أتيت - وفي روايةِ هدَّابٍ : مررتُ - على موسى ليلةَ أسريَ بي عند الكثيبِ الأحمرِ . وهو قائمٌ يصلي في قبرِه
الراوي: أنس بن مالك المحدث:مسلم - المصدر: صحيح مسلم - الصفحة أو الرقم: 2375
خلاصة حكم المحدث: صحيح
ترجمہ از ڈاکٹر طاہرالقادری
''حضرت انس بن مالک رضی اللہ عنہ سے مروی ہے کہ حضور نبی اکرم صلی اللہ علیہ وآلہ وسلم نے فرمایا : معراج کی شب میں حضرت موسیٰ علیہ السلام کے پاس آیا، (اور ھدّاب کی ایک روایت میں ہے کہ فرمایا : ) سرخ ٹیلے کے پاس سے میرا گزر ہوا (تومیں نے دیکھا کہ) حضرت موسیٰ علیہ السلام اپنی قبر میں کھڑے مصروفِ صلاۃ تھے۔''
اگر آپ کا کیا ہوا ترجمہ صحیح مان لیا جائے تو اس صحیح حدیث سے ہاتھ دھونے پڑیں گے کیونکہ مردہ کبھی مصروفِ صلاۃ نہیں ہو سکتا ۔
یہ برزخی زندگی کا معاملہ ہے۔ برزخی زندگی میں نماز تو کیا نعمتیں اور عذاب دونوں کا سامنا ہوتا ہے جیسا کہ اہل السنۃ والجماعۃ کا قبر کی نعمتوں اور عذاب قبر کا عقیدہ ہے۔
شہداء تو برزخی زندگی میں جنّت کے مزے لوٹتے ہیں۔ لیکن اسے کسی طور دنیاوی زندگی کے مثل قرار نہیں دیا جا سکتا۔ اسی لئے اللہ رب العٰلمین کا فرمان ہے:
﴿ وَلا تَقولوا لِمَن يُقتَلُ فى سَبيلِ اللَّـهِ أَموٰتٌ ۚ بَل أَحياءٌ وَلـٰكِن لا تَشعُرونَ ١٥٤ ﴾ ... سورة البقرة
دوسری آیت کریمہ میں ہے:
بل أحياء عند ربهم يرزقون ...
اگر یہ دنیاوی زندگی کی طرح ہوتی تو پھر ہمیں بھی
اس کا شعور ہوتا۔
جب انسان دنیا میں اللہ کی طرف سے طے کردہ مقررہ عمر پوری کرکے فوت ہو جاتا ہے تو
دنیاوی اعتبار سے اب وہ مردہ ہے زندہ نہیں۔
إنك ميت وإنهم ميتون
اس کے بعد اس کی قبر کی زندگی یا دوسرے الفاظ میں برزخی زندگی شروع ہوجاتی ہے جس کا دنیاوی زندگی سے کوئی تعلق نہیں ہے، یہ برزخی زندگی (جو دنیاوی اعتبار سے موت ہے) یومِ بعثت (یومِ آخرت) تک جاری رہے گی۔ قرآن کریم میں ہے:
﴿ حَتّىٰ إِذا جاءَ أَحَدَهُمُ المَوتُ قالَ رَبِّ ارجِعونِ ٩٩ لَعَلّى أَعمَلُ صـٰلِحًا فيما تَرَكتُ ۚ كَلّا ۚ إِنَّها كَلِمَةٌ هُوَ قائِلُها ۖ وَمِن وَرائِهِم بَرزَخٌ إِلىٰ يَومِ يُبعَثونَ ١٠٠ ﴾ ... سورة المؤمنون
یہاں تک کہ جب ان میں کسی کو موت آنے لگتی ہے تو کہتا ہے اے میرے پروردگار! مجھے واپس لوٹا دے (99) کہ اپنی چھوڑی ہوئی دنیا میں جا کر نیک اعمال کر لوں، ہرگز ایسا نہیں ہوگا، یہ تو صرف ایک قول ہے جو اس نے کہا،
ان کے پس پشت تو ایک آڑ (برزخ) ہے، ان کے دوباره جی اٹھنے کے دن تک (100)
درج بالا آیت کریمہ میں دنیا سے فوت ہونے سے لے قبر سے اٹھنے تک کے عرصہ کو
برزخ قرار دیا گیا ہے۔
اور اسی بات کو قرآنِ کریم کی دیگر آیات کریمہ میں موت سے تعبیر کیا گیا ہے، فرمانِ باری ہے:
﴿ كَيفَ تَكفُرونَ بِاللَّـهِ وَكُنتُم أَموٰتًا فَأَحيـٰكُم ۖ ثُمَّ يُميتُكُم ثُمَّ يُحييكُم ثُمَّ إِلَيهِ تُرجَعونَ ٢٨ ﴾ ... سورة البقرة
﴿ اللَّـهُ الَّذى خَلَقَكُم ثُمَّ رَزَقَكُم ثُمَّ يُميتُكُم ثُمَّ يُحييكُم ۖ هَل مِن شُرَكائِكُم مَن يَفعَلُ مِن ذٰلِكُم مِن شَىءٍ ۚ سُبحـٰنَهُ وَتَعـٰلىٰ عَمّا يُشرِكونَ ٤٠ ﴾ ... سورة الروم
درج بالا دونوں آیات کریمہ میں ہائی لائٹ کردہ موت سے مراد قبر کی برزخی زندگی نہیں تو کیا ہے؟ ليكن یہ دنیاوی اعتبار سے موت ہی ہے۔
![محدث فورم [Mohaddis Forum]](/styles/default/xenforo/Forum.jpg)
