السلام علیکم ورحمۃ اللہ وبرکاتہ!
امام مسلم نے باوجود دیرینہ رفاقت کے بخاری سے اپنی صحیح مسلم میں ایک حدیث بھی نہیں روایت کی بلکہ "حدیث منعن" کی بحث میں بعض"منتحلی الحدیث" میں "عصونا" کے لفظ سے بخاری کو یاد کیا ہے اور بہت درشت اور ناملائم الفاظ کہہ گئے - دیکھو [مسلم ج1 ص 21]
اول تو اگر آپ صحیح مسلم سے یہ بتلا دیں کہ یہ الفاظ امام مسلم رحمہ اللہ نے امام بخاری رحمہ اللہ کے متعلق بیان کئے ہیں تو ہم بھی کہیں کہ آپ بھی کچھ علم رکھتے ہیں! مگر یاد رہے کہ یہ آپ امام مسلم کی صحیح مسلم تو کیا امام مسلم کی کسی کتاب دوسری کتاب سے بھی کیا، امام مسلم کے کسی قول سے بھی ( جو صحیح سند سے منقول ہو) نہیں دکھلا سکتے!
امام مسلم کو جب امام بخاری کو سند میں شامل کئے بغیر عالی سند میسر ہے تو پھر وہ عالی سند کو کیوں نہ لیں! لیکن اب لوگوں کو عالی سند اور نازل سند کا معلوم نہ ہو تو ہم کیا کر سکتے ہیں! اور جب ایک سند امام مسلم کے استاد امام بخاری بیان کر چکے ہوں، تو پھر اس سند کو ایک اور بار ذکر کرنے سے تو بہتر ہے کہ وہ کسی دوسری سند کو ذکر کریں! کہ امام مسلم کے استاد ، امام بخاری نے پہلے ہی وہ روایت کردی!
مگر یہ باتیں انہیں سمجھ آئیں جن کا علم الحدیث سے کوئی واسطہ ہو!
امام ذہلی نے چونکہ امام بخاری کے بارے خبردار کیا ،اورلوگ کو ان سے ملنے سے منع کردیا اس لئے امام بخاری نے اس کا بدلہ ان سے کچھ اس طرح لیا کہ امام بخاری نے امام ذہلی سے 30 مقامات پر روایات بیان کی ہیں اور کہیں بھی ان کا نام نہیں لیا کہ یوں کہتے کہ ہم سے محمد بن یحیی ذہلی نے بیان کیا بلکہ صرف اس طرح کہتے ہیں کہ ہم سے محمد نے حدیث بیان کی - کہیں کہیں محمد بن عبد اللہ ان کے دادا کی جانب منسوب کرکے کہتے ہیں اور بعض جگہ پر دادا کی طرف نسبت کرتے ہیں"
مجھے ڈر ہے کہ کل کو بہرام صاحب یہ بھی نہ فرمادیں کہ اللہ کے رسول صلی اللہ علیہ وسلم نے اپنے والد عبد اللہ سے بدلہ لیا کیونکہ نبی صلی اللہ علیہ وسلم کا فرمان ہے:
انا النبى لا كذب انا ابن عبد المطلب
امام بخاری اور امام احمد بن حنبل
بخاری نے امام احمد سے براہ راست روایت نقل نہیں کی اور بخاری نے کہیں بھی حدثنی یا حدثنا کہہ کر روایت نہیں لی جو تحدیث کے خاص لفظ ہیں
امام بخاری امام احمد کے بارے کہتے ہیں کہ امام احمد صدوق تھے؟
صدوق ثقاہت کا ادنی درجہ ہے. امام بخاری نے صحیح میں صرف ایک جگہ سندا روایت لکھی ہے وہ بھی ایک راوی کو بیچ میں ڈالنے کے بعد "یعنی بھر پور انتقام "
السلام علیکم ورحمۃ اللہ وبرکاتہ!
ایک تو نجانے لوگ کیسی کیسی عجیب و غریب قسم کی باتیں کرتے ہیں! جب امام بخاری رحمہ اللہ نے جس حدیث سے استدلال قائم کیا ہے، وہ انہوں نے کسی واسطے سے سنی ہے، اور بلا واسطہ امام احمد بن حنبل سے نہیں سنی تو وہ کیوں اس درمیانی واسطہ کو حذف کریں! اور اگر وہی حدیث امام بخاری رحمہ اللہ نے اگر بلا واسطہ امام احمد بن حنبل سے سنی ہے تو ثبوت دو!
یہ تو وہی اعتراض ہو جیسے پنجابی میں کہتے ہیں:
آٹا گوندتے ہلدی کیوں ہے!
بہرام صاحب کا کمال یہ ہے کہ یہ جنوں کو خرد باور کروانے کی بھرپور کوشش کرتے ہیں!
یعنی کہ اگر کوئی تدلیس نہ کرے تو انتقام، اور اگر تدلیس کرے تو وہ محبت !
بندہ کوئی عقل کو ہاتھ مارے!
امام بخاری رحمہ اللہ کو جب کوئی حدیث عالی سند سے مل رہی ہے ، تو وہ ناز ل سند سے کیوں ذکر کریں! اور امام احمد بن حنبل تو ویسے کی اپنی سند سے احادیث نقل کرچکے ہیں، امام بخاری کو اب انہیں دہرانا کیوں لازم آیا!
مگر وہی بات کہ یہ باتیں اسے سمجھ آئیں کہ جسے علم الحدیث میں کچھ سمجھ بوجھ ہو!
![محدث فورم [Mohaddis Forum]](/styles/default/xenforo/Forum.jpg)
