بچپن کی نظمیں

[مشکٰوۃ]

اُٹھو بیٹا آنکھیں کھولو

اُٹھو بیٹا آنکھیں کھولو
بستر چھوڑو اور منہ دھو لو
اتنا سونا ٹھیک نہیں‌ ہے
وقت کا کھونا ٹھیک نہیں‌ ہے
سورج نکلا تارے بھاگے
دنیا والے سارے جاگے
پھول کھلے خوش رنگ رنگیلے
سُرخ سفید اور نیلے پیلے
تم بھی اُٹھ کر باہر جاؤ
ایسے وقت کا لُطف اُٹھاؤ​

 

[مشکٰوۃ]

شریر لڑکا

ایک تھا لڑکا بڑا شریر
نام تھا اس کا نور نذیر
اک دن اس کا جی للچایا
گاؤں سے چل کر شہر کو آیا
شہر میں آ کر اس نے دیکھا
وہاں کا پیسا ۔ گاؤں جیسا
وہاں کا کھمبا ۔ ویسا ہی لمبا
وہاں کی روٹی ویسی ہی چھوٹی
وہاں کا ڈھول ویسا ہی گول
وہاں کی بلی ویسی ہی کالی
موٹی موٹی آنکھوں والی
ویسے پودے ، ویسے پیڑ
ویسی بکری ، ویسی بھیڑ
دل میں سوچا اور پچھتایا
دوڑا دوڑا گھر کو آیا

اسپائلر

سلیبس میں موجود نظموں میں سے ایک پسندیدہ نظم:)

 

[اخت ولید]

اُٹھو بیٹا آنکھیں کھولو

اُٹھو بیٹا آنکھیں کھولو
بستر چھوڑو اور منہ دھو لو
اتنا سونا ٹھیک نہیں‌ ہے
وقت کا کھونا ٹھیک نہیں‌ ہے
سورج نکلا تارے بھاگے
دنیا والے سارے جاگے
پھول کھلے خوش رنگ رنگیلے
سُرخ سفید اور نیلے پیلے
تم بھی اُٹھ کر باہر جاؤ
ایسے وقت کا لُطف اُٹھاؤ​

اسپائلر

مجھے یہ نظم بہت پسند تھی۔میں اور حذیفہ اسے لہک لہک کر پڑھا کرتے تھے اور ایک دوسرے کوخوب خوب تنگ کیا کرتے تھے!!:)

 

[مشکٰوۃ]

راجا رانی

آؤ بچو! سنو کہانی
ایک تھا راجا
ایک تھی رانی
راجا بیٹھا بین بجائے
رانی بیٹھی گانا گائے
توتا بیٹھا چونچ ہلائے
نوکر لے کر حلوہ آیا
توتے کا بھی جی للچایا
راجا گانا گاتا جائے
نوکر شور مچاتا جائے
توتا حلوہ کھاتا جائے
​

 

[مشکٰوۃ]

ایک دو

ایک دو
میری بات سنو!

تین چار
چنے مسالے دار

پانچ چھ
تم نے کھائےتھے

سات آٹھ
قطب صاحب کی لاٹھ

نو دس
آم کا میٹھا رس​

 

[اخت ولید]

"پُگنے" کے عمل میں پڑھی جانے والی نظمیں
اونچ نیچ کا پہاڑ
سچے موتیوں کا ہار
مالی دیکھ رہا ہے
کون پہلے پُگتا ہے؟؟
۔۔۔۔۔۔۔۔۔۔۔
اِن پِن سیفٹی پِن
اِن پِن آؤٹ
کھیلنا ہے تو کھیلو
ورنہ گٹ آؤٹ!!:)
​

 

[مشکٰوۃ]

"پُگنے" کے عمل میں پڑھی جانے والی نظمیں
اونچ نیچ کا پہاڑ
سچے موتیوں کا ہار
مالی دیکھ رہا ہے
کون پہلے پُگتا ہے؟؟
۔۔۔۔۔۔۔۔۔۔۔
اِن پِن سیفٹی پِن
اِن پِن آؤٹ
کھیلنا ہے تو کھیلو
ورنہ گٹ آؤٹ!!:)
​

اسپائلر

لاسٹ والی زیادہ مزے کی ہوتی تھی گٹ آؤٹ کر کے بھی کھیلایا کرتے تھے:)
ایک اور بھی تھی

