دینی قوتیں اسلامی ثقافت بچانے کیلئے میدان میں آئیں: امام کعبہ

[کنعان]

دینی قوتیں اسلامی ثقافت بچانے کیلئے میدان میں آئیں: امام کعبہ

مکہ مکرمہ (مانیٹرنگ ڈیسک) مسجد الحرام کے امام و خطیب الشیخ ڈاکٹر عبدالرحمان السدیس نے دینی قوتوں پر زور دیا ہے کہ وہ اسلامی تہذیب و ثقافت کو مسخ ہونے سے بچانے کے لئے میڈیا کے میدان میں آگے آئیں، طاغوتی قوتیں اسلام کے خوبصورت چہرے کو منفی پراپیگنڈے سے مسخ کر رہی ہیں۔

مرکزی جمعیت اہل حدیث پاکستان کے سربراہ سینیٹر پروفیسر ساجد میر کی قیادت 20 رکنی وفد سے گفتگو کرتے ہوئے امام کعبہ کا کہنا تھا کہ قرآن حکیم میں امت مسلمہ کی عظمت پوشیدہ ہے، قرآن کی تعلیمات پر عمل کرکے فرقہ واریت سے بچاجاسکتا ہے اور اس کی تعلیمات پر عمل کئے بغیر کامیابی ممکن نہیں۔ اُن کا کہنا تھا کہ یہ مقدس کتاب صرف تلاوت کے لئے نہیں بلکہ غوروفکر کرنے، سمجھنے اور عمل کرنے کے لئے نازل کی گئی ہے، قرآن حکیم زندگی کے تمام شعبوں میں رہنمائی فراہم کرتی ہے۔ اُنہوں نے کہا کہ اس کی آیات پر ایمان لانا چاہئے اور زندگی کے تمام امور میں قرآن حکیم سے راہ نمائی لینی چاہیے، مسلمانوں پر لازم ہے کہ قرآنی تعلیمات کی روشنی میں اپنے مقدمات اور جھگڑوں کے فیصلے کریں، مسلمان دنیا میں کہیں بھی رہتے ہوں قرآن کے بغیر کامیابی نہیں کر سکتے۔

امام کعبہ نے کہا کہ اسلام نے عورت کو تحفظ فراہم کیا اور اسے تمام حقوق دئیے، وراثت میں اس کا حق مقرر کیا۔ امام کعبہ نے سربلندی اسلام، امت مسلمہ کی عظمت رفتہ کی بحالی، اتحاد بین المسلمین اور بیت المقدس سمیت دنیائے اسلام کے دیگر مقامات کی بازیابی کیلئے خصوصی دعا مانگی اور پاکستانی وفد کے ارکان میں شیلڈز بھی تقسیم کیں۔

27 جون 2014 (14:50)

 

[قاری مصطفی راسخ]

دعوت دین اور فروغ اسلام کے لئے جدید ذرائع کو استعمال کرنا وقت کی ایک اہم ترین ضرورت ہے۔مگر افسوس کہ ہم اس میدان میں بہت پیچھے رہ گئے ہیں۔مرکزی جمعیت اہل حدیث پاکستان کے زیر اہتمام پیغام ٹی وی کا اجراء ایک نہایت ہی عمدہ کاوش ہے،اور اس میدان میں ایک خوبصورت قدم کا نزول ہے۔اللہ کرے یہ کام آگے بڑھتا جائے اور اسلام کاصحیح پیغام دنیا کے کونے کونے تک جا پہنچے۔

 

[محمد عامر یونس]

دعوت دین اور فروغ اسلام کے لئے جدید ذرائع کو استعمال کرنا وقت کی ایک اہم ترین ضرورت ہے۔مگر افسوس کہ ہم اس میدان میں بہت پیچھے رہ گئے ہیں۔مرکزی جمعیت اہل حدیث پاکستان کے زیر اہتمام پیغام ٹی وی کا اجراء ایک نہایت ہی عمدہ کاوش ہے،اور اس میدان میں ایک خوبصورت قدم کا نزول ہے۔اللہ کرے یہ کام آگے بڑھتا جائے اور اسلام کاصحیح پیغام دنیا کے کونے کونے تک جا پہنچے۔

آمین یا رب العالمین