خیر خواھی بجواب ھدایت یا گمراھی

[یوسف ثانی]

خیر خواہی بجواب ہدایت یا گمراہی

السلام و علیکم کلیم بھائی!
اگر فورم انتظامیہ نے ایک ’’جوابی کتاب‘‘ کو اپ لوڈ کیا ہے تو انصاف کا تقاضہ تو یہ ہے کہ اصل کتاب کو بھی اپ لوڈ کیا جائے۔ مجھے نہیں معلوم کہ ’’ہدایت یا گمراہی‘‘ یہاں موجود ہے یا نہیں۔ اگر نہیں ہے تو اسے بھی اپ لوڈ کردیجئے۔
مجھے ذاتی طور پر ان دونوں کتب کے انداز تحریر سے سخت اختلاف ہے۔ دونوں کتب کے مرتبین نے ’’مخالفین‘‘ کے لئے وہی زبان استعمال کی ہے جو غیر مہذب لوگ لڑائی جھگڑے میں ایک دوسرے کے لئے استعمال کرتے ہیں۔ آج کا ایک عام تعلیم یافتہ (مگر دینی تعلیم و تربیت سے دور) جب اس قسم کی تحریریں دیکھتا ہے تو وہ یہی کہتا ہے کہ ایسے ’’مولویوں‘‘ سے اللہ بچائے۔
اس قسم کی تحریروں میں ہر صاحب تحریر نے (اپنے مسلک کے علاوہ باقی سب کو) قادیانی، شیعہ، بریلوی، بہائی، مودودی، دیوبندی وغیرہ وغیرہ سب کو ایک ہی لاٹھی سے ہانکنے لگتے ہیں۔ کیا یہ طرز عمل درست ہے؟
اللہ دین کے نام پر کام کرنے والوں کو عقل سلیم عطا کرے، ’’مخالفین‘‘ کے لئے شائستہ الفاظ کے استعمال کی توفیق دے اور امت مسلمہ کے مختلف مسالک کو قادیانیوں، بہائیوں جیسے ’’گروپ‘‘ سے نتھی کرکے ان ’’گروپس‘‘ کو لا شعوری طور پر ’’اسلام کا ایک مسلک‘‘ ثابت کرنے سے بعض رہنے کی توفیق دے۔ آمین