السلام علیکم
تمام صحابہ اہل حدیث تھے یعنی حدیث والے تھے ،یعنی نبی اکرم صلی اللہ علیہ وسلم سے سنتے تھے اور وہ حدیث آگے پہنچاتے تھے یا صحابی صحابی سے فرمان رسول صلی اللہ علیہ وسلم سن کر آگے پہنچاتے تھے ۔ یہ بات تو کلئیر ہے۔ لیکن آج جو “جماعت اہلحدیث “ ہے اس کا وجود کب سے ہے اس بارے میں بھی کچھ ارشاد ہوجاتا ۔
یہ پہلے بھی عرض کیا جاچکا ہے کہ اہل حدیث دور صحابہ سے موجود ہیں۔جب آپ نے صحابہ کو اہل حدیث تسلیم کر لیا تو اہل حدیث جماعت کو صحابہ کی جماعت سے بغیر کسی دلیل کے خارج کرنا غیر مناسب ہے کیونکہ موجود اہل حدیث یا سابقہ دور کے اہل حدیث بلکہ قیامت تک آنے والے اہل حدیث صحابہ کرام کی مبارک جماعت ہی کا تسلسل ہیں کیونکہ ان کے اور صحابہ کے اصول و عقائد حتی کے مسائل بھی ایک جیسے ہی ہیں۔ اگر صحابہ اہل حدیث تھے تو آج کا مسلمان بھی جو صحابہ کی طرح صرف اور صرف قرآن اور حدیث پر عمل کرتا ہے اور قرآن و حدیث کے آگے کسی بھی امتی کے قول کو رد کردیتا ہے اور ابوحنیفہ، شافعی، مالک اور احمد بن حنبل میں سے کسی کی تقلید نہیں کرتا بجا طور پر صحابہ کی طرح اہل حدیث کہلاوانے کا مستحق ہے۔ اور اس مسلمان سے یہ حق کوئی جاہل مقلد نہیں چھین سکتا۔
نبی کریم صلی اللہ علیہ وسلم کی مشہور حدیث جس میں امت کے 73 فرقوں میں بٹ جانے کی پیشنگوئی ہے اس حدیث کے آخر میں ہے کہ صحابہ نے دریافت کیا کہ وہ کون سی جماعت ہوگی جو جنت میں جائے گی تو نبی کریم صلی اللہ علیہ وسلم نے ارشاد فرمایا وہ اس راستے پر ہونگے جس پر آج میں اور میرے صحابہ ہیں۔(مفہوم حدیث)
اس حدیث میں مذکور جنت میں جانے والے فرقے کے بارے میں شیخ عبدالقادر جیلانی رحمہ اللہ نے فرمایا کہ جنت میں جانے والا فرقہ اہل سنت ہے اور مزید فرمایا کہ اہل سنت صرف اہل حدیث ہیں۔(غنیۃ الطالبین)
معلوم ہوا کہ شیخ عبدالقادر جیلانی رحمہ اللہ کے نزدیک صحابہ کرام کے راستے پر صرف اہل حدیث ہیں۔ اس طرح یہ خوبخود ثابت ہو گیا کہ اگر صحابہ اہل حدیث تھے تو ان کے راستے اور نقش قدم پر چلنے والا آج کا مسلمان بھی اہل حدیث ہے۔اسی طرح کا بیان امت کے دیگر سلف سے بھی ثابت ہے جیسے احمد بن حنبل، امام بخاری، امام شافعی، عبداللہ بن مبارک رحمہ اللہ وغیرھم
الحمداللہ ثابت ہوا کہ امت کے سلف نے صحابہ کے راستے پر چلنے والے ہر مسلمان کو صحابہ کی طرح اہل حدیث ہی قرار دیا ہے۔ امت کے سلف سے ایسی کوئی تفریق ہر گز ثابت نہیں کہ صرف عالم اہل حدیث کہلاوانے کا مستحق اور اور عامی اہل حدیث جماعت سے خارج ہے۔ اگر سہج صاحب کے پاس ایسی کوئی دلیل ہے تو امت کے معتبر ائمہ اور علماء سے پیش کریں ورنہ صرف ان کا خالی خولی دعویٰ کوئی حیثیت نہیں رکھتا جس سے موصوف عالم اور عامی اہل حدیث کے درمیان تفریق پیدا کرنے کی کوشش فرما رہے ہیں۔
لیکن آج جو “جماعت اہلحدیث “ ہے اس کا وجود کب سے ہے اس بارے میں بھی کچھ ارشاد ہوجاتا ۔کیوں آج اہلحدیث اتنے سارے ناموں کے ساتھ موجود ہے
مثلاً
1جماعة دعوة اہلحدیث
-2جمعیت اہلحدیث