اُوں اُوں اُوں
ڈبے ویچ رُوں
پگنا سی میں
پُگ گئی توں:)​

 

[مشکٰوۃ]

میں کیا بنوں گا؟

مجھے ایک ننھا بچہ نہ سمجھو
مجھے اس قدر بھولا بھالا نہ سمجھو

مجھے کھیلنے کا ہی شیدا نہ سمجھو
سمجھتے ہو ایسا تو ایسا نہ سمجھو

میں طاقت میں رستم سے بہتر بنوں گا
بہادر بنوں گا دلاور بنوں گا

میں پڑھ لکھ کے اوروں کا رہبر بنوں گا
ارسطو بنوں گا ، سکندر بنوں گا

سبق نیکیوں کے مجھے یاد ہوں گے
بہت سے ہنر مجھ سے ایجاد ہوں گے

بہت مجھ سے خوش میرے استاد ہوں گے
عزیز اور ماں باپ سب شاد ہوں گے

سچائی سے ہرگز نہ شرماؤں گا میں
بھلائی ہر اک سے کئے جاؤں گا میں

مصیبت میں ہرگز نہ گھبراؤں گا میں
برائی کی راہوں سے کتراؤں گا میں

میری گفتگو ہو گی ساری کی ساری
بہت اچھی اچھی ، بہت پیاری پیاری

میں بولوں گا محفل میں جب اپنی باری
تو ہو گی میری بات میں پائیداری

نہ میں دل دکھانے کی باتیں کروں گا
نہ ہرگز رلانے کی باتیں کروں گا

میں بلکہ ہنسانے کی باتیں کروں گا
دلوں کو ملانے کی باتیں کروں گا

اسپائلر

نظم کے عنوان سے وہی تحریکِ پاکستان وا لاگنجا یاد آگیا ۔۔۔جب جانتے بوجھتے کسی بھی ہم سکول سے پوچھتے تھے یہ کیا لکھاہے ۔۔۔جب وہ پڑھتا " میں کیا بنوں گا" تو چند صفحے پیچھے پلٹ کر (جو پہلے ہی نکال کر مضبوطی سے تھامے ہوتے تھے) غالبا مینار ِ پاکستان یا تحریکِ پاکستان پر مشتمل سبق میں بنی تصویر جس میں ہجرت کرتے لوگ دکھائے گئے تھے ان میں ایک عدد گنجے صاحب بھی تھے اس پر انگلی رکھ دی جاتی " تم یہ بنو گے":)

 

[مشکٰوۃ]

اتفاق

آؤ مل کر کام کریں
آؤ مل کر کام کریں

دولت وہ جو سب کی دولت
عزت وہ جو سب کی عزت
مل کر پیدا نام کریں
آؤ مل کر کام کریں​

مل کر محنت کرنے والو !
محنت کا دم بھرنے والو !
محنت صبح و شام کریں
آؤ مل کر کام کریں

اسپائلر

اس کے آگے ہی بارش طوفان سے گرنے والے گھر کی کہانی جسے بعد میں سب نے مل کر بنایاتھا ۔۔ بہت خوب کمبینیشن تھا اور کافی اچھا تاثر پڑتا تھا اِس نظم کے بعد اُس کہانی کا۔۔۔۔ اور اس کے کہیں آگے ترازو والی نظم!:)

 

[مشکٰوۃ]

بلبلے

آؤ بنائیں بلبلے
مل کر اُڑائیں بلبلے
پیالی میں پانی لو ذرا
اور اس میں صابن لو ملا
پھر ایک نلکی کا سرا
اس میں ڈبو کر لو اٹھا
نلکی میں مارو پھونک اب
وہ بن گیا اِک بلبلا
یوں ہی بنائیں بلبلے
مل کر اُڑائیں بلبلے

اسپائلر

یہ نظم گاتے گاتے امی جان کا برتن دھونے والا سارا صابن ختم کر دیا کرتے تھے ۔۔اور جب گلاس میں پہلی دکان والے انکل سے مانگ کر لایا گیا سڑا ڈال کر گلاس کے اندر ہی بلبلے بناتے تھے ۔۔اور وہ وقت جب گلاس کے" بلبلے" حلق میں چلے جاتے تھے۔۔۔۔اخخخخ!