بچپن کی نظمیں

[مشکٰوۃ]

سائیکل سائیکل والے بھائی
تو نے گھنٹی کیوں بجائی؟

میری گڑیا نیچے آئی
اسے لے گیا سپاہی

ہمیں دے گیا مٹھائی
ہم نے خوب مزے سے کھائی

حد ہوتی ہے "بونگیوں" کی:)

ہہہہ
"بونگی" ہے تب ہی تو ایمن کہتی ہے اسے لے گیا مٹھائی!(:

 

[مشکٰوۃ]

آمن دامن کھیتوں پار
باجی کھیلے گی شکار
چندا چاند کی بیٹی
توتا ہاتھ میں لیتی
توتا سیر کو جاتاتھا
ٹک ٹک ٹہنیاں کھاتا تھا
مالی دیکھ کے رو پڑتا تھا
آلو مٹر گوبھی پھول ڈھم!​

 

[مشکٰوۃ]

آلو میاں ! آلو میاں !
کہاں گئے تھے؟
سبزی کی ٹوکری میں
سو رہے تھے
گاجر نے لات ماری
رو رہے تھے
شلجم نےپیار کیا
ہنس رہے تھے:)

اسپائلر

ہماری اس بات پر بہت لڑائی ہوتی تھی کہ لات کس نے ماری تھی اور پیار کس نے کیا تھا یہاں تک کہ ہم پھوٹ پھوٹ کر رو پڑتے تھے گویا لات ہمیں لگی ہے اور پھر امی کی طرف سے پیار ملتا تھا اور ہماری بتائی گئی لات قبول ہو جاتی تھی (:

​

 

[Dua]

لغویات!!!
خدارا وہ بنیں جواہل اسلاف کی خواتین تھیں!!!
اتنی سی عمر میں سیدہ عائشہ رضی اللہ عنہا اگر ان لغویات میں مبتلا رہتیں تو ایک تہائی دین آج ہم تک کیسے پہنچتا!

 

[Ahmedafzaal]

بالکل صحیح فرمایا آپ نے.............

 

[مشکٰوۃ]

بلبل کا بچہ

بلبل کا بچہ
کھاتا تھا کھچڑی
پیتا تھا پانی
میرے سرہانے
گاتا تھا گانے
ایک دن اکیلا
بیٹھا ہوا تھا
میں نے اڑایا
واپس نہ آیا
بلبل کا بچہ
​

 

[مشکٰوۃ]

نیلو کا مٹھو

نیلو نے اک طوطا پالا
پیارا پیارا بھولا بھالا
چونچ تھی لال اور پنکھ ہرے تھے
قدرت نے کیا رنگ بھرے تھے
نیلو لاکھ پڑھاتی اس کو
بات نہ کرنی آتی اس کو
چپ چاپ بیٹھا اونگھتا رہتا
ہر کوئی اس کو بدھو کہتا
نیلو کو یہ حیرانی تھی
مٹھو نے کیوں چپ ہے سادھی
بلی بولے مرغا بولے
طوطا لیکن چونچ نہ کھولے
اک دن نیلو نیند سے جاگی
صحن میں آئی بھاگی بھاگی
صحن میں تھا طوطے کا پنجرا
کھانچے کے اوپر تھا مرغا
مرغا بھی بولا ککڑوں کوں
طوطا بھی بولا ککڑوں کوں​

غلام عباس​

 

[مشکٰوۃ]

بلبل کا بچہ

بلبل کا بچہ
کھاتا تھا کھچڑی
پیتا تھا پانی
میرے سرہانے
گاتا تھا گانے
ایک دن اکیلا
بیٹھا ہوا تھا
میں نے اڑایا
واپس نہ آیا
بلبل کا بچہ
​

 

[ماریہ انعام]

ایک بچے کے معصوم ذہن میں اٹھنے والے معصوم سوال۔۔۔۔کیا کوئی ان کا جواب دے سکتا ہے۔۔۔؟؟؟

یہ بات سمجھ میں آئی نہیں

یہ بات سمجھ میں آئی نہیں
اور امی نے سمجھائی نہیں
میں کیسے میٹھی بات کروں؟
جب میں نے مٹھائی کھائی نہیں
آپی بھی پکاتی ہیں حلوہ
پھر وہ بھی کیوں حلوائی نہیں
یہ بات سمجھ میں آئی نہیں​

نانی کے میاں تو "نانا" ہیں
دادی کے میاں بھی "دادا" ہیں
جب آپا سے میں نے پوچھا
"باجی" کے میاں کیا "باجا" ہیں؟
وہ ہنس ہنس کر یہ کہنے لگیں
"اے بھائی نہیں، اے بھائی نہیں!"
یہ بات سمجھ میں آئی نہیں​

جب نیا مہینہ آتا ہےتو
بجلی کا بل آ جاتا ہے
حالانکہ بادل بیچارہ
یہ بجلی مفت بناتا ہے
پھر ہم نے اپنے گھر بجلی
بادل سے کیوں لگوائی نہیں؟
یہ بات سمجھ میں آئی نہیں​

گر بلی شیر کی خالہ ہے
تو ہم نے اُسے کیوں پالا ہے؟
کیا شیر بہت نالائق ہے؟
خالہ کو مار نکالا ہے؟
یا جنگل کے راجا کے ہاں
کیا ملتی دودھ ملائی نہیں؟
یہ بات سمجھ میں آئی نہیں

کیوں لمبے بال ہیں بھالو کے؟
کیوں اس کی "ٹنڈ " کرائی نہیں؟
کیا وہ بھی "گندا بچہ" ہے؟
یا اس کے ابو، بھائی نہیں؟
یہ اس کا ہیئر اسٹائل ہے
یا جنگل میں کوئی نائی نہیں؟
یہ بات سمجھ میں آئی نہیں

جو تارے جھلمل کرتے ہیں
کیا ان کی چچی تائی نہیں؟
ہوگا کوئی رشتہ سورج سے
یہ بات ہمیں بتلائی نہیں!
یہ چندا کیسا ماما ہے؟
جب امی کا وہ بھائی نہیں!
یہ بات سمجھ میں آئی نہیں

احمد حاطب صدیقی ​

 

[مشکٰوۃ]

ایک بچے کے معصوم ذہن میں اٹھنے والے معصوم سوال۔۔۔۔کیا کوئی ان کا جواب دے سکتا ہے۔۔۔؟؟؟

جب بچے ہوتے ہیں تو ایسے سوالات کو قابلِ غور نہیں گردانا جاتا اور جب بڑے ہو جاتے ہیں تو پھر ان سوالات کی حاجت نہیں رہتی۔۔۔لیکن بعض اوقات دماغ کے گوشے میں کوئی بھولی بسری یاد رہ جاتی ہے ۔۔یہ کسی ایسی ہی کھلبلی کا نتیجہ لگتی ہے ۔۔:(
احمد حاطب صاحب کی یہ نظم واقعی بہت خوبصورت ہے۔کلامِ شاعر با زبان شاعر کا بھی بہت لطف ہے ۔چھ سات سال قبل کا پروگرام یاد آگیا ۔اسلامی یونیورسٹی کے ریڈیو چینل پر بچوں کے پروگرام میں احمد صاحب نے اپنی بہت سی نظمیں سنائی تھیں جس میں ایک یہ بھی تھی۔۔۔