تدریس سبق نمبر 2 (گرائمر ابتدائیہ 2)

[Dua]

دوسرا میرا سوال تھا کہ فعل لازم کا مفعول کیوں نہیں لایا جا سکتا تو اسکا جواب اوپر محترم شاکر بھائی نے بالکل صحیح دیا ہوا ہے البتہ باقی ساتھیوں کے لئے میں تھوڑی سی مزید وضاحت کر دیتا ہوں
یہ ہم جانتے ہیں کہ فعل کو انجام دینے والے کو فاعل کہتے ہیں اور جس کے اوپر وہ فعل انجام دیا جا رہا ہو وہ مفعول کہلاتا ہے

1-اب کچھ افعال ایسے ہوتے ہیں کہ انکا فاعل وہ فعل اپنے اوپر بھی کر سکتا ہے اور غیرکے اوپر بھی کر سکتا ہے مثلا مارنا
اب مارنے والا یہ کام اپنے اوپر بھی سر انجام دے سکتا ہے اور کسی دوسرے پر بھی یہ کام کر سکتا ہے

2-کچھ افعال ایسے ہوتے ہیں کہ جنکا فاعل وہ فعل اپنے اوپر نہیں کر سکتا بلکہ صرف غیر کے اوپر کر سکتا ہے مثلا پڑھنا
اب پڑھنے والا یہ کام اپنے اوپر نہیں کر سکتا غیر کے اوپر کر سکتا ہے

3-کچھ افعال ایسے ہوتے ہیں کہ جنکا فاعل وہ کام صرف اپنے اوپر کر سکتا ہے غیر کے اوپر نہیں کر سکتا مثلا بیٹھنا، جانا وغیرہ
اب بیٹھنے والا کام اپنے اوپر کیا جا سکتا ہے غیر پر نہیں کیا جا سکتا

اب یاد رکھیں کہ آخری قسم جہاں فاعل وہ کام اپنے اوپر ہی کر سکتا ہے تو اسکو فعل لازم کہتے ہیں اور یہاں مفعول نہیں لایا جاتا
مگر یہاں مفعول کا لانا صرف اس لئے منع نہیں کیا گیا کہ فاعل اور مفعول ایک ہی ہیں بلکہ وجہ اور ہے کیونکہ فاعل اور مفعول تو پہلی قسم میں بھی ایک ہو سکتے ہیں یہ اور وجہ کیا ہے اس پر غور کریں اور جواب دیں آج آخری دن ہے پھر آگے محترم عمیر بھائی اور شاید نذیر بھائی کے سوالوں کے جواب بھی رہتے ہیں

السلام علیکم ورحمتہ اللہ ۔
دیر سے کلاس میں آنے کے لیے معذرت استاد محترم!
مجھے بھی سبق سمجھ آیا ہے، اور اس سوال کا جواب یہی ہے شاید کہ آخری قسم کے میں احتمال موجود نہیں ، جیسے بیٹھنا ، جانا
جبکہ پہلی قسم میں فاعل اپنے اور غیر دونوں کے لیے کر سکتا ہے جیسے مارنا ، اس لیے وہ فعل لازم نہیں ہو سکتا۔
اگر درست نہیں تو ضرور سمجھا دیں

 

[شاکر]

اب یاد رکھیں کہ آخری قسم جہاں فاعل وہ کام اپنے اوپر ہی کر سکتا ہے تو اسکو فعل لازم کہتے ہیں اور یہاں مفعول نہیں لایا جاتا
مگر یہاں مفعول کا لانا صرف اس لئے منع نہیں کیا گیا کہ فاعل اور مفعول ایک ہی ہیں بلکہ وجہ اور ہے کیونکہ فاعل اور مفعول تو پہلی قسم میں بھی ایک ہو سکتے ہیں یہ اور وجہ کیا ہے اس پر غور کریں اور جواب دیں آج آخری دن ہے پھر آگے محترم عمیر بھائی اور شاید نذیر بھائی کے سوالوں کے جواب بھی رہتے ہیں

