توجہ کریں

[محمد ارسلان]

 

[کیلانی]

ویسے حدیث کامتن بھی اس کےضعف کی طرف اشارہ کررہاہے۔باقی اللہ اعلم

 

[شاکر]

وعلیکم السلام ورحمتہ اللہ،
ارسلان بھائی،
محدث لائبریری پر جو کتاب شائع کی جاتی ہے اس کے متن کی ہر سطر کی صحت کا دعویٰ ہمیں نہیں ہے۔ جو بھی کتاب بحیثیت مجموعی بہتر ہوتی ہے اسے شائع کر دیا جاتا ہے۔
متعلقہ صفحہ پر ہی چونکہ حدیث کے ضعف کو واضح کر دیا گیا ہے، اس لئے بالا کتاب کے مصنف اور ناشر تو بہرحال بری الذمہ ہیں۔
ہاں یہ ایک علیحدہ بحث ہے کہ اللہ تعالیٰ کو معبودوں کا معبود، الٰہوں کا الٰہ کہا جانا چاہئے یا نہیں۔ جس پر علمائے کرام ہی روشنی ڈال سکتے ہیں۔
بہرحال "معبودوں کا معبود" جملہ پڑھ کر میرے ذہن میں تو یہ آتا ہے کہ "معبودوں" کی نسبت لوگوں کی طرف ہے، یعنی لوگ جنہیں معبود سمجھتے ہیں، اللہ وہ ہے جو ان کے بنائے گئے معبودوں کا بھی معبود ہے۔

 

[تلمیذ]

اولا

میری زاتی رائے میں یہ تھریڈ حدیث کے متعلقہ سیکشن میں ہونا چاہئیے نہ کہ تجاویز کے سیکشن میں

ثانیا

کتاب میں خود تصریح ہے کہ یہ حدیث ضعیف ہے ۔ اب یہ کہ کس درجہ کی ضعیف ہے یہ تو فورم پر موجود اہل علم ہی بتاسکتے ہیں

ثالثا

جہاں تک اس روایت کے متن کے بارے میں اشکال ہے اور خصوصا جو اشکال اس متن کے بارے میں ہے کہ "اور اللہ کہتے ہیں معبودوں کے معبود " تو میرے زاتی رائے میں اس پر بھی کوئی اشکال وارد نہیں ہوتا اس سے ملتے جلتے جملے ہمیں اپنے اسلاف میں بھی ملتے ہیں
مثال اول

طاغوت کی مطلب بتاتے ہوئے ابن تیمیہ رحمہ اللہ لکھتے ہیں

فالمعبود من دون الله إذا لم يكن كارهاً لذلك طاغوت
ابن تيمیہ (مجموع الفتاوی)
اور جو اللہ کے سوا معبود ہیں ۔۔۔۔۔۔۔۔


مثال ثانی

طاغوت کا معنی بتاتے ہوئے شیخ عبدالوھاب رحمہ اللہ لکھتے ہیں

الطاغوت عام: فكُل ما عُبد من دون الله ورضي بالعبادة من معبود أو متبوع أو مُطاع في غير طاعة الله ورسوله فهو طاغوت
مجموعہ التوحید
جس معبود کی اللہ کے سوا کے عبادت کی گئی اور وہ اس عبادت سے راضی ہوا ۔۔۔۔۔۔

تو کیا آپ اس سے یہ مطلب لیں گے شیخ عبدالوھاب رحمہ اللہ اس بات کے قائل تھے کہ اللہ کے سوا اور بھی معبود تھے(معاذ اللہ) ۔ بلکہ وہ اس بات کے قائل تھے کہ اللہ کے سوا اور بھی معبود (جن کی عبادت کی جاتی ہے ) ہیں لیکن وہ باطل معبود ہیں



اصل میں معبود کا اطلاق اس پر ہوتا ہے جس کی پوجا کی جاتی ہے ۔ اب عیسائی حضرت عیسی علیہ السلام کی پوجا کرتے ہیں تو وہ ان کے معبود(باطل ) ہوئے اور حضرت عیسی علیہ السلام نے اللہ کی عبادت کی تو اللہ معبود المعبودین (معبودوں کا معبود ) ہوا
اسی اج کل کچھ جہلاء بزرگوں کی عبادت کرتے ہیں ۔ مثلا بعض حضرات شیخ عبد القادر جیلانی کے نام پر نذر و نیاز کرتے ہیں تو شیخ ان کے معبود(باطل ) ہوئے اور شیخ عبدالقادر رحمہ اللہ نے اللہ کی عبادت کی تو اللہ معبود المعبودین (معبودوں کا معبود ) ہوا