تصویر سے بھی نظر لگ سکتی ہے

[مقبول احمد سلفی]

نظر حق ہے ، اللہ تعالی کا فرمان ہے:

وَإِنْ يَكَادُ الّذِينَ كَفَرُوا لَيُزْلِقُونَكَ بِأَبْصَارِهِمْ لَمّا سَمِعُوا الذّكْرَ) (القلم : 51))

اور بالکل قریب تھا کہ کافر آپ کو اُن کی نظروں کے ساتھ پِھسلا دیں ، جب انہوں نے (یہ)ذِکر(قران کریم)سُنا۔

اور نبی ﷺ کا فرمان ہے:

"الْعَيْنُ حَقٌّ وَلَوْ كَانَ شَىْءٌ سَابَقَ الْقَدَرَ سَبَقَتْهُ الْعَيْنُ وَإِذَا اسْتُغْسِلْتُمْ فَاغْسِلُوا"(صحیح مُسلم حدیث 5831کتاب السلام)

اور نظر بد (لگنا)حق ہے ، اور اگر تقدیر پر کوئی حاوی ہو سکتا ہوتا تو یقیناً نظربد حاوی ہو جاتی ،اور اگر تُم لوگوں کو (خُود کو)غسل دینے کا کہا جائے تو غسل دو ۔

نصوص سے پتہ چلتا ہے کہ نظر کسی کو بھی لگ سکتی ہے ، مذکورہ آیت میں نبی پر نظر کے اثر کا امکان ظاہر کیا گیا ہے ۔

نظر کا اثر محض دیکھنے پر ہی منحصر نہیں ہے بلکہ مجرد وصف ، حکایت اور خیال سے بھی ممکن ہے ۔

ابن القیم ؒ نے کہا ہے : نظر کا اثر صرف دیکھنے پر موقوف نہیں بلکہ بسا اوقات کسی اندھے آدمی سے کسی شی کا وصف بیان کیا جائے تو آدمی متاثر ہوسکتا ہے گرچہ اس کو نہیں دیکھا ہو۔ اور اکثر نظر بغیر رویت کے وصف سے ہی لگ جاتی ہے ۔ (زاد المعاد 4/153)

اس سے صاف ظاہر ہوتا ہے کہ آدمی کا محض تصویر دیکھنے ، یا موصوف کا وصف سننے سے بھی نظر لگ سکتی ہے ۔


اسلام میں نظر بد کا علاج بھی بتلایا گیا ہے ۔

اللہ تعالی سے دعا ہے کہ ہمیں نظر بد سے بچائے ۔ آمین

 

[Dua]

محترم ! اگر کوئی تصویر دیکھ کر ماشاء اللہ کہنا بھول جائے یا نہ کہے ، اور اس شخص کو نظر لگ جائے ، تو کیا ماشاء اللہ نہ کہنے والے کو قیامت کے روز اس بات کا حساب ہو گا ؟؟

 

[lovelyalltime]

محترم ! اگر کوئی تصویر دیکھ کر ماشاء اللہ کہنا بھول جائے یا نہ کہے ، اور اس شخص کو نظر لگ جائے ، تو کیا ماشاء اللہ نہ کہنے والے کو قیامت کے روز اس بات کا حساب ہو گا ؟؟

@مقبول احمد سلفی بھائی اس بات کا جواب درکار ہے - قرآن اور صحیح احادیث کی روشنی میں

 

[lovelyalltime]

ابن القیم ؒ نے کہا ہے : نظر کا اثر صرف دیکھنے پر موقوف نہیں بلکہ بسا اوقات کسی اندھے آدمی سے کسی شی کا وصف بیان کیا جائے تو آدمی متاثر ہوسکتا ہے گرچہ اس کو نہیں دیکھا ہو۔ اور اکثر نظر بغیر رویت کے وصف سے ہی لگ جاتی ہے ۔ (زاد المعاد 4/153)

اس سے صاف ظاہر ہوتا ہے کہ آدمی کا محض تصویر دیکھنے ، یا موصوف کا وصف سننے سے بھی نظر لگ سکتی ہے ۔