بھئی۔ مجھے تو بہت غور کر کے بھی کچھ خاص سمجھ نہیں آیا۔ فعل لازم میں مفعول نہیں لایا جا سکتا۔ یہ طے ہے۔ مفعول کیوں نہیں لایا جا سکتا یہ بھی آپ نے اوپر واضح کر دیا کہ ایسے افعال جو خود پر ہی انجام دئے جا سکتے ہوں، ان میں ایک طرح سے فاعل ہی مفعول ہوتا ہے۔ اب یہ "اور وجہ" کیا ہو سکتی ہے مفعول نہ لا سکنے کی۔

شاید یہ کہ ایسے افعال دراصل فاعل کی کسی حالت کو بیان کر رہے ہیں۔ مثلا چلنا، جانا ، سوچنا، بیٹھنا،۔۔۔ لہٰذا مفعول نہیں لایا جاتا بلکہ نہیں لایا جا سکتا۔

اب میرے خیال میں آپ ہی رہنمائی فرما دیں، کیونکہ وقت بھی کم رہ گیا ہے اور مقابلہ پہلے ہی کافی سخت ہو چکا ہے۔۔!

 

[شاہد نذیر]

کیونکہ وقت بھی کم رہ گیا ہے اور مقابلہ پہلے ہی کافی سخت ہو چکا ہے۔۔!

ویسے مقابلہ کس سے ہے آپ کا؟
آپکا ہم بھولے بھالے نووارد اسٹوڈنٹس سے جنہوں نے پہلی مرتبہ عربی کی وادی میں قدم رکھا ہے کوئی مقابلہ نہیں کیونکہ آپکو پہلے سے ہی بہت کچھ آتا ہے، آپ اس میدان کے نئے کھلاڑی نہیں ہو۔

 

[میرب فاطمہ]

آگئی سمجھ ۔۔۔الحمد للہ

 

[عبدہ]

بھئی۔ مجھے تو بہت غور کر کے بھی کچھ خاص سمجھ نہیں آیا۔ فعل لازم میں مفعول نہیں لایا جا سکتا۔ یہ طے ہے۔ مفعول کیوں نہیں لایا جا سکتا یہ بھی آپ نے اوپر واضح کر دیا کہ ایسے افعال جو خود پر ہی انجام دئے جا سکتے ہوں، ان میں ایک طرح سے فاعل ہی مفعول ہوتا ہے۔ اب یہ "اور وجہ" کیا ہو سکتی ہے مفعول نہ لا سکنے کی۔

شاید یہ کہ ایسے افعال دراصل فاعل کی کسی حالت کو بیان کر رہے ہیں۔ مثلا چلنا، جانا ، سوچنا، بیٹھنا،۔۔۔ لہٰذا مفعول نہیں لایا جاتا بلکہ نہیں لایا جا سکتا۔

اب میرے خیال میں آپ ہی رہنمائی فرما دیں، کیونکہ وقت بھی کم رہ گیا ہے اور مقابلہ پہلے ہی کافی سخت ہو چکا ہے۔۔!