-3غرباءاہلحدیث
4 -يوتھ فورس اہلحدیث
5-سلفی اہلحدیث
6-ثنائيہ اہلحدیث
7-غزنوی اہلحدیث
-8روپڑی اہلحدیث
9 -امرتسری اہلحدیث
-10بنارسی اہلحدیث
11-توحیدی اہلحدیث
-12 محمد ی اہلحدیث
-13گوندلوی اہلحدیث
-14نذيریہ اہلحدیث
آج جو اہل حدیث جماعت ہے وہ دور صحابہ سے موجود ہے جس کا ثبوت یہ ہے کہ یہ اسی راستے پر اول روز کی طرح آج بھی گامزن ہے جس طرح نبی کریم صلی اللہ علیہ وسلم کے دور مبارک میں تھی۔ اگر سہج صاحب موجودہ اہل حدیث جماعت کی نسبت صحابہ سے ختم کرنا چاہتے ہیں تو ہمیں اہل حدیث کے وہ عقائد بتادیں جو جمہور صحابہ کے عقائد کے خلاف ہوں۔ اور اگر سہج صاحب اس میں کامیاب نہ ہوسکیں تو بے دلیل دعویٰ کرنا چھوڑ دیں۔
آپ نے اہل حدیث جماعت کے جو مختلف نام دئے ہیں شاید آپ نے اپنے کسی جھوٹے عالم کی کتاب سے نقل کئے ہیں کیونکہ ان ناموں میں ثنائيہ اہلحدیث،غزنوی اہلحدیث،روپڑی اہلحدیث،امرتسری اہلحدیث،بنارسی اہلحدیث،توحیدی اہلحدیث،محمد ی اہلحدیث،گوندلوی اہلحدیث،نذيریہ اہلحدیث نام کی کوئی جماعت موجود نہیں ہے۔ آپ سے درخواست ہے کہ ان اہل حدیث جماعتوں کی موجودگی کے ثبوت فوری طور پر پیش کریں ورنہ ہم یہ سمجھنے میں حق بجانب ہونگے کہ جھوٹ اور دروغ گوئی دیوبندیوں کے ایمان کا حصہ ہے۔
جہاں تک جماعة دعوة اہلحدیث،جمعیت اہلحدیث،غرباءاہلحدیث،يوتھ فورس اہلحدیث کی بات ہے تو یہ جماعتیں صرف انتظامی بنیادوں پر وجود میں آئی ہیں ورنہ حقیقت میں ساری جماعتیں اہل حدیث ہیں کیونکہ ان کے درمیان عقائد کا کوئی اختلاف نہیں۔ اگر ان کے درمیان عقائد کا کوئی اختلاف ہوتا تو پھر یقیناً آپ انہیں علیحدہ علیحدہ جماعتیں شمار کرسکتے تھے۔جس طرح دیوبندیوں میں عقیدے کے اختلاف پر دو جماعتیں حیاتی اور مماتی وجود میں آگئی ہیں۔ اس کے برعکس تبلیغی جماعت، سپاہ صحابہ، لشکر جھنگوی میں چونکہ عقیدے کا کوئی اختلاف نہیں اس لئے انہیں دیوبندی ہی کہا جاتا ہے۔ امید ہے بات سمجھ میں آگئی ہوگی۔ ان شاء اللہ
اتنے سارے اہل حدیث گروپوں کے ہوتے ہوئے آپ اپنے آپ کو صحابہ کی جماعت کے ساتھ نہیں ملا سکتے ۔ یہ کہہ کر کہ انکو اہل حدیث مانا جاتا ہے اور ہمارا نام بھی اہل حدیث رکھ لیا گیا ہے ۔
میں دیوبندیوں کے بیس سے زائد گروپوں کے نام گنوا سکتا ہوں اگر کسی جماعت میں سیاسی یا انتظامی بنیادوں پر اختلاف کی وجہ سے گروپ بندی ہوجانے کی بنا پر ان کا واسطہ اصل لوگوں سے چھوٹ جاتا ہے جیسا کہ سہج صاحب فرمارہے ہیں تو دیوبندیوں کے اتنے سارے گروپس کی موجودگی میں ہر گروپ خود کو حنفی یا دیوبندی کیسے کہہ سکتا ہے کیونکہ شروع میں صرف ابوحنیفہ کے شاگردوں کو ہی حنفی کہا جاتا تھا اور دیوبندیوں کے موجودہ گروپس میں امام صاحب کا کوئی شاگرد نہیں اس کے علاوہ دیوبندیوں کے اکابرین موجودہ دور کے کسی بھی دیوبندی گروپ سے تعلق نہیں رکھتے تھے۔اور اگر کہا جا سکتا ہے تو اہل حدیث گروپس کا صحابہ سے تعلق کیسے مشتبہ ہو سکتا ہے جبکہ ان تمام گروپس کے عقیدے و اصول بعینہ وہی ہیں جو صحابہ کے تھے؟!
