تدریس سبق نمبر 4 (علم الصرف 2)

[ولید]

ماشاءاللہ محترم بھائی اچھی کوشش ہے ایک تو یہاں مجھ سے بھی زبر زیر کو واضح کرنا تھوڑا مسئلہ ہو رہا ہے اور جزم تو لگائی ہی نہیں جا رہی آپ کوشش کریں کہ صیغوں کو تھوڑا بڑا کر کے لکھیں تاکہ سمجھ آ جائے
اسی وجہ سے شاید آپ نے اوپر مجہول کے ایک قاعدے کو ظاہر ہی نہیں کیا کہ اسکے آخر سے پہلے فتحہ آتی ہے یعنی یُضرَبُ یُضرَبانِ یُضرَبُونَ------

وہ دراصل مجھ سے عربی میں لکھا نہیں جاتا بڑی مشکل سے ڈھونڈ کر یہ حرکات بھی لگائیں

 

[میرب فاطمہ]

جی سمجھ آگئی ھے۔۔۔

 

[عبیداللہ]

سمجھ تو آگیا ہے مگر عربی کی بورڈ سے لکھنا مشکل ہے ۔

 

[میرب فاطمہ]

نفی تاکید بلن معروف،،،،،،،،،،،
لَنْ یَضْرِبَ صیغہ واحد مذکر غائب
لَنْ یَضْرِبَاصیغہ تثنیہ مذکر غائب
لَنْ یَضْرِبُوْاصیغہ جمع مذکر غائب
لَنْ تَضْرِبَ صیغہ واحد مؤنث غائب
لَنْ تَضْرِبَا صیغہ تثنیہ مؤنث غائب
لَنْ یَضْرِبْنَ صیغہ جمع مؤنث غائب
لَنْ تَضْرِبَ صیغہ واحد مذکر حاضر
لَنْ تَضْرِبَاصیغہ تثنیہ مذکر حاضر
لَنْ تَضْرِبُوْا صیغہ جمع مذکر حاضر
لَنْ تَضْرِبِیْ صیغہ واحد مؤنث حاضر
لَنْ تَضْرِبَاصیغہ تثنیہ مؤنث حاضر
لَنْ تَضْرِبْنَ صیغہ جمع مؤنث حاضر
لَنْ اَضْر بَ صیغہ واحد متکلم
لَنْ نَضْرِبَ صیغہ جمع متکلم

 

[شاکر]

بھئی اس دفعہ کا سبق بہت مشکل ہے۔۔۔آدھی سے زیادہ کلاس خالی ہو گئی ہے، ایسا لگتا ہے۔
پتہ نہیں یہ بات یہاں کہنی چاہئے یا کہیں اور۔ لیکن جیسے انگریزی میں ہم ایک ایک ٹینس کو کئی کئی دن پڑھتے تھے۔ اور خوب مشق سے وہ رٹ جاتا تھا۔
یہاں سارے کے سارے ٹینس دو کلاسز میں ختم ۔۔۔؟ یہ تھوڑی نہ سمجھ آنے والی بات ہے۔

 

[محمد صالح]

نفی تاکید بلن فعل مضارع مجہول
مذکرغائب:( لَنْ یُضْرَبَ لَنْ یُضْرَبَا لَنْ یُضْرَبُوْ) موئنث غائب:( لَنْ تُضْرَبَ لَنْ تُضْرَبَا لَنْ یُضْرَبْنَ)
مذکر حاضر:(لَنْ تُضْرَبَ لَنْ تُضْرَبَا لَنْ تُضْرَبُوْا) موئنث حاضر : ( لَنْ تُضْرَبِیْ لَنْ تُضْرَبَا لَنْ تُضْرَبْنَ)
متکلم : لَنْ اُضْرَبَ لَنْ نُضْرَبَ

 

[عبدہ]

بھئی اس دفعہ کا سبق بہت مشکل ہے۔۔۔آدھی سے زیادہ کلاس خالی ہو گئی ہے، ایسا لگتا ہے۔

پتہ نہیں یہ بات یہاں کہنی چاہئے یا کہیں اور۔ لیکن جیسے انگریزی میں ہم ایک ایک ٹینس کو کئی کئی دن پڑھتے تھے۔ اور خوب مشق سے وہ رٹ جاتا تھا۔
یہاں سارے کے سارے ٹینس دو کلاسز میں ختم ۔۔۔؟ یہ تھوڑی نہ سمجھ آنے والی بات ہے۔

جی محترم بھائی آپ ساتھی ہی بہتر بتا سکتے ہیں کہ کون سا طریقہ درست ہو گا کیونکہ یہاں مختلف لیول کے اسٹوڈنٹس ہیں میں سب کو دیکھ کر چلتا ہوں