جزاک اللہ محترم بھائی دراصل میں چاہتا ہوں کہ ساتھ ساتھ تمام ساتھی بھی زہن پر زور ڈالتے ہوئے سبق میں حصہ لیتے رہیں اور دلچسپی برقرار رہے اس لئے سوال پوچھتا ہوں
اوپر ہائیلائٹ کیے گئے الفاظ میں میں نے یہ کہا تھا کہ فعل لازم کا فعل اپنے فاعل کے اوپر ہی واقع ہوتا ہے پس پس یہاں فاعل ہی مفعول ہوتا ہے
لیکن میں نے یہ بھی کہا کہ فاعل اور مفعول تو پہلی قسم میں بھی ایک ہو سکتے ہیں
مثلا میں نے خود کو مارا
یہ اگرچہ فعل متعدی ہے مگر یہاں فاعل اور مفعول ایک ہیں اور یہاں مفعول کو لایا گیا ہے مگر فعل لازم میں آپ ایسا نہیں کرتے
اصل بات یہ ہے کہ جیسے اوپر @دعا بہن نے کہا ہے کہ فعل لازم میں ہمیشہ مفعول فاعل ایک ہوں گے مگر متعدی کی جو پہلی قسم میں نے اوپر بتائی ہے اس میں احتمال زیادہ ہو سکتے ہیں کہ فاعل مفعول ایک ہوں یا مختلف دونوں طرح ممکن ہے
پس پہلی قسم میں کیونکہ مفعول فاعل سے ہٹ کر بھی ہو سکتا ہے تو وہاں مفعول کو لانا لازمی ہے تاکہ احتمال ختم ہو سکے البتہ فعل لازم والی تیسری قسم میں چونکہ مفعول فاعل سے ہٹ کر نہیں ہو سکتا تو کوئی اور احتما نہ ہونے کی وجہ سے اگر ہم مفعول نہ بھی لائیں تو مخاطب کا ذہن اشکالات کا شکار نہیں ہو سکتا کہ پتا نہیں مفعول فاعل خود ہے یا کوئی اور-
یہاں یہ بھی یاد رکھ لیں کہ ہر زبان کی گرائمر میں ایک عمومی واعدہ ہوتا ہے کہ جتنے کم سے کم الفاظ میں بات مخاطب پر واضح کی جا سکتی ہے اس سے زیادہ الفاظ لانا درست نہیں ہوتا
پس فعل لازم میں جب مفعول لائے بغیر ہی مخاطب پر مفعول کو واضح کیا جا سکتا ہے جو پہلی قسم میں احتمال کی وجہ سے نہیں کیا جا سکا تھا تو لازم میں مفعول لانا اوپر قاعدہ کے مطابق منع ہو جائے گا

اس قاعدہ کو سمجھانے کے لئے آپ کو انگلش کی ایک مثال سے سمجھاتا ہوں کہ عام طور پر انگلش میں پہلے فاعل پھر فعل اور پھر مفعول آتا ہے مگر Imperative (حکمیہ) جملہ میں چونکہ فاعل صرف You کی ضمیر ہو سکتی ہے اور کوئی ضمیر بھی نہیں ہو سکتی اور اسم ظاہر بھی نہیں ہوتا اور انگلش میں You واحد اور جمع اور مذکر اور مونث میں ایک جیسا استعمال ہوتا ہے پس اسکو اگر حذف بھی کر دیں تو مخاطب کو کنفیوزن نہیں ہو گی پس Imperative جملہ میں فاعل کو نہیں لاتے بلکہ فعل سے ہی جملہ شروع کر دیتے ہیں
Sit down
Drink water
پس یہ اسی عمومی واعدہ کے تحت ہے اور اسی کے تحت فعل لازم میں مفعول بھی نہیں لاتے
مزید اشکال ہو تو پوچھ سکتے ہیں جزاک اللہ خیرا
کچھ مصروفیت کی وجہ سے اور کچھ لیپ ٹاپ کی خرابی کے ساتھ واپڈا کی خرابی کی وجہ سے دیر ہو رہی ہے معذرت

 

[محمد صالح]

سبق اچھی طرح سمجھ آگیا ہے ۔الحمد للہ

 

[رضا میاں]

آگئی سمجھ ۔۔۔الحمد للہ

متفق

 

[ندیم محمدی]

سبق اچھی طرح سمجھ آگیا ہے ۔الحمد للہ

متفق

 

[نسرین فاطمہ]

کچھ مصروفیت کی وجہ سے اور کچھ لیپ ٹاپ کی خرابی کے ساتھ واپڈا کی خرابی کی وجہ سے دیر ہو رہی ہے معذرت

اللہ معا ملات میں آسانی فرمائے ۔جزاک اللہ خیرا
انگلش کی مثال کے ساتھ سبق اچھی طرح سمجھ آجاتا ہے ۔

 

[عبدہ]

تمام ساتھیوں کا شکریہ بھی اور انتہائی معذرت بھی کیونکہ میں دو دن بہت مصروف رہا ہوں پس اگلا سبق تیار نہیں کر سکا آج ان شاءاللہ کوشش کر کے پوسٹ کر دیتا ہوں
ابھی ہم ابتدائیہ کی بجائے علم الصرف کے اسباق شروع کریں گے اور بعد میں کچھ اصطلاحات ضرورت پر ابتدائیہ میں پوسٹ کی جائیں گی جزاکم اللہ خیرا