امام ابن قیم رحم الله کی اس بات کی دلیل کیا ہے -

 

[مقبول احمد سلفی]

محترم ! اگر کوئی تصویر دیکھ کر ماشاء اللہ کہنا بھول جائے یا نہ کہے ، اور اس شخص کو نظر لگ جائے ، تو کیا ماشاء اللہ نہ کہنے والے کو قیامت کے روز اس بات کا حساب ہو گا ؟؟

ایک ایسا شخص جو کسی کی تصویر دیکھتے ہوئے ماشاء اللہ نہیں کہنے کی وجہ سے کسی کو نظر لگ گئی تو یہ اس بات پہ دلالت کرتی ہے کہ تصویر دیکھنے والا حاسد ہے کیونکہ نظر حسد کے سبب ہے اور حاسد گنہگار ہے ۔

لہذا حاسد کو توبہ کرنا چاہئے ورنہ قیامت کے روز اس بات کا حساب ہوگا۔

ایک وہ آدمی جو حاسد نہیں ہے اس نے بھولے سے یا ویسے ہی کسی کی تصویرکو دیکھتے ہوئے ماشاء اللہ نہیں کہا تو اس میں کوئی حرج نہیں ، مگر وہ شخص جسے معلوم ہے کہ اس کی نظر لگتی پھر بھی جان بوجھ کر ماشاء اللہ نہیں کہا اور نظر لگ گئی تو پھر وہ گنہگار ہے ۔

 

[lovelyalltime]

ایک ایسا شخص جو کسی کی تصویر دیکھتے ہوئے ماشاء اللہ نہیں کہنے کی وجہ سے کسی کو نظر لگ گئی تو یہ اس بات پہ دلالت کرتی ہے کہ تصویر دیکھنے والا حاسد ہے کیونکہ نظر حسد کے سبب ہے اور حاسد گنہگار ہے ۔

اس کی دلیل کیا ہے

 

[Dua]

الحمد للہ۔میں تو کہہ دیتی ہوں ، لیکن بعض اوقات پاکستا ن کے لوگ "ماشاء اللہ ، لا قوۃ الا باللہ سن کر ناگواری کا اظہار کرتے ہیں، حالانکہ درحقیقت اس کا فائدہ دوسروں کو ہی ہوتا ہے۔ ایسے بدلتے ہوئے تاثرات سے بہت افسوس ہوتا ہے۔کیا وہ بھی کسی مواخذہ میں ہوں گے ؟

 

[محمد نعیم یونس]

السلام علیکم ورحمۃ اللہ وبرکاتہ!
ایک غیر شرعی چیز (انسانی تصویر) کو دیکھ کر کم ازکم میرے لیے ماشاء اللہ کہنا ممکن نہیں۔البتہ اس برائی کو دیکھ کرانا للہ وانا الیہ راجعون یا لاحول ولا قوۃ الا باللہ ضرور پڑھ سکتا ہوں ۔

 

[Dua]

السلام علیکم ورحمۃ اللہ وبرکاتہ!
ایک غیر شرعی چیز (انسانی تصویر) کو دیکھ کر کم ازکم میرے لیے ماشاء اللہ کہنا ممکن نہیں۔البتہ اس برائی کو دیکھ کرانا للہ وانا الیہ راجعون یا لاحول ولا قوۃ الا باللہ ضرور پڑھ سکتا ہوں ۔

وعلیکم السلام ورحمتہ اللہ !۔۔۔۔ آپ کی سوچ درست ہے مگر بھائی تصویر کے علاوہ بہت سی جگہوں پر ماشاء اللہ کہنا چاہیئے۔

 

[محمد نعیم یونس]

وعلیکم السلام ورحمتہ اللہ !۔۔۔۔ آپ کی سوچ درست ہے مگر بھائی تصویر کے علاوہ بہت سی جگہوں پر ماشاء اللہ کہنا چاہیئے۔

میرا تبصرہ بمطابق عنوان ہے