تفسیر احسن البیان (تفسیر مکی)

[محمد نعیم یونس]

يَا لَيْتَهَا كَانَتِ الْقَاضِيَةَ ﴿٢٧﴾
کاش! کہ موت (میرا) کام ہی تمام کر دیتی (١)
٢٧۔١ یعنی موت ہی فیصلہ کن ہوتی اور دوبارہ زندہ نہ کیا جاتا تاکہ یہ روز بد نہ دیکھنا پڑتا۔

 

[محمد نعیم یونس]

مَا أَغْنَىٰ عَنِّي مَالِيَهْ ۜ ﴿٢٨﴾
میرے مال نے بھی مجھے کچھ نفع نہ دیا۔
هَلَكَ عَنِّي سُلْطَانِيَهْ ﴿٢٩﴾
میرا غلبہ بھی مجھ سے جاتا (١) رہا۔
٢٩۔١ یعنی جس طرح مال میرے کام نہ آیا، جاہ و مرتبہ اور سلطنت و حکومت بھی میرے کام نہ آئی۔ آج میں اکیلا ہی سزا بھگت رہا ہوں۔

 

[محمد نعیم یونس]

خُذُوهُ فَغُلُّوهُ ﴿٣٠﴾
(حکم ہوگا) اسے پکڑ لو پھر اسے طوق پہنا دو۔
ثُمَّ الْجَحِيمَ صَلُّوهُ ﴿٣١﴾
پھر اسے دوزخ میں ڈال دو (١)
٣١۔١ یہ اللہ ملائکہ جہنم کو حکم دے گا۔

 

[محمد نعیم یونس]

ثُمَّ فِي سِلْسِلَةٍ ذَرْ‌عُهَا سَبْعُونَ ذِرَ‌اعًا فَاسْلُكُوهُ ﴿٣٢﴾
پھر اسے ایسی زنجیروں جس کی پیمائش ستر ہاتھ ہے جکڑ دو۔ (۱)
۳۲۔۱ذراع (ہاتھ) یہ کتنا ہوگا اس کی وضاحت ممکن نہیں تاہم اس سے اتنا معلوم ہوا کہ زنجیر کی لمبائی ستر ذراع ہوگی۔

 

[محمد نعیم یونس]

إِنَّهُ كَانَ لَا يُؤْمِنُ بِاللَّـهِ الْعَظِيمِ ﴿٣٣﴾
بیشک یہ اللہ عظمت والے پر ایمان نہ رکھتا تھا (١)
٣٣۔١ یہ مذکورہ سزا کی علت یا مجرم کے جرم کا بیان ہے۔

 

[محمد نعیم یونس]

وَلَا يَحُضُّ عَلَىٰ طَعَامِ الْمِسْكِينِ ﴿٣٤﴾
اور مسکین کے کھلانے پر رغبت نہ دلاتا تھا (١)
٣٤۔١ یعنی عبادت و اطاعت کے ذریعے سے اللہ کا حق ادا کرتا تھا اور نہ وہ حقوق ادا کرتا تھا جو بندوں کے بندوں پر ہیں۔ گویا اہل ایمان میں یہ جامعیت ہوتی ہے کہ وہ حقوق اللہ اور حقوق العباد دونوں کی ادائیگی کا اہتمام کرتے ہیں۔

 

[محمد نعیم یونس]

فَلَيْسَ لَهُ الْيَوْمَ هَاهُنَا حَمِيمٌ ﴿٣٥﴾
پس آج اس کا نہ کوئی دوست ہے۔
وَلَا طَعَامٌ إِلَّا مِنْ غِسْلِينٍ ﴿٣٦﴾
اور نہ سوائے پیپ کے اس کی کوئی غذا ہے۔ (۱)
۳ ٦ ۔۱بعض کہتے ہیں کہ یہ جہنم میں کوئی درخت ہے بعض کہتے ہیں کہ زقوم ہی کو غسلین کہا گیا ہے اور بعض کہتے ہیں کہ جہنمیوں کی پیپ یا ان کے جسموں سے نکلنے والا خون اور بدبودار ہوگا۔ اللہ ہمیں اس سے محفوظ فرمائے۔ آمین۔

 

[محمد نعیم یونس]

لَّا يَأْكُلُهُ إِلَّا الْخَاطِئُونَ ﴿٣٧﴾
جسے گنہگاروں کے سوا کوئی نہیں کھائے گا۔ (۱)
۳۷۔۱خاطئون سے مراد اہل جہنم ہیں جو کفر و شرک کی وجہ سے جہنم میں داخل ہوں گے اس لیے کہ یہ گناہ ایسے ہیں جو خلود فی النار کا سبب ہیں۔

 

[محمد نعیم یونس]

فَلَا أُقْسِمُ بِمَا تُبْصِرُ‌ونَ ﴿٣٨﴾
پس مجھے قسم ہے ان چیزوں کی جنہیں تم دیکھتے ہو۔
وَمَا لَا تُبْصِرُ‌ونَ ﴿٣٩﴾
اور ان چیزوں کی جنہیں تم نہیں دیکھتے (١)
٣٩۔١ یعنی اللہ کی پیدا کردہ وہ چیزیں، جو اللہ کی ذات اور اس کی قدرت و طاقت پر دلالت کرتی ہیں، جنہیں تم دیکھتے ہو یا نہیں دیکھتے، ان سب کی قسم ہے۔ آگے جواب قسم ہے۔

 

[محمد نعیم یونس]

إِنَّهُ لَقَوْلُ رَ‌سُولٍ كَرِ‌يمٍ ﴿٤٠﴾
کہ بیشک یہ (قرآن) بزرگ رسول کا قول ہے (١)
٤٠۔١ بزرگ رسول سے مراد حضرت محمد صلی اللہ علیہ وسلم ہیں۔ اور قول سے مراد تلاوت ہے یعنی رسول کریم سے مراد ایسا قول ہے جو یہ رسول کریم صلی اللہ علیہ وسلم کی طرف سے تمہیں پہنچاتا ہے۔ کیونکہ قرآن، رسول یا جبرائیل علیہ السلام کا قول نہیں ہے، بلکہ اللہ کا قول ہے جو اس نے فرشتے کے ذریعے سے پیغمبر پر نازل فرمایا ہے، پھر پیغمبر اسے لوگوں تک پہنچاتا ہے۔