تفسیر احسن البیان (تفسیر مکی)

[محمد نعیم یونس]

أَلَمْ نُهْلِكِ الْأَوَّلِينَ ﴿١٦﴾
کیا ہم نے اگلوں کو ہلاک نہیں کیا؟

ثُمَّ نُتْبِعُهُمُ الْآخِرِ‌ينَ ﴿١٧﴾
پھر ہم ان کے بعد پچھلوں کو لائے۔ (١)
١٧۔١ یعنی کفار مکہ اور ان کے ہم مشرب، جنہوں نے رسول اللہ صلی اللہ علیہ وسلم کی تکذیب کی۔

 

[محمد نعیم یونس]

كَذَٰلِكَ نَفْعَلُ بِالْمُجْرِ‌مِينَ ﴿١٨﴾
ہم گنہگاروں کے ساتھ اسی طرح کرتے ہیں۔ (١)
١٨۔١ یعنی سزا دیتے ہیں دنیا میں یا آخرت میں۔

 

[محمد نعیم یونس]

وَيْلٌ يَوْمَئِذٍ لِّلْمُكَذِّبِينَ ﴿١٩﴾
اس دن جھٹلانے والوں کے لیے ویل (افسوس) ہے۔

أَلَمْ نَخْلُقكُّم مِّن مَّاءٍ مَّهِينٍ ﴿٢٠﴾
کیا ہم نے تمہیں حقیر پانی (منی) سے پیدا نہیں کیا۔

فَجَعَلْنَاهُ فِي قَرَ‌ارٍ‌ مَّكِينٍ ﴿٢١﴾
پھر ہم نے اسے مضبوظ و محفوظ جگہ میں رکھا۔ (١)
٢١۔١ یعنی رحم مادر میں۔

 

[محمد نعیم یونس]

إِلَىٰ قَدَرٍ‌ مَّعْلُومٍ ﴿٢٢﴾
ایک مقررہ وقت تک۔
٢٢-۱ یعنی مدت حمل تک، چھ یا نو مہینے۔

 

[محمد نعیم یونس]

فَقَدَرْ‌نَا فَنِعْمَ الْقَادِرُ‌ونَ ﴿٢٣﴾
پھر ہم نے اندازہ کیا (١) اور ہم کیا خوب اندازہ کرنے والے ہیں۔
٢٣۔١ یعنی رحم مادر میں جسمانی ساخت و ترکیب کا صحیح اندازہ کیا کہ دونوں آنکھوں، دونوں ہاتھوں اور دونوں پیروں اور دونوں کانوں کے درمیان اور دیگر اعضا کا ایک دوسرے کے درمیان کتنا فاصلہ رہنا چاہیے۔

 

[محمد نعیم یونس]

وَيْلٌ يَوْمَئِذٍ لِّلْمُكَذِّبِينَ ﴿٢٤﴾
اس دن تکذیب کرنے والوں کی خرابی ہے۔

أَلَمْ نَجْعَلِ الْأَرْ‌ضَ كِفَاتًا ﴿٢٥﴾
کیا ہم نے زمین کو سمیٹنے والی نہیں بنایا؟

أَحْيَاءً وَأَمْوَاتًا ﴿٢٦﴾
زندوں کو بھی اور مردوں کو بھی۔ (١)
٢٦۔١ یعنی زمین زندوں کو اپنی پشت پر اور مردوں کو اپنے اندر سمیٹ لیتی ہے۔

 

[محمد نعیم یونس]

وَجَعَلْنَا فِيهَا رَ‌وَاسِيَ شَامِخَاتٍ وَأَسْقَيْنَاكُم مَّاءً فُرَ‌اتًا ﴿٢٧﴾
اور ہم نے اس میں بلند و بھاری پہاڑ بنا دیئے (١) اور تمہیں سیراب کرنے والا میٹھا پانی پلایا۔
٢٧-۱ رواسي راسية کی جمع۔ ثاوبت، جمے ہوئے پہاڑ، شامخات، بلند۔

وَيْلٌ يَوْمَئِذٍ لِّلْمُكَذِّبِينَ ﴿٢٨﴾
اس دن جھوٹ جاننے والوں کے لیے وائے اور افسوس ہے۔

انطَلِقُوا إِلَىٰ مَا كُنتُم بِهِ تُكَذِّبُونَ ﴿٢٩﴾
اس دوزخ کی طرف جاؤ جسے تم جھٹلاتے رہے تھے۔ (١)
٢٩۔١ یہ فرشتے جہنمیوں کو کہیں گے۔

 

[محمد نعیم یونس]

انطَلِقُوا إِلَىٰ ظِلٍّ ذِي ثَلَاثِ شُعَبٍ ﴿٣٠﴾
چلو تین شاخوں والے سائے کی طرف۔ (١)
٣٠۔١ جہنم سے جو دھواں آئے گا، وہ بلند ہو کر تین جہتوں میں پھیل جائے گا، یعنی جس طرح دیوار یا درخت کا سایہ ہوتا ہے، جس میں آدمی راحت اور عافیت محسوس کرتا ہے، یہ دھواں حقیقت میں اس طرح کا سایہ نہیں ہو گا، جس میں جہنمی کچھ سکون حاصل کر لیں۔

 

[محمد نعیم یونس]

لَّا ظَلِيلٍ وَلَا يُغْنِي مِنَ اللَّـهَبِ ﴿٣١﴾
جو دراصل نہ سایہ دینے والا ہے نہ شعلے سے بچا سکتا ہے۔
٣١-۱ یعنی جہنم کی حرارت سے بچنا بھی ممکن نہیں ہو گا۔

 

[محمد نعیم یونس]

إِنَّهَا تَرْ‌مِي بِشَرَ‌رٍ‌ كَالْقَصْرِ‌ ﴿٣٢﴾
یقیناً دوزخ چنگاریاں پھینکتی ہے جو مثل محل کے ہیں۔ (۱)
۳۲۔۱ اس کا ایک اور ترجمہ ہے: جو لکڑی کے بوٹے یعنی بھاری ٹکڑے کے مثل ہیں۔ (بوٹے بمعنی شہتیر کے ٹکڑے، جسے گیلی بھی کہتے ہیں)