اپنے لئے اصول کچھ دوسروں کے لئے کچھ اور، یہ منافقانہ رویہ کسی طور پر لائق تحسین نہیں۔
اگر ایسی بات ہو تو اہل قرآن نامی گروہ جو کہ حدیث کا منکر ہے وہ بھی کہہ سکتا ہے کہ ہمارا نام خود حدیث میں آتا ہے اور ہم نبی صلی اللہ علیہ وسلم کے فرمان کے مطابق اہل قرآن بنے۔(معاذ اللہ)
اگر کسی شخص کا دعوی مسلمان ہونے کا ہو اور عقائد و اعمال کافروں والے ہوں تو نہ تو محض دعوے سے وہ شخص مسلمان ہوسکتا ہے اور نہ ہی کوئی دوسرا مسلمان اسکے مسلمانی دعوے کو قبول کرے گا کیونکہ اس کا عمل اس کے قول کے خلاف ہے۔ اگر کوئی شخص مسلمان ہونا چاہتا ہے تو اس کے لئے ضروری ہے کہ وہ زبانی دعوے ساتھ ساتھ عقائد و اعمال بھی مسلمانوں والے قبول کرے۔جب ہی اس کا دعوی قابل قبول ہوگا۔
میں سہج صاحب سے پوچھتا ہوں کہ کیا نبی کریم صلی اللہ علیہ وسلم نے ایسے لوگوں کو اہل قرآن قرار دیا جو حدیث کے منکر تھے؟(نعوذ باللہ من ذالک) یقیناً نہیں۔ تو پھر سہج صاحب نے ایسی غلط مثال کیوں پیش فرمائی؟
نبی کریم صلی اللہ علیہ وسلم نے صحابہ کرام کو اہل قرآن کہا جیسا کہ سہج صاحب نے اسکی دلیل بھی پیش کی ہے۔تو اب وہی شخص خود کو اہل قرآن کہنے میں حق بجانب ہوگا جو خود صحابہ کے راستے پر ہوگا۔ اس طرح اہل حدیث ہی اہل قرآن کا صحیح مصداق ہیں کیونکہ اس وقت مسلمانوں میں اہل حدیث ہی وہ واحد جماعت ہے جو سو فیصد اس راستے پر ہے جس پر جمہور صحابہ تھے۔ اگر موجودہ دور کے منکرین حدیث یہ دعویٰ کر بھی دیں کہ وہ اہل قرآن ہیں تو ان کا دعویٰ اس لئے جھوٹا ہوگا کہ ان کا عمل اس جماعت کے خلاف ہے جنھیں رسول اللہ صلی اللہ علیہ وسلم نے اہل قرآن قرار دیا۔
الحمداللہ ثابت ہوا کہ ہر وہ شخص جو اول اہل حدیث جماعت یعنی صحابہ کی جماعت کی پیروی کرنے والا ہوگا وہ ہر دور میں اپنی نسبت صحابہ کی جانب کرکے خود کو اہل حدیث کہنے اور کہلاوانے کا مستحق ہوگا۔ لیکن وہ شخص جس کا دعویٰ تو صحابہ سے نسبت کا ہوگا لیکن وہ صحابہ کے بہت بعد پیدا ہونے والے کسی ابوحنیفہ نامی شخص کا اندھا مقلد ہوگا یا کسی من گھڑت اور شرمناک فقہ کا قائل و فاعل ہوگا وہ صحابہ کرام سے اپنی نسبت پر جھوٹا ہوگا۔
دیکھا آپ نے نبی پاک صلی اللہ علیہ وسلم اپنے صحابہ کو اہل قرآن فرمارہے ہیں اور اہل حدیث نہیں فرمایا ۔ اس لہاذ سے آپ کو اپنا نام اہل قرآن رکھنا چاھئیے تھا ۔
الحمداللہ ہم ہی اہل قرآن ہیں اور ہم ہی اہل حدیث۔ سہج صاحب جواب دیں کہ کیا کسی صحابی نے خود کو حنفی کہا؟ کیا کسی حدیث میں اس گمراہ فرقے کا ذکر آیا؟
جبکہ آپ نے جو بھی دلیل پیش کی ہیں وہ تمام کی تمام امتیوں کے اقوال ہیں اور امتیوں کے اقوال آپ کی دلیل نہیں ہیں ۔
