جمعہ کے خطبے ختم ہونے پر "جزاک اللہ خیرا" کہنا

[محمد ارسلان]

بسم اللہ الرحمن الرحیم
السلام علیکم ورحمۃ اللہ وبرکاتہ
میں نے اکثر دیکھا ہے کہ جب امام صاحب جمعہ نماز کا خطبہ دے لیتے ہیں اور بیٹھنے لگتے ہیں تو لوگ "جزاک اللہ خیرا" کہتے ہیں۔کیا یہ سنت طریقہ ہے۔اور کیا اس میں کوئی حرج ہے۔

 

[رفیق طاھر]

اس موقع پر اپنے لیے یا خطیب کے لیے یا کسی بھی کے لیے دعاء کی جاسکتی ہے کیونکہ ہوسکتا ہے کہ یہی وقت مقبولیت کا وقت ہو ۔
اور "جزا ک اللہ خیرا " بھی ایک دعاء ہی تو ہے ۔
لیکن یہ بات یاد رہے کہ بآواز بلند دعاء کرنا اللہ تعالى نے منع فرمایا ہے :
ادْعُواْ رَبَّكُمْ تَضَرُّعاً وَخُفْيَةً إِنَّهُ لاَ يُحِبُّ الْمُعْتَدِينَ [الأعراف : 55]
اپنے رب سے تضرع کے ساتھ اور چپکے چپکے دعاء مانگو ، یقنا وہ حدیں پھلانگنے والوں کو پسند نہیں کرتا ۔

 

[محمد ارسلان]

جزاک اللہ خیرا رفیق بھائی

 

[انس]

اور "جزا ک اللہ خیرا " بھی ایک دعاء ہی تو ہے ۔
لیکن یہ بات یاد رہے کہ بآواز بلند دعاء کرنا اللہ تعالى نے منع فرمایا ہے :
ادْعُواْ رَبَّكُمْ تَضَرُّعاً وَخُفْيَةً إِنَّهُ لاَ يُحِبُّ الْمُعْتَدِينَ [الأعراف : 55]
اپنے رب سے تضرع کے ساتھ اور چپکے چپکے دعاء مانگو ، یقنا وہ حدیں پھلانگنے والوں کو پسند نہیں کرتا ۔

کیا کبھی کسی کو ’جزاک اللہ خیرا‘ کی دُعا جہری آواز سے نہیں دی جا سکتی؟؟؟

 

[رفیق طاھر]

کیا کبھی کسی کو ’جزاک اللہ خیرا‘ کی دُعا جہری آواز سے نہیں دی جا سکتی؟؟؟

کیوں نہیں !
بالکل کبھی تو دی جاسکتی ہے ۔
ہمارا سادہ سا موقف ہے کہ
جس جس موقع پر جہرا دعاء کرنا رسول اللہ صلى اللہ علیہ وسلم سے ثابت ہے ان موقعوں پر جہرا دعاء کرنا جائز ہے ۔ اور وہ مواقع اللہ رب العالمین کے بیان کردہ اس عمومی قاعدہ سے مستثنى ہیں ۔

 

[انس]

کیا کبھی کسی کو ’جزاک اللہ خیرا‘ کی دُعا جہری آواز سے نہیں دی جا سکتی؟؟؟

کیوں نہیں!
بالکل کبھی تو دی جاسکتی ہے ۔
ہمارا سادہ سا موقف ہے کہ
جس جس موقع پر جہرا دعاء کرنا رسول اللہ صلى اللہ علیہ وسلم سے ثابت ہے ان موقعوں پر جہرا دعاء کرنا جائز ہے ۔ اور وہ مواقع اللہ رب العالمین کے بیان کردہ اس عمومی قاعدہ سے مستثنى ہیں ۔

گویا مطلق طور پر یہ کہنا صحیح نہیں:

لیکن یہ بات یاد رہے کہ بآواز بلند دعاء کرنا اللہ تعالى نے منع فرمایا ہے :
ادْعُواْ رَبَّكُمْ تَضَرُّعاً وَخُفْيَةً إِنَّهُ لاَ يُحِبُّ الْمُعْتَدِينَ [الأعراف : 55]
اپنے رب سے تضرع کے ساتھ اور چپکے چپکے دعاء مانگو ، یقنا وہ حدیں پھلانگنے والوں کو پسند نہیں کرتا ۔

اس سلسلے میں میری ناقص رائے یہ ہے کہ اس مسئلے میں سری اور جہری کی تفریق کی بجائے سامعین کی نیت کو ملحوظ رکھنا چاہئے۔ اگر تو خطیب صاحب کے پہلا خطبہ ختم کر کے بیٹھنے پر سامعین خطبے کے موضوع، دلائل، استدلال اور تاثیر وغیرہ سے متاثر ہو کر بے ساختہ (سری یا جہری) جزاك الله خيرا کہہ دیتے ہیں، تو اس میں کوئی حرج نہیں ہونا چاہئے۔ (کیونکہ انہوں نے یہ کام سنت سمجھ کر نہیں کیا۔) لیکن اگر سامعین یہ فعل سنت سمجھ کر سر انجام دیں، یعنی یہ سمجھیں کہ ہمارے (سری یا جہری) جزاك الله خيرا کہنے سے ہمیں ثواب زیادہ ہوگا، حالانکہ ثواب زیادہ یا کم ہونے کا تعلّق دین سے ہے، اور ایسا کوئی عمل خود سے نہیں گھڑا جا سکتا اگر وہ نبی کریمﷺ سے ثابت نہ ہو، لہٰذا اگر اس نیت کے ساتھ یہ عمل کیا جائے گا تو لا محالہ یہ ’بدعت‘ تصور ہوگا۔
واللہ تعالیٰ اعلم

 

[رفیق طاھر]

۱۔ جہاں تک بے ساختہ کسی بھی کلمہ کے زبان سے نکلنے کا تعلق ہے تو وہ کسی بھی وقت ہو جائے اور کسی بھی انداز میں ہو جائے بہر حال ناقابل مؤاخذہ ہی ہے ۔
۲۔ اگر اس مخصوص کلمہ کو سنت سمجھ کر کہیں گے تو یقینا ناجائز ہوگا ۔ ہاں البتہ جمعہ کے دن کی معہود گھڑی کو تلاش کرتے ہوئے جہاں اپنے لیے دعاء کریں وہیں خطیب کے لیے بطور دعاء یہی کلمہ یا اسکے علاوہ کچھ اور کہہ لیں تو کوئی حرج نہیں ہے ۔

 

[محمد ارسلان]

جزاک اللہ خیرا