داؤد راز رحمہ اللہ کی شرح کے الفاظ سمجھنے میں مشکل!

[رضا میاں]

اسلام علیکم،
مختلف علماء کی شروح کو سامنے رکھتے ہوئے صحیح بخاری کی حدیث کی شرح لکھ رہا تھا انگلش میں، تبھی شیخ داؤد راز رحمہ اللہ کی شرح میں کچھ ایسا ملا جس کو سمجھنے میں مشکل محسوس ہوئی، پتہ نہیں زبان کی نا علمی ہے یا واقعی میں ادھر کوئی غلطی ہے، رہنمائی فرما دیں:

امام مالک رحمہ اللہ کے نزدیک ایمان نام ہے تصدیق واذعان کا لیکن ان کے نزدیک ایمان میں زیادتی ممکن ہے اس لیے کہ قرآن میں بعض مسلمانوں کے متعلق فرمایا گیا ہے کہ ان کا ایمان بڑھتا ہے۔ جس طرح مالک رحمہ اللہ کے نزدیک ایمان میں اضافہ ہو سکتا ہے، اسی طرح کبھی وہ اس کی کمی کی صراحت بھی کردیتے ہیں، لیکن ایسا معلوم ہوتا ہے کہ کمی کی صراحت سے وہ رک گئے کیوں کہ انھوں نے اس کا اظہارفرمایا ہے کہ ایمان نام ہے قول وعمل کا وہ گھٹ بھی سکتا ہے اور بڑھ بھی سکتا ہے۔
http://www.kitabosunnat.com/forum/کتب-احادیث-48/مکمل-صحیح-بخاری-اردو-ترجمہ-و-تشریح-جلد-١-حدیث-نمبر-١-7354/#post47174

ہائی لائٹ کی ہوئی لائن پچھلے جملے سے متعارض نہیں؟ اس کا اصل مطلب کیا ہے؟
جزاک اللہ خیرا

 

[ابوالحسن علوی]

مجھے جو بات سمجھ میں آتی ہے وہ یہ کہ ایک یہ قول ہے کہ ایمان بڑھتا ہے اور ایک یہ قول ہے کہ ایمان بڑھ سکتا ہے۔ پہلا قول ایمان کی بڑھوتری پر صریح ہے جبکہ دوسرا صریح نہیں ہے۔
اسی طرح ایک قول یہ ہے کہ ایمان کم ہوتا ہے اور ایک قول یہ ہے کہ ایمان کم ہو سکتا ہے۔ پہلا قول صریح ہے جبکہ دوسرا صریح نہیں ہے۔ واللہ اعلم

 

[رضا میاں]

جزاک اللہ خیرا،
اسی لنک میں ایک لفظ ہے جس کا انگلش میں ترجمہ پتہ نہیں کیا ہو گا، کیونکہ مجھے اس لفظ کا مطلب نہیں پتہ۔ لفظ ہے "بسیط"۔
"صاحب ایضاح البخاری لکھتے ہیں “ بسیط ماننے والوں کی دوجماعتیں ہیں۔۔۔"
اس میں بسیط سے کیا مراد ہے؟ ذرا آسان اردو میں سمجھا دیں۔
جزاک اللہ خیرا