آپ کا تو پورا مذہب ہی ایک امتی کے فضول اقوال پر مشتمل ہے اس بارے میں آپ کیا فرماتے ہیں؟ کیا قرآن وحدیث کسی مذہب کے دلائل ہونے چاہیں یا کسی امام کے ایسے اقوال جن اقوال کے بارے میں خود اس امام کو بھی نہ پتا ہو کہ یہ صحیح ہیں یا غلط؟؟؟ حنفی بیچارے اندھیرے میں ٹامک ٹوئیاں مار رہے ہیں اور ایک ایسے شخص کے اقوال کو دین و مذہب بنائے بیٹھے ہیں جن کے اقوال پل پل بدلتے رہتے تھے۔
آپ اہل حدیث کے دلائل پر تو بہت بات کرتے ہیں لیکن اپنی دلیل بالکل ہی فراموش کئے بیٹھے ہیں۔ اگر سہج صاحب کو یاد نہیں تو ہم یاد دلا دیتے ہیں کہ حنفی کی دلیل قرآن و حدیث نہیں بلکہ صرف اور صرف امام ابوحنیفہ کے اقوال ہیں۔ کیا سہج صاحب اپنی دلیل سے اپنے مذہب کا کوئی مسئلہ ثابت کر سکتے ہیں؟ نہیں۔ تو پھر دوسروں پر کس منہ سے تنقید کرتے ہیں؟ پہلے اپنے گھر کی تو خبر لیں۔
آپ کو چاھئے تھا کہ اپنی دلیل کے طور پر صرف ایک آیت یا اک حدیث پیش کردیتے ۔
ہم نے اپنی دلیل کے طور پر کئی چیزیں پیش کیں جن میں ایک قرآن کی آیت اور علامہ ابو منصور بغدادی کی ایک گواہی بھی شامل تھی۔ یہ دونوں ہی دلائل اہل حدیث کے اصول کے عین مطابق تھے کیونکہ کسی ثقہ شخص کی گواہی کو قبول کرنا اور اس پر یقین کرنا قرآن سے ثابت ہے اس لئے ہم اپنے اصول قرآن وحدیث سے بالکل بھی باہر نہیں نکلے۔الحمداللہ
علامہ ابو منصور بغدادی کی شہادت میں سہج صاحب کے اعتراض کا جواب موجود ہے لیکن سہج صاحب نے اس پر کوئی گفتگو نہیں فرمائی۔علامہ ابو منصور بغدادی کی گواہی اور اس پر ہمارا تبصرہ ایک مرتبہ پھر پیش خدمت ہے تاکہ سہج صاحب اس پر کچھ غور فرمائیں لیکن یاد رہے کہ اسے صرف امتی کا قول کہہ کر موصوف جان نہیں چھڑا سکتے کیونکہ میں عرض کرچکا ہوں کہ سچی گواہی قبول کرنا قرآن سے ثابت ہے۔
علامہ ابو منصور بغدادی رقطمراز ہیں: ملک روم۔شام و جزیرہ اور آذربائیجان کی تمام مسلم آبادی اہل حدیث کے مذہب پر تھی اور افریقہ۔اندلس۔بحر مغرب کے پار کی حدود اور ایسے ہی ملک چین۔افریقہ اور ساحل زنج کی مسلم آبادی بھی اہل حدیث کے مذہب پر تھی۔(اصول الدین،جلد1، صفحہ 217)
ان تمام ملکوں کی آبادی جو اہل حدیث کے مذہب پر تھی ان میں بلا شک وشبہ ہر قسم کے لوگ شامل ہونگے جن میں علماء بھی ہونگے جاہل بھی اور مزدور افراد جیسے جوتیاں جوڑنے والے،دودھ بیچنے والے اور ٹرک ڈرائیور بھی جن کا ذکر سہج صاحب نے طنزیہ انداز میں کیا ہے۔ الحمداللہ اس دلیل نے سہج صاحب کے اعتراض کی جڑ کاٹ دی ہے۔
لیکن آپ اپنے آپ کو صحابہ رضوان اللہ علیہم اجمعین جیسا اہل حدیث بتانے کے لئے سہارہ لے رہے ہیں اک دیوبندی عالم کا ؟
