تفسیر احسن البیان (تفسیر مکی)

[محمد نعیم یونس]

لِّنُخْرِ‌جَ بِهِ حَبًّا وَنَبَاتًا ﴿١٥﴾
تاکہ اس سے اناج اور سبزہ اگائیں۔
وَجَنَّاتٍ أَلْفَافًا ﴿١٦﴾
اور گھنے باغ (بھی اگائیں (١)
١٦۔١ شاخوں کی کثرت کی وجہ سے ایک دوسرے سے ملے ہوئے درخت یعنی گھنے باغ۔

 

[محمد نعیم یونس]

إِنَّ يَوْمَ الْفَصْلِ كَانَ مِيقَاتًا ﴿١٧﴾
بیشک فیصلہ کا دن کا وقت مقرر ہے۔
يَوْمَ يُنفَخُ فِي الصُّورِ‌ فَتَأْتُونَ أَفْوَاجًا ﴿١٨﴾
جس دن کہ صور پھونکا جائے گا۔ پھر تم فوج در فوج چلے آؤ گے (١)
١٨۔١ بعض نے اس کا مفہوم یہ بیان کیا ہے کہ ہر امت اپنے رسول کے ساتھ میدان حشر میں آئے گی۔ یہ دوسرا نفخہ ہوگا، جس میں سب لوگ قبروں سے زندہ اٹھ کر نکل آئیں گے۔ اللہ تعالٰی آسمان سے پانی نازل فرمائیے گا، جس سے انسان کھیتی کی طرح اگ آئے گا۔ انسان کی ہرچیز بوسیدہ ہو جائے گی، سوائے ریڑھ کی ہڈی کے آخری سرے کے، اس سے قیامت والے دن تمام مخلوقات کی دوبارہ ترکیب ہوگی۔ (صحیح بخاری)

 

[محمد نعیم یونس]

وَفُتِحَتِ السَّمَاءُ فَكَانَتْ أَبْوَابًا ﴿١٩﴾
اور آسمان کھول دیا جائے گا پھر اس میں دروازے دروازے ہو جائیں گے (١)
١٩۔١ یعنی فرشتوں کے نزول کے لئے راستے بن جائیں گے اور وہ زمین پر اتر آئیں گے۔

 

[محمد نعیم یونس]

وَسُيِّرَ‌تِ الْجِبَالُ فَكَانَتْ سَرَ‌ابًا ﴿٢٠﴾
اور پہاڑ چلائے جائیں گے پس وہ سراب ہو جائیں گے (١)
٢٠۔١ وہ ریت جو دور سے پانی محسوس ہوتی ہو، پہاڑ بھی دور سے نظر آنے والی چیز بن کر رہ جائیں گے۔

 

[محمد نعیم یونس]

إِنَّ جَهَنَّمَ كَانَتْ مِرْ‌صَادًا ﴿٢١﴾
بیشک دوزخ گھات میں ہے (١)۔
٢١۔١ گھات ایسی جگہ کو کہتے ہیں، جہاں چھپ کر دشمن کا انتظار کیا جاتا ہے تاکہ وہاں سے گزرے تو فوراً حملہ کر دیا جائے، جہنم کے دروغے بھی جہنمیوں کے انتظار میں اسی طرح بیٹھے ہیں یا خود جہنم اللہ کے حکم سے کفار کے لئے گھات لگائے بیٹھی ہے۔

 

[محمد نعیم یونس]

لِّلطَّاغِينَ مَآبًا ﴿٢٢﴾
سرکشوں کا ٹھکانا وہی ہے۔
لَّابِثِينَ فِيهَا أَحْقَابًا ﴿٢٣﴾
اس میں وہ مدتوں تک پڑے رہیں گے۔
لَّا يَذُوقُونَ فِيهَا بَرْ‌دًا وَلَا شَرَ‌ابًا ﴿٢٤﴾
نہ کبھی اس میں خنکی کا مزہ چکھیں گے، نہ پانی کا۔
إِلَّا حَمِيمًا وَغَسَّاقًا ﴿٢٥﴾
سوائے گرم پانی اور (بہتی) پیپ کے (١)
جو جہنمیوں کے جسموں سے نکلے گی۔

 

[محمد نعیم یونس]

جَزَاءً وِفَاقًا ﴿٢٦﴾
(ان کو) پورا پورا بدلہ ملے گا (١)
٢٦۔١ یعنی یہ سزا ان کے اعمال کے مطابق ہے جو وہ دنیا میں کرتے رہے ہیں۔

 

[محمد نعیم یونس]

إِنَّهُمْ كَانُوا لَا يَرْ‌جُونَ حِسَابًا ﴿٢٧﴾
ا نہیں تو حساب کی توقع ہی نہ تھی
وَكَذَّبُوا بِآيَاتِنَا كِذَّابًا ﴿٢٨﴾
اور بےباقی سے ہماری آیتوں کو جھٹلاتے تھے۔
وَكُلَّ شَيْءٍ أَحْصَيْنَاهُ كِتَابًا ﴿٢٩﴾
ہم نے ہرچیز کو لکھ کر شمار کر رکھا ہے (١)
٢٩۔١ یعنی لوح محفوظ میں۔ یا وہ ریکارڈ مراد ہے جو فرشتے لکھتے رہے۔ پہلا مفہوم زیادہ صحیح ہے۔

 

[محمد نعیم یونس]

فَذُوقُوا فَلَن نَّزِيدَكُمْ إِلَّا عَذَابًا ﴿٣٠﴾
اب تم (اپنے کئے کا) مزہ چکھو ہم تمہارا عذاب ہی بڑھاتے رہیں گے۔
إِنَّ لِلْمُتَّقِينَ مَفَازًا ﴿٣١﴾
یقیناً پرہیزگار لوگوں کے لئے کامیابی ہے۔
حَدَائِقَ وَأَعْنَابًا ﴿٣٢﴾
باغات ہیں اور انگور ہیں۔
وَكَوَاعِبَ أَتْرَ‌ابًا ﴿٣٣﴾
اور نوجوان کنواری ہم عمر عورتیں ہیں (١)
٣٣۔١ کَوَاعِبَ کَاعِبَۃً کی جمع ہے، یہ کَعْبً (ٹخنہ) سے ہے، ابھرا ہوا ہوتا ہے، ان کی چھاتیوں میں بھی ایسا ہی ابھار ہوگا، جو ان کے حسن و جمال کا ایک مظہر ہے۔ اَتْرَاب،ُ ہم عمر۔

 

[محمد نعیم یونس]

وَكَأْسًا دِهَاقًا ﴿٣٤﴾
چھلکتے ہوئے جام شراب ہیں۔
لَّا يَسْمَعُونَ فِيهَا لَغْوًا وَلَا كِذَّابًا ﴿٣٥﴾
اور وہاں نہ تو وہ بیہودہ باتیں سنیں گے اور نہ ہی جھوٹیں باتیں سنیں گے (١)
٣٥۔١ یعنی کوئی بےفائدہ اور بےہودہ بات وہاں نہیں ہوگی، نہ ایک دوسرے سے جھوٹ بولیں گے۔