تصویر سے بھی نظر لگ سکتی ہے

[مقبول احمد سلفی]

حقیقتا تصویر بنانا جائز نہیں تو اسے دیکھنا کیسے جائز ہوسکتا ہے ۔ مگر بہت ساری جگہوں پہ تصویر لگائے بغیر کام نہیں چلتا ، اسی طرح بہت سارے لوگوں کو ان تصویروں کو غور سے دیکھنا بھی پڑتا ہے جیسےلاسنس چیکر، پاسپورٹ چیک ، ووٹر چیکر وغیرہ اسی طرح ٹیلی ویزن دیکھتے ہوئے تصویر پر نظر پڑتی ہے ۔

اور ہمیں حکم دیا گیا ہے جب بھی کوئی چیز اچھی لگی تو اس پر رضامندی کا اظہار کرنا چاہئے اور برکت کی دعا کرنی چاہئے ۔ جیساکہ فرمان نبوی ﷺ ہے :

"عَلاَمَ يَقْتُلُ أَحَدُكُمْ أَخَاهُ إِذَا رَأَى أَحَدُكُمْ مِنْ أَخِيهِ مَا يُعْجِبُهُ فَلْيَدْعُ لَهُ بِالْبَرَكَةِ"

کس بات پر تُم میں سے کوئی اپنے کسی (مُسلمان)بھائی کو قتل کرتا ہے ، (یاد رکھو کہ) اگر تُم میں سے کوئی اپنے (کسی مُسلمان) بھائی میں کچھ ایسا دیکھے جو اُسے پسند آئے تو(دیکھنے والا)اپنے اُس بھائی کے لیے برکت کی دُعا کرے.(سنن ابن ماجہ ح 3638) علامہ البانی ؒ نے اسے صحیح قرار دیا ہے ۔

جب اس بات کا امکان ہے کہ تصویر سےنظر بد لگ سکتی ہے اور نظر بد سے بچنے کا طریقہ یہ ہے کہ برکت کی دعا کی جائے تو میرے خیال سے تصویر دیکھتے ہوئے ماشاء اللہ کے الفاظ کہنے میں کوئی حرج نہیں بلکہ کہنا چاہئے ۔

اہل علم نے مذکورہ بالا حدیث کی روشنی میں ماشاء اللہ کہنا واجب قرار دیا ہے کیونکہ یہ حدیث وجوب پر دلالت کرتی ہے ۔

 

[خضر حیات]

میرے خیال میں یہاں معاملہ ’’ نیت ‘‘ کا ہے ۔
اگر صاحب تصویر کی خوبصورتی ذہن میں آئے تو ’’ ماشاءاللہ ‘‘ کہنا چاہیے ۔
اور اگر مصور کا ایک حرام کا ارتکاب ذہن میں ہو تو پھر ظاہر ہے ماشاءاللہ کہ کر ایمان کو خطرے میں ڈالنے والی بات ہے ۔

 

[مقبول احمد سلفی]

میرے خیال میں یہاں معاملہ ’’ نیت ‘‘ کا ہے ۔
اگر صاحب تصویر کی خوبصورتی ذہن میں آئے تو ’’ ماشاءاللہ ‘‘ کہنا چاہیے ۔
اور اگر مصور کا ایک حرام کا ارتکاب ذہن میں ہو تو پھر ظاہر ہے ماشاءاللہ کہ کر ایمان کو خطرے میں ڈالنے والی بات ہے ۔

بجا فرمایا آپ نے ، یہ نیت پہ منحصر ہے مگر آج کل مصور کی تصویر نہیں چلتی بلکہ کیمرے کی تصویر چلتی ہے جس کی وجہ سےدل میں مصور کا خیال نہیں پیدا ہوتا۔