جو کرنا ہے ابھی کرلے

[ساجد تاج]

جو کرنا ہے ابھی کرلے​

دو روزہ زندگانی ہے جو کرنا ہے ابھی کرلے
یہ دنیا آنی جانی ہے جو کرنا ہے ابھی کرلے

کہاں کے دوست اور بھائی یہ کیسی الفت دنیا
یہ سب آگ گھر پانی ہے جو کرنا ہے ابھی کرلے

یہ ڈھلتی چھاؤں ہے، تیرا شباب اور تیری خوش حالی
یہ دو دن کی جوانی ہے جو کرنا ہے ابھی کرلے

حیاتِ جاودانی کا ذریعہ ہے عمل تیرا
اسی میں کامرانی ہے جو کرنا ہے ابھی کرلے

گیا جو وقت تیرے ہاتھ سے وہ پھر نہ آئے گا
زمانہ بہت باقی ہے جو کرنا ہے ابھی کرلے

تیرے اسلاف نے زورِ عمل سے دی بدل دنیا
انہی کی تو نشانی ہے جو کرنا ہے ابھی کرلے

نصیب بے عمل تو میرے پیغام عمل کو سُن
یہی راز نہانی ہے جو کرنا ہے ابھی کرلے

تیری منزل ہے یاں سے دور اور یہ عالم انسانی
سرائے کاروانی ہے جو کرنا ہے ابھی کرلے​

 

[ساجد تاج]

جمالِ حسنِ قرآں نور جاں ہر مسلماں ہے
قمر ہے چاند اوروں کا ہمارا چاند قرآں ہے

نظیر اس کی نہیں ملتی جہاں میں ڈھونڈ کر دیکھا
بھلا کیوں کر نہ ہو یکتا، کلام پاک رحماں ہے