عبد الرشید
رکن ادارہ محدث
- شمولیت
- مارچ 02، 2011
- پیغامات
- 5,725
- ری ایکشن اسکور
- 9,999
- پوائنٹ
- 667
تبصرہ
متحدہ پنجاب کے جن اہل حدیث خاندانوں نے تدریس و تبلیغ اور مناظرات و مباحث میں شہرت پائی ان میں روپڑی خاندان کے علماء کرام کو بڑی اہمیت حاصل ہے ۔روپڑی خاندان میں علم و فضل کے اعتبار سے سب سے برگزیدہ شخصیت حافظ عبد اللہ محدث روپڑی(1887ء۔1964) کی تھی، جو ایک عظیم محدث ،مجتہد مفتی اور محقق تھے ان کے فتاویٰ، ان کی فقاہت اور مجتہدانہ صلاحیتوں کے غماز اور ان کی تصانیف ان کی محققانہ ژرف نگاہی کی مظہر ہیں۔ تقسیمِ ملک سے قبل روپڑ شہر (مشرقی پنجاب) سے ان کی زیر ادارت ایک ہفتہ وار پرچہ ’’تنظیم اہلحدیث‘‘ نکلتا رہا، جو پاکستان بننے کے بعد اب تک لاہور سے شائع ہو رہا ہے۔ محدث روپڑی زندگی بھر تدریس سے بھی وابستہ رہے، قیامِ پاکستان کے بعد مسجد قدس (چوک دالگراں، لاہور) میں جامعہ اہلحدیث کے نام سے درس گاہ قائم کی۔ جس کے شیخ الحدیث اور صدر مدرّس اور ’’تنظیم اہلحدیث‘‘ کے مدیر وغیرہ سب کچھ وہ خود ہی تھے، علاوہ ازیں جماعت کے عظیم مفتی اور محقق بھی۔اس اعتبار سے محدث روپڑی کی علمی و دینی خدمات کا دائرہ بہت وسیع ہے، وہ تدریس کے شعبے سے بھی وابستہ رہے اور کئی نامور علماء تیار کئے، جن میں حافظ عبد القادر روپڑی ،حافظ اسمٰعیل روپڑی ، مولانا ابو السلام محمد صدیق سرگودھوی ، مولانا عبد السلام کیلانی ، شیخ الحدیث حافظ ثناء اللہ مدنی رحمہم اللہ، حافظ عبد الرحمن مدنی حفظہ اللہ ، وغیرہم کے اسمائے گرامی سرفہرست ہیں ۔ ’’تنظیم اہلحدیث‘‘کے ذریعے سے سلفی فکر اور اہلحدیث مسلک کو فروغ دیا اور فرقِ باطلہ کی تردید کی۔ زیر تبصرہ کتاب ’’ درایت تفسیری‘‘مجتہد العصر حافظ عبد اللہ محدث روپڑی رحمہ اللہ کی اصول تفسیر کے موضوع پر ایک اہم اور بے مثال تالیف ہے ۔ اس رسالہ میں بتلایا گیا ہے کہ کن اصولوں پر تفسیر کرنی چاہیے اور صحیح تفسیر کونسی ہے ۔اہل حدیث کے منہج ِتفسیر پر یہ عمدہ کتاب ہے۔اس کتاب کا پہلا ایڈیشن 1333ھ میں 115؍سال قبل امرتسر میں طبع ہوا ۔زیر نظر ایڈیشن 2؍سال قبل مفسر قرآن حافظ عبد الوہاب روپڑی حفظہ اللہ نے تحقیق و تخریج کے ساتھ شائع کیا ہے۔ قدیم ایڈیشن بھی کتاب و سنت سائٹ پر موجود ہے۔(م۔ا)
لنک کتاب
لنک کتاب