تفسیر احسن البیان (تفسیر مکی)

[محمد نعیم یونس]

فَسَبِّحْ بِاسْمِ رَ‌بِّكَ الْعَظِيمِ ﴿٥٢﴾
پس تو اپنے رب عظیم کی پاکی بیان کر (١)
٥٢۔١ جس نے قرآن کریم جیسی عظیم کتاب نازل فرمائی۔

 

[محمد نعیم یونس]

سورة المعارج

(سورة المعارج ۔ سورہ نمبر ۷۰ ۔ تعداد آیات ٤٤)​

بِسْمِ اللّٰهِ الرَّحْمٰنِ الرَّحِيْمِ
شروع کرتا ہوں میں اللہ تعالٰی کے نام سے جو بڑا مہربان نہایت رحم والا ہے
سَأَلَ سَائِلٌ بِعَذَابٍ وَاقِعٍ ﴿١﴾
ایک سوال کرنے والے نے (١) اس عذاب کا سوال کیا جو واضح ہونے والا ہے۔
١۔١ کہتے ہیں نضر بن حارث تھا یا ابو جہل تھا جس نے کہا تھا (وَاِذْ قَالُوا اللّٰهُمَّ اِنْ كَانَ هٰذَا هُوَ الْحَقَّ مِنْ عِنْدِكَ فَاَمْطِرْ عَلَيْنَا حِجَارَةً مِّنَ السَّمَاۗءِ اَوِ ائْتِنَا بِعَذَابٍ اَلِيْمٍ 32؀) 8۔ الانفال:32) چنانچہ یہ شخص جنگ بدر میں مارا گیا۔ بعض کہتے ہیں اس سے مراد رسول اللہ صلی اللہ علیہ وسلم ہیں۔ جنہوں نے اپنی قوم کے لئے بد دعا کی تھی اور اس کے نتیجے میں اہل مکہ پر قحط سالی مسلط کی گئی تھی۔

 

[محمد نعیم یونس]

لِّلْكَافِرِ‌ينَ لَيْسَ لَهُ دَافِعٌ ﴿٢﴾
کافروں پر، جسے کوئی ہٹانے والا نہیں
مِّنَ اللَّـهِ ذِي الْمَعَارِ‌جِ ﴿٣﴾
اس اللہ کی طرف سے جو سیڑھیوں والا ہے (١)
٣۔١ یا درجات والا، بلندیوں والا ہے، جس کی طرف فرشتے چڑھتے ہیں۔

 

[محمد نعیم یونس]

تَعْرُ‌جُ الْمَلَائِكَةُ وَالرُّ‌وحُ إِلَيْهِ فِي يَوْمٍ كَانَ مِقْدَارُ‌هُ خَمْسِينَ أَلْفَ سَنَةٍ ﴿٤﴾
جس کی طرف فرشتے اور روح چڑھتے ہیں (١) ایک دن میں جس کی مقدار پچاس ہزار سال کی ہے
٤۔١ روح سے مراد حضرت جبرائیل علیہ السلام ہیں، ان کی عظمت شان کے پیش نظر ان کا الگ خصوصی ذکر کیا گیا ہے ورنہ فرشتوں میں وہ بھی شامل ہیں۔ یا روح سے مراد انسانی روحیں ہیں جو مرنے کے بعد آسمان پر لے جاتی ہیں جیسا کہ بعض روایات میں ہے۔ اس یوم کی تعریف میں بہت اختلاف ہے جیسا کہ الم سجدہ کے آغاز میں ہم بیان کر آئے ہیں۔

 

[محمد نعیم یونس]

فَاصْبِرْ‌ صَبْرً‌ا جَمِيلًا ﴿٥﴾
پس تو اچھی طرح صبر کر۔
إِنَّهُمْ يَرَ‌وْنَهُ بَعِيدًا ﴿٦﴾
بیشک یہ اس (عذاب) کو دور سمجھ رہے ہیں۔
وَنَرَ‌اهُ قَرِ‌يبًا ﴿٧﴾
اور ہم اسے قریب دیکھتے ہیں (١)
٧۔١ دور سے مراد ناممکن اور قریب سے اس کا یقینی واقع ہونا ہے۔ یعنی کافر قیامت کو ناممکن سمجھتے ہیں اور مسلمانوں کا عقیدہ ہے کہ وہ ضرور آکر رہے گی۔

 

[محمد نعیم یونس]

يَوْمَ تَكُونُ السَّمَاءُ كَالْمُهْلِ ﴿٨﴾
جس دن آسمان مثل تیل کی تلچھٹ کے ہو جائے گا۔
وَتَكُونُ الْجِبَالُ كَالْعِهْنِ ﴿٩﴾
اور پہاڑ مثل رنگین اون کے ہوجائیں گے (١)
٩۔١ یعنی دھنی ہوئی روئی کی طرح، جیسے سورہ القارعۃ میں ہے۔

 

[محمد نعیم یونس]

وَلَا يَسْأَلُ حَمِيمٌ حَمِيمًا ﴿١٠﴾
اور کوئی دوست کسی دوست کو نہ پوچھے گا۔
يُبَصَّرُ‌ونَهُمْ ۚ يَوَدُّ الْمُجْرِ‌مُ لَوْ يَفْتَدِي مِنْ عَذَابِ يَوْمِئِذٍ بِبَنِيهِ ﴿١١﴾
گنہگار اس دن کے عذاب کے بدلے فدیے میں اپنے بیٹوں کو۔ (حالانکہ) ایک دوسرے کو دکھا دیئے جائیں گے (۱)
١١۔١ لیکن سب کو اپنی اپنی پڑی ہوگی، اس لئے تعارف اور شناخت کے باوجود ایک دوسرے کو نہیں پوچھیں گے

 

[محمد نعیم یونس]

وَصَاحِبَتِهِ وَأَخِيهِ ﴿١٢﴾
اپنی بیوی کو اور اپنے بھائی کو۔
وَفَصِيلَتِهِ الَّتِي تُؤْوِيهِ ﴿١٣﴾
اپنے کنبے کو جو اسے پناہ دیتا تھا۔
وَمَن فِي الْأَرْ‌ضِ جَمِيعًا ثُمَّ يُنجِيهِ ﴿١٤﴾
اور روئے زمین کے سب لوگوں کو دینا چاہے گا تاکہ یہ اسے نجات دلا دے (١)
١٤۔١ یعنی اولاد، بیوی، بھائی اور خاندان یہ ساری چیزیں انسان کو نہایت عزیز ہوتی ہیں، لیکن قیامت والے دن مجرم چاہے گا کہ اس سے فدیے میں یہ عزیز چیزیں قبول کر لی جائیں اور اسے چھوڑ دیا جائے۔

 

[محمد نعیم یونس]

كَلَّا ۖ إِنَّهَا لَظَىٰ ﴿١٥﴾
مگر یہ ہرگز نہ ہوگا، یقیناً وہ شعلے والی (آگ) ہے (١)
١٥۔١ یعنی وہ جہنم، یہ اس کی شدت حرارت کا بیان ہے۔

 

[محمد نعیم یونس]

نَزَّاعَةً لِّلشَّوَىٰ ﴿١٦﴾
جو منہ اور سر کی کھال کھینچ لانے والی ہے (١)
١٦۔١ یعنی گوشت اور کھال کو جلا کر رکھ دے گی۔ انسان صرف ہڈیوں کا ڈھانچہ رہ جائے گا۔