جہاں تک صرف کے صیغوں کا معاملہ ہے تو اصل میں صرف میں زیادہ تر رٹا ہی لگایا جاتا ہے لیکن وہ اسٹوڈنٹ نے لگانا ہے میں نے تو سمجھانا ہے یا کم از کم صیغے آپ کے سامنے لکھنے ہیں پس اوپر میں نے سمجھانے کی کوشش کی ہے اور آپ لوگوں میں سے جو مبتدی نہیں ہیں انکو کو کہا ہے کہ اوپر سمجھ کے مطابق صیغے ترتیب سے لکھیں تاکہ مبتدی انکو دیکھ کر پریکٹس کریں میرے ساتھ تو یہ معاملہ ہے کہ کوئی بھی سبق ہو پہلے اسکو لاجک سے سمجھنے کی کوشش کرتا ہوں پھر جس کی سمجھ نہ آئے اسکو رٹا لگانا مجبوری ہوتا ہے

اسکا حل
پہلے بھی میرا ارادہ یہ تھا کہ کچھ بنیادی صرف کے صیغے یہاں بتا کر نحو شروع کر دوں گا جس میں چند چیزوں کے علاوہ رٹا نہیں لگایا جاتا بلکہ سمجھا جاتا ہے اور اس دوران صرف کے صیغوں کی پریکٹس اسی دھاگہ میں کرتے رہیں گے جس سے مبتدی کی اچھی خاصی پریکٹس ہو جائے گی تو ساتھ آگئے صرف کی پڑھائی بعد میں شروع کر دیں گے
پس اگلا سبق میں نحو کا پوسٹ کروں گا اور آپ میں سے جو مبتدی ہیں یعنی صرف کے اوپر والے صیغوں کی سمجھ نہیں آئی یا رٹا نہیں لگا سکے تو وہ یہاں بھی موجود رہیں اور نئے سبق کو بھی پڑھتے رہیں
یہاں میں مثالیں وغیرہ بھی لکھوں گا اور انکے صیغے تیار کرواؤں گا باقی بھائی نئے سبق میں جا کر آگے پڑھ سکتے ہیں

 

[رضا میاں]

جی سمجھ آ گئی ہے۔
یہ بات شاید اس سبق سے متعلق نہ ہو لیکن میں نے ایک بات نوٹس کی ہے کہ عربی لکھنے والے اپنی لکھائی میں ضمیر یا پروناؤن کا استعمال بہت کرتے ہیں، اور اسی سے یہ بہت پریشانی ہوتی ہے کہ فلان جگہ پر یہ ضمیر کس اسم کی طرف اشارہ کر رہی۔

 

[عبدہ]

یہ بات شاید اس سبق سے متعلق نہ ہو لیکن میں نے ایک بات نوٹس کی ہے کہ عربی لکھنے والے اپنی لکھائی میں ضمیر یا پروناؤن کا استعمال بہت کرتے ہیں، اور اسی سے یہ بہت پریشانی ہوتی ہے کہ فلان جگہ پر یہ ضمیر کس اسم کی طرف اشارہ کر رہی۔

محترم بھائی اگرچہ یہ بات واقعی اس سبق کی نہیں مگر درست ترجمہ کرتے ہوئے یہ بہت اہم بات ہے وہ یاد رکھ لیں کہ ہم ترجمہ کرتے ہوئے گرائمر اور لغت سے جتنی مدد لے سکتے ہیں وہ تو ہم پڑھ لیتے ہیں مگر کچھ چیزیں ایسی ہوتی ہیں کہ جن کے لئے گرائمر کی مدد بی فائدہ مند نہیں رہتی اور جس میں لوگ غلطی کرتے ہیں یا ترجمہ میں کافی مشکل ہوتی ہے میں نے عربی عبارت پڑھاتے ہوئے استوڈنٹس میں ان چیزوں کی غلطیاں کافی محسوس کی ہے
وہ یہ کہ گرائمر کے ہی اصولوں کے مطابق کبھی عبارتوں میں ایک سے زیادہ چیزوں کا احتمال پایا جاتا ہے جسکو ہم صرف کامن سینس اور سیاق و سباق اور شریعت کے تجربے وغیرہ سے متعین کرتے ہیں پس جن کا کامن سینس یا مطلالعہ کم ہوتا ہے ان سے غلطی ہو جاتی ہے
ان میں ایک ضمیر کا مرجع بھی ہے جو آپ نے بتایا ہے اسی طرح عطف کے مختلف احتمالات اور جار مجرور اور ظرف وغیرہ کے متعلق ہونے کے مختلف احتمالات وغیرہ پس آپ گرائمر کو درست استعمال کرتے ہوئے مختلف ترجمے حاصل کر سکتے ہیں مگر درست ترجمہ آپ کی قابلیت پر منحصر ہو گا واللہ اعلم

 

[اشماریہ]

استاد محترم
مجھے بھی یہ سمجھ میں آگیا ہے۔
ویسے یہ واقعی وہ جگہ ہے جہاں جا کر اکثر اسٹوڈینٹس کی ہمت ٹوٹنے لگتی ہے۔ اور ابھی تو یاد کرنے کے لیے اور ابواب بھی آنے ہیں۔