دین میں تقلید کا مسئلہ

[محمد ارسلان]

السلام علیکم
"دین میں تقلید کا مسئلہ" ایک اچھی کتاب ہے۔میں کوشش کروں گا کہ اس کتاب سے اقتباس پیش کیا کروں۔ان شاءاