بیوی پر خاوند کے بارے میں حقوق

[Dua]

بسم اللہ الرحٰمن الرحیم
اسلام میں بیوی پر اپنے خاوند کے بارے میں درج ذیل حقوق ہیں اور یہ بیوی پر فرض ہوتا ہے کہ وہ ان کو پورا کرے جیسے مرد پر اپنی بیوی کے حقوق پورے کرنا فرض ہوتے ہیں۔
نیکی کے کام میں خاوند کی اطاعت کرنا۔
اپنے خاوند کے گھر کی حفاظت کرنا۔
اپنے خاوند کے مال ومتاع کی حفاظت کرنا۔
اپنے خاوند کی امانت کی حفاظت کرنا اور خیانت نہ کرنا۔
اپنے خاوند کے سامنے خوبصورتی اور زیب وزیبائش کا اہتمام کرنا تاکہ اس کی رغبت کسی اور طرف نہ ہو سکے۔
جب خاوند حق زوجیت کے لئے طلب کرے انکار نہ کرنا۔
اپنے خاوند سے پیار ومحبت کرنا اور اس کے ساتھ دکھ سکھ میں شریک ہونا۔
اپنے خاوند سے ناجائز مطالبات نہ کرنا۔
اپنے خاوند کی مشکلات کو سمجھنا اور اس کا ساتھ دینا۔
اپنے خاوند کے والدین کو اپنے والدین اور بہن بھائیوں کو اپنے بہن بھائیوں کی طرح سمجھنا۔
اپنے خاوند پر شک نہ کرنا۔
اپنے خاوند کو خوش رکھنا۔
اولاد کی صحیح تعلیم وتربیت کرنا۔
حضور علیہ الصلاۃ والسلام نے فرمایا وہ عورت جس کی موت اس حال میں ہو کہ اس کا خاوند اس سے راضی ہو تو وہ جنت میں داخل ہو گی۔ اسی طرح حضور علیہ الصلاۃ والسلام نے فرمایا اگر میں کسی کو سجدہ کرنے کا حکم دیتا تو عورت کو حکم دیتا کہ وہ اپنے خاوند کو سجدہ کرے۔ پھر فرمایا وہ عورت جس نے پانچ وقت نماز ادا کی، رمضان کے روزے رکھے، اپنی شرمگاہ کی حفاظت کی، اپنے شوہر کی اطاعت کی قیامت کے دن اس سے کہا جائے گا کہ جس دروازے سے تو چاہے جنت میں داخل ہو جا۔
(الترمذی)
واللہ اعلم بالصواب

 

[lovelyalltime]

جزاک اللہ خیر

 

[یوسف ثانی]

جزاک اللہ

 

[محمد ارسلان]

سبحان اللہ! اگر عورت ان فرامین نبوی صلی اللہ علیہ وسلم پر عمل کرے تو کس قدر خوشگوار ماحول بن جائے، اور میاں بیوی میں محبت ہو، لیکن آج کل کی عورتیں شوہر کو اپنے نیچے لگا کر رکھنے کا سوچتی ہیں، شوہر کو غلام بنانا چاہتی ہیں تاکہ شوہر ان کی ہر غلط صحیح بات کو مانتا رہے۔ اللہ ہدایت عطا فرمائے آمین

 

[محمد وقاص گل]

جزاک اللہ خیرا۔۔
بہت خوب
کوشش کیا کریں کہ پوسٹ میں جو بھی حدیث لکھیں اسکو با حوالہ لکھیں۔۔۔

 

[کنعان]

السلام علیکم

لیکن آج کل کی عورتیں شوہر کو اپنے نیچے لگا کر رکھنے کا سوچتی ہیں، شوہر کو غلام بنانا چاہتی ہیں تاکہ شوہر ان کی ہر غلط صحیح بات کو مانتا رہے۔

مثلاً، کسی ایک اوریجنل مثال سے ثابت کریں کیسے؟

والسلام

 

[نسرین فاطمہ]

سبحان اللہ
نیک والدین جب اپنی بیٹیوں کی اچھی تربیت کرتے ہیں تو ایسی بیٹیاں پورے سسرال سمیت شوہر کی بھی آنکھ کا تارا ہوتی ہیں ۔اور جب شوہر خوش ہو تو جنت کاحصول بھی اللہ آسان کر دیتا ہے۔

 

[محمد وقاص گل]

سبحان اللہ
نیک والدین جب اپنی بیٹیوں کی اچھی تربیت کرتے ہیں تو ایسی بیٹیاں پورے سسرال سمیت شوہر کی بھی آنکھ کا تارا ہوتی ہیں ۔اور جب شوہر خوش ہو تو جنت کاحصول بھی اللہ آسان کر دیتا ہے۔

بالکل بجا فرمایا آپ نے ۔۔۔۔
اصل میں اگر مسائل پر بات کی جائے تو وہ دونوں طرف سے ہوتے ہیں ۔
بعض دفعہ ایسا بھی ہوتا ہے بلکہ بہت ذیادہ ہوتا ہے کہ عورت نیک ہوتی ہے لیکن اسکو سسرال سے ایسے مسائل کا سامنا کرنا کرنا پڑتا ہے جس سے اس کی زندگی عذاب بن جاتی ہے۔۔۔
تو اس لئے میاں بیوی دونوں کو چاہیے کہ وہ اپنی زندگی ایک دوسرے کو سمجھ کر قران و سنت کی روشنی میں گزاریں ۔۔۔۔۔

 

[محمد ارسلان]

السلام علیکم

مثلاً، کسی ایک اوریجنل مثال سے ثابت کریں کیسے؟

والسلام

کنعان بھائی ! افسوس کی بات ہے کہ میں مثال بھی نہیں دے سکتا، کیونکہ یہاں ایک واقعے کی مثال دینا میرے لیے مشکل ہے۔ بقول شاعر

اظہار بھی مشکل ہے کچھ کہہ بھی نہیں سکتے​

مجبور ہیں یا اللہ ، چپ رہ بھی نہیں سکتے​

لیکن عمومی طور پر آپ کو پاکستان میں ایسی کئی مثالیں مل جائیں گی کہ عورتیں اپنی ہر غلط صحیح بات اپنے شوہروں سے منوانا چاہتی ہیں، یہ بات پوری ذمہ داری سے کہی ہیں میں نے، ایسے ہی نہیں۔

لیکن افسوس اس بات پر جو رویہ آپ نے ذاتی پیغام پر میرے ساتھ اختیار کیا ہے، اس کا جواب آپ کو قیامت کے دن دینا ہو گا۔ ان شاءاللہ

یہ میری اس تھریڈ میں آخری پوسٹ ہے۔۔۔ اب میں دوسرا کوئی کمنٹ نہیں دوں گا۔۔۔ ان شاءاللہ

 

[محمد نعیم یونس]

بسم اللہ الرحٰمن الرحیم
اسلام میں بیوی پر اپنے خاوند کے بارے میں درج ذیل حقوق ہیں اور یہ بیوی پر فرض ہوتا ہے کہ وہ ان کو پورا کرے جیسے مرد پر اپنی بیوی کے حقوق پورے کرنا فرض ہوتے ہیں۔

بہتر ہوتا کہ مرد پر عورت کے حقوق وذمہ داریاں بھی ساتھ ہی بیان ہوجاتے تاکہ مضمون میں توازن پیدا ہوجاتا۔
جزاک اللہ خیرا۔