطابق اس حملے میں ان کا بیٹا بھی زخمی ہوا ہے۔
اس حملے کی وجہ فوری طورپر معلوم نہیں ہوسکی اور نہ ہی کسی تنظیم کی جانب سے اسکی ذمہ داری قبول کی گئی ہے۔
تہکال کا علاقہ پشاور میں یونیورسٹی روڈ کے قریب واقع ہے۔
اس علاقے میں پہلے بھی ٹارگٹ کلنگ کے واقعات پیش آ چکے ہیں۔ تہکال کا علاقہ ایک طرف شہری علاقوں سے منسلک ہے تو دوسری جانب اس کے کھیت اور دیہی طرز زندگی ہے۔
پشاور میں دستی بم کے بیشتر حملے بھتے کی غرض سے پھینکے جاتے ہیں جن میں نقصانات کم ہوتے ہیں۔
گذشتہ ہفتے پجگی روڈ پر ایک عمارت پر دستی بم سے حملہ کیا گیا تھا جس میں پانچ افراد زخمی ہو گئے تھے۔
پولیس کے مطابق یہ واقعہ بھتے کے لیے کیا گیا تھا۔

 

[فلک شیر]

اللہ پاک رحمت فرمائیں

 

[خضر حیات]

مسجد میں جماعتہ الددعوۃ کا ایک اجتماع ہورہا تھا

پہلی دفعہ سنا ہے کہ جماعۃ الدعوۃ کے کسی جلسے میں ایسا حادثہ پیش آیا ہو ۔

 

[ابن عثمان]

پہلی دفعہ سنا ہے کہ جماعۃ الدعوۃ کے کسی جلسے میں ایسا حادثہ پیش آیا ہو ۔

خضر بھائی کیوں کسی کو بد گمانی کے لئے موقع فراہم کرتے ہیں ۔۔
اہل حدیث مسجد ۔۔۔جماعت الدعوۃ ۔۔۔کی کوئی قید نہیں ۔۔۔
دہشت گرد کا کوئی مذہب نہیں ۔۔۔

 

[فلک شیر]

پہلی دفعہ سنا ہے کہ جماعۃ الدعوۃ کے کسی جلسے میں ایسا حادثہ پیش آیا ہو ۔

ایک دفعہ کراچی میں ایسی کوشش ہو چکی ہے

 

[فلک شیر]

خضر بھائی کیوں کسی کو بد گمانی کے لئے موقع فراہم کرتے ہیں ۔۔
اہل حدیث مسجد ۔۔۔جماعت الدعوۃ ۔۔۔کی کوئی قید نہیں ۔۔۔
دہشت گرد کا کوئی مذہب نہیں ۔۔۔

بد گمانی؟؟؟

 

[کنعان]

السلام علیکم

پہلی دفعہ سنا ہے کہ جماعۃ الدعوۃ کے کسی جلسے میں ایسا حادثہ پیش آیا ہو۔

خضر بھائی کیوں کسی کو بد گمانی کے لئے موقع فراہم کرتے ہیں ۔۔
اہل حدیث مسجد ۔۔۔جماعت الدعوۃ ۔۔۔کی کوئی قید نہیں ۔۔۔

ابن عثمان کو سمجھنے میں شائد غلطی لگی جس وجہ سے لفظ بدگمانی استمعال میں لے آئے۔ مسجد اور جماعت پر کچھ بھی نہیں کہا گیا۔

پولیس اہلکار کے مطابق دھماکے کی آواز سنتے ہی وہاں موجود محلے کے لڑکوں نے جمع ہو کر حملہ آور پر پستول سے فائرنگ کر دی جس سے وہ شدید زخمی ہوئے۔
زخمی حملہ آوار کو گرفتار کر کے سی ایم ایچ پشاور میں داخل کر دیا گیا ہے۔پولیس کے مطابق حملہ آوار تین تھے جو موٹر سائیکل پر آئے تھے۔

میری طرف سے، پھر بھی جماعۃ الدعوۃ کی طرف سے جوابی کاروائی ہوئی نا، ان کی طرف سے بھی گولی چلی جس وجہ سے حملہ آور زخمی ہوا، رپورٹ میں محلہ دار لکھوایا گیا ھے تاکہ پیشی نہ ہو۔ شکر ادا کریں کہ کئی جانی نقصان نہیں ہوا۔

والسلام

 

[ابن عثمان]

کہنے کے مقصد یہ تھا کہ ہم مسلمانوں میں کچھ لوگ غلط فہمی سے سمجھتے ہیں کہ دہشت گرد فلاں مسلک سے ہوتا ہے ۔
اور وہ اپنے مسلک سے متفق لوگوں پر حملہ نہیں کرتا بلکہ ہم پر کرتا ہے ۔
یا جو مذاکرات کے حامی تھے ۔۔ان پر حملہ نہیں کرتا
جو آپریشن کے حامی ہیں ۔۔۔ان پر کرتا ہے ۔ وغیرہ وغیرہ

 

[خضر حیات]

پہلی دفعہ سنا ہے کہ جماعۃ الدعوۃ کے کسی جلسے میں ایسا حادثہ پیش آیا ہو ۔

خضر بھائی کیوں کسی کو بد گمانی کے لئے موقع فراہم کرتے ہیں ۔۔

میں نے یہ بات دو وجہ سے کہی ہے :
1۔ جماعۃ الدعوۃ کے سیکیورٹی انتظامات بہت اچھے ہوتے ہیں ۔
2۔ مشہور ہے کہ جماعۃ الدعوۃ کے خفیہ اداروں کے ساتھ اچھے تعلقات ہیں ، وہ بعض دفعہ خطرات کی پیشگی اطلاع کردیتے ہیں ۔

میری طرف سے، پھر بھی جماعۃ الدعوۃ کی طرف سے جوابی کاروائی ہوئی نا، ان کی طرف سے بھی گولی چلی جس وجہ سے حملہ آور زخمی ہوا، رپورٹ میں محلہ دار لکھوایا گیا ھے تاکہ پیشی نہ ہو۔ شکر ادا کریں کہ کئی جانی نقصان نہیں ہوا۔

متفق ۔