امت کے جلیل القدر ائمہ نے گواہی دی کہ صرف اہل حدیث ہی صحابہ کے راستے کی صحیح پیروی کرنے والے ہیں اور اگر ائمہ اس سچی بات کی گواہی نہ بھی دیتے تو بھی اس سے حقیقت میں ذرہ برابر بھی کوئی فرق نہیں آنا تھا۔ ہمیں قرآن و حدیث کا سہارا کافی ہے کسی دیوبندی عالم کی حمایت یا سہارے کی ہمیں قطعاً کوئی ضرورت نہیں بلکہ دیوبندی اکابرین اور علماء ہمارے نزدیک ٹکے کی بھی حیثیت نہیں رکھتے۔ دیوبندی عالم کا حوالہ ہم نے اپنے لئے نہیں بلکہ آپ کے لئے پیش کیا تھا کیونکہ آپ کا منہ صرف آپکے علماء کے حوالوں ہی سے بند ہوتا ہے ورنہ قرآن و حدیث کے دلائل حنفیوں پر کوئی اثر نہیں ڈالتے ۔ اگر آپ کے نزدیک بھی دیوبندی علماء بے وقعت ہیں اور ٹکے کی بھی حیثیت نہیں رکھتے تو ہمیں بتادیں آئندہ آپکو دیوبندی علماء کے حوالے پیش نہیں کئے جائیں گے۔
دیکھئیے بھائی شاہد نذیر دلیل وہ دیاکریں جس کے آگے مجھ جیسا جاہل بھی مجبور ہوجائے کہ اسے مان لے ۔
ستم یہ ہے کہ آپ صرف جاہل نہیں بلکہ پکے ہٹ دھرم بھی ہیں۔ ان اوکاڑوی خصوصیات کے ہوتے ہوئے بھلا کیسے یہ تصور کیا جاسکتا ہے کہ آپ کوئی صحیح بات تسلیم کرلینگے؟
اک آیت آپ نے پیش کی لیکن اسکی تشریح اگر امتی کی بجائے نبی صلی اللہ علیہ وسلم کی حدیث سے پیش کرتے تو اچھا ہوتا ۔ اسلئے کہ مولانا عبدالغفار محمدی اور آپ کی بات کا یہ مطلب نکلتا ہے کہ نقش قدم پر چلنے سے اہل حدیث بن جاتے ہیں ؟ اور جو آیت پیش کی ہے اس میں تو دنیا کے بعد ساتھ ملنے اور رفاقت حاصل ہونے کا زکر ہے ۔ دیکھئے تفسیر ابن کثیر میں کیا لکھا ہوا ہے اس آیت کے بارے میں۔
آپ نے اہم باتوں کو چھوڑ کر ایک غیر اہم بات پر اتنا طویل تبصرہ فرمایا کہ اس کی کوئی خاص ضرورت نہیں تھی۔ دیکھئے محترم میں نے قرآن کی ایک آیت پیش کی اور کہا کہ اس سے ایک اصول ثابت ہوتا ہے وہ یہ ہے کہ کسی گروہ میں شامل ہونے کے لئے اس گروہ کی پیروی لازمی ہے اور جب کوئی شخص کسی گروہ کی پیروی کرتا ہے تو خودبخود اس گروہ میں داخل ہوجاتا ہے۔ چونکہ صدیقین، صالحین اور شہداء کو یہ مقام اللہ اور اس کے رسول کی اطاعت سے حاصل ہوا ہے اس لئے اللہ رب العالمین نے بتادیا کہ اگر تم بھی صدیقین، صالحین اور شہداء کے گروہ میں شامل ہونا چاہتے ہو، ان کا ساتھ اور ان کی رفاقت حاصل کرنا چاہتے ہو تو انہی کی طرح اللہ اور اس کے رسول کی اطاعت کرو۔ بس یہی وہ اصول ہے جس سے کوئی شخص صحابہ کے نقش قدم پر چلتا ہے تو قطع نظر اس کے کہ اس کا پیشہ کیا ہے اگرچہ وہ کوئی موچی یا ڈرائیور ہی کیوں نہ ہو، وہ صحابہ کرام رضی اللہ عنھم اجمعین کی طرح خود کو اہل حدیث کہلاوا سکتا ہے۔
اگر آپ یہ سمجھتے ہیں کہ قرآن کی آیت سے یہ استدلال غلط ہے تو برائے مہربانی بطور دلیل قرآن یا حدیث سے کوئی ایسا اصول بیان کردیں جس سے ہمارا پیش کردہ اصول غلط ثابت ہوجائے۔ آپ نے قرآن کی اس آیت کی تفسیر میں ابن کثیر سے جو کچھ نقل کیا ہے اس سے ہمارے اصول کے صحیح ہونے کی تائید ہوتی ہے۔ اپنا پیش کردہ حوالہ زرا غور سے دوبارہ اور سہہ بارہ پڑھ لیں ان شاء اللہ سمجھ میں آجائے گا۔
دیکھا بھائی شاھد نذیر اس آیت سے اہل حدیث ہونا نہیں جنت میں انکا ساتھ ملنا ثابت ہے ۔
میں نے وضاحت کردی ہے کہ آیت سے اہل حدیث ہونا نہیں بلکہ ایک اصول ثابت ہوتا ہے جس سے کوئی بھی شخص صحابہ کی نقش قدم کی پیروی کرکے ان کی جماعت میں شامل ہوسکتا ہے اور خود کو اہل حدیث کہلاوا سکتاہے۔ جنت میں صحابہ کا ساتھ اسی وقت کسی کو حاصل ہوگا جب وہ دنیا میں صحابہ کے نقش قدم کی پیروی کرے گا۔
لیکن یہ یاد رکھئیے ہم اہل سنت والجماعت حنفی ہیں
شیخ عبدالقادر جیلانی رحمہ اللہ نے نزدیک تو صرف اہل حدیث ہی اہل سنت ہیں جبکہ حنفی فرقہ گمراہ اور جہنمی فرقہ ہے۔ اس حقیقت کو کبھی مت بھولا کریں جناب سہج صاحب! اور کبھی کبھی غنیۃ الطالبین کے آئینہ میں اپنا مذہبی چہرہ دیکھتے رہا کریں۔
حنفی ہونے کے لئے فقہی مسائل کو سمجھ جانا ضروری نہیں ہے میرے جیسا جاہل اور عالم سب حنفی بنسکتے ہیں ، اور ہیں بھی ۔
اس بات پر اجماع ہے کہ تقلید علم نہیں ہے یعنی جہالت ہے اور مقلد جاہل ہے۔ اب چاہے وہ خود کو مفتی کہے یا عالم یا شیخ الحدیث یا پھر فقہی ہر صورت میں جاہل ہے۔ یہ ایک مسلمہ حقیقت ہے لیکن میں فی الحال اس پر بحث نہیں کرنا چاہتا میں تو فی الحال صرف یہ عرض کرنا چاہتا ہوں جب آپ نے اپنا جاہل ہونا تسلیم کر لیا ہے اور آپ ہی کی طرح حنفی مذہب کا موچی، ڈرائیور، ٹھیلے والا، کباڑی وغیرہ بھی بلا شک جاہل ہی ہوگا تو عرض ہے کہ آپ کا اور اسی طرح موچی و ڈرائیور وغیرہ کا حنفی ہونے کا دعوی سراسر جھوٹا ہے۔
قال فی ردالمحتار للشامی (1-33) ان من التزم مذھبا معیناکابی حنیفۃ والشافعی فقیل یلزم وقیل لاوھو الاصح وقد شاع ان العامی لامذہب لہ۔
کسی نے اپنے اوپر ایک مذہب کو لازم کر لیا جیسے حنفی شافعی تو بعض احناف کہتے ہیں: اس پر اس مذہب سے چمٹے رہنا لازمی ہے اور بعض کہتے ہیں: لازمی نہیں ہے۔ شامی کہتے ہیں کہ دوسری بات زیادہ صحیح ہے کیونکہ یہ مشہور ہے کہ امی (عامی) لامذہب ہواکرتا ہے۔
پھر باب التعزیر (3-190) میں تفصیل سے لکھتے ہیں: عامی کا کوئی مذہب نہیں ہوا کرتا جیسے حنفی، شافعی نہیں بن سکتا بلکہ وہ تو زندہ انسان کے فتوے پر چل رہا ہوتا ہے۔، مقلد وہ ہوسکتا ہے جو کسی امام کی کتاب پڑھ لے یا اقوال یاد کرلے اور عامی میں یہ صلاحیت نہیں ہوتی، تو صرف اپنے آپ کو حنفی شافعی کہہ دینے سے حنفی شافعی نہیں بن سکتا۔ جس طرح اگر کوئی عامی اپنے آپ کو نحوی یا فقیہ کہہ دے تو یہ صرف زبانی جمع خرچ ہے اس کا کوئی فائدہ نہیں۔اس سے کوئی نحوی یا فقیہ نہیں بن سکتا۔
دیکھا سہج صاحب آپ نے کہ شامی فرمارہے ہیں کہ عامی کا کوئی مذہب نہیں ہوتا وہ لامذہب ہوتا ہے اس لئے محض زبانی دعوے سے نہ تو کوئی حنفی بن سکتا ہے اور نہ شافعی۔ اب تو آپ کو معلوم ہوگیا ہوگا کہ نہ صرف آپ کا بلکہ موچی، ڈرائیور وغیرہ کا بھی حنفی ہونے کا دعویٰ آپ کے اکابر کے مطابق جھوٹا ہے بلکہ خود کو حنفی کہنے سے نہ تو سہج صاحب اور نہ ہی کوئی دوسرا عامی حنفی بنتا ہے۔ سہج صاحب سے درخواست ہے کہ اپنے حنفی ہونے کی اور دیگر عامیوں کے حنفی ہونے کی کوئی مضبوط دلیل فراہم کریں۔
لیکن اہل حدیث بننے کے لئے علم کا ہونا شرط ہے جیسے صحابہ رضوان اللہ علیہم اجمعین تھے۔
میں اس بات کا جواب پہلے بھی دے چکا ہوں اور اس پوسٹ میں بھی اس بات کی مزید وضاحت کی ہے۔ آپ ایسا کریں کہ کسی معتبر محدث و امام سے یہ ثابت کر دیں کہ اہل حدیث بننے کے لئے علم کا ہونا شرط ہے۔ ورنہ محض آپ کی بے دلیل بات کوئی حیثیت نہیں رکھتی۔
اب یہ مت کہنا شاھد صاحب کہ صحابہ میں کم علم رکھنے والے بھی تھے ۔ یہ بات بھی سمجھ لیں کہ صحابہ کا علم ویسا نہیں جیسا آپ سمجھتے ہیں ۔ صحابہ کا علم مشاھدہ والا ہے یعنی انہوں نے براہ راست نبی پاک صلی اللہ علیہ وسلم سے دیکھ اور سن کر سیکھا اور آگے سکھایا ۔
صحابہ میں زیادہ علم رکھنے والے اور کم علم رکھنے والے دونوں طرح کے افراد تھے۔ کیا آپ سمجھتے ہیں کہ جو فہم و فراست اور علم ابوبکر صدیق اور عمر رضی اللہ عنہ کو حاصل تھا وہی علم ایک دیہات میں رہنے والے صحابی کو بھی حاصل تھا؟ کیا یہ موٹی سی بات آپ کی عقل شریف میں نہیں سماتی کہ ہر وقت نبی کریم صلی اللہ علیہ وسلم کے ساتھ رہنے والے ابوبکر صدیق رضی اللہ عنہ زیادہ احادیث کا علم رکھتے تھے بنسبت ان صحابی کے جنھوں نے اپنی پوری زندگی میں نبی کریم صلی اللہ علیہ وسلم سے صرف ایک یا دو بار ہی ملاقات کی۔ اگر اب بھی بات آپ کی سمجھ میں نہیں آئی تو آپ اپنے دعوے پر کوئی دلیل پیش کریں۔
علماء کو اہلحدیث اسلئے کہاجاتا ہے کہ وہ حدیث کا علم آگے سکھاتے اور بتاتے ہیں ۔اور جوتیاں بنانے والا دودھ والا یا ڈرائیور جو اے بی سی سے بھی جاہل ہوں وہ کیسے علماء والے لقب کے حقدار ہوسکتے ہیں ؟
یہ محض بیمار تاویلات ہیں ہم نے تو ثابت کردیا ہے کوئی دودھ والا یا ڈرائیور کیسے اہل حدیث کے لقب کا حقدار ہوسکتا ہے۔ آپ نے جو اہل حدیث کی تعریف بیان کی ہے کہ اہل حدیث صرف ان علماء کو کہا جاتا ہے جو حدیث کا علم آگے سکھاتے اور بتاتے ہیں۔ اہل حدیث کی یہ تعریف آپ نے کہاں سے لی ہے بیان فرمادیں۔ کسی دیوبندی عالم کا حوالہ مت دیجئے گا کیونکہ دیوبندی ہماری نظر میں کوئی وقعت نہیں رکھتے بلکہ کسی ایسے عالم کا حوالہ دیجئے گا جسے آپ بھی تسلیم کرتے ہوں اور ہم بھی۔ اور اگر یہ آپ کا زاتی خیال ہے تو اپنا خیال اپنے پاس رکھیں۔
اب آپ یہ بھی بتادیں شاھد صاحب کہ کوئی موچی اہلحدیثیت کا دعوے دار ہو اور وہ اگر کسی حدیث کو مرسل قرار دے تو کیا آپ اسے مان لو گے ؟ ارے جناب آپ تو موچی سے لاکھ درجے بہتر ہوسکتے ہو ، توکیا آپ کسی حدیث پر کلام کرنے کی ہمت کرسکتے ہیں ؟؟ ہاں یہ ہوسکتا ہے کہ کسی اہل علم نے کوئی کلام کیا ہو تو آپ اسکی تقلید کرلو ۔ جیسے فرقہ اہلحدیث کو صحابہ سے جوڑنے کے معاملہ میں آپ نے کیا ہے ۔
لیکن آج اہلحدیث کو ایک فرقے یا گروہ کی صورت میں جو پیش کیا جاتا ہے اس کا ثبوت کوئی نہیں ۔ بس جو کچھ مرچ مصالحہ لگا کر پیش کرتے ہیں وہ اہل علم حضرات کے اعزاز میں کہا جاتا تھا اور کہا جاتا ہے ۔ جیسے شیخ الحدیث لقب آج بلند پائے کے علماء کے لئے کہا جاتا ہے ۔ اگر اس سے کوئی یہ مطلب لیتا ہے کہ وہ عالم جسے شیخ الحدیث کہا گیا وہ فرقہ اہلحدیث میں شامل ہوگیا تو یہ درست نہیں ۔
آپ نے انتہائی جاہلانہ بحث کی ہے میرے بھائی جماعت اہل حدیث میں ہر کوئی محدث نہیں ہوسکتا بلکہ اس جماعت میں علماء بھی ہیں اور عامی بھی جس طرح محدث اہل حدیث تھے اسی طرح علماء اور عامی بھی اہل حدیث ہیں۔ یہ بھی یاد رکھیں کہ ہر جماعت میں ہر شخص کی علمی سطح ایک جیسی نہیں ہوتی کوئی چھوٹا عالم ہوتا ہے کوئی بڑا عالم لیکن صرف علم کے اس فرق کی وجہ سے کوئی جماعت سے خارج نہیں ہوتا اسی طرح عالم کے ساتھ عامی بھی ہوتے ہیں جو صرف اسی وقت جماعت سے خارج ہوتے ہیں جب اس جماعت کے متفقہ عقائد و اصول سے انحراف کرتے ہیں۔
آپ کی انہیں فضولیات سے بچنے کے لئے ہم نے آپ سے ایک اصولی سوال کیا تھا اگر آپ اسکا جواب دے دیتے تو آپ کو آپکے ہر اعتراض کا جواب خود مل جاتا۔ میں دوبارہ اپنا سوال نقل کر رہا ہوں اس درخواست کے ساتھ کہ چاہیں آپ ہمیں کسی بات کا جواب نہ دیں لیکن اس سوال کا جواب ہر حال میں آنا چاہیے ورنہ آگے بحث ممکن نہیں ہوگی۔
ابتدائی ادوار میں حنفی وہ لوگ کہلاتے تھے جو امام ابوحنیفہ کے شاگرد تھے پھر وہ لوگ جنھوں نے وہی اصول اختیار کئے جو امام صاحب کے تھے۔مطلب صرف اہل علم ہی حنفی ہوا کرتے تھے۔ اب احناف کے پاس وہ کون سی دلیل ہے جس سے ایک موچی، کمہار، ریڑھی والا، چھولے بیچنے والا، ڈرائیور، کنڈیکٹر بھی خود کو حنفی کہلاواتا ہے؟ کیا یہ لوگ مذہب ابوحنیفہ کے اصول سے واقف ہیں؟ یا انہوں نے ابوحنیفہ کی شاگردی اختیار کی ہے؟
![محدث فورم [Mohaddis Forum]](/styles/default/xenforo/Forum.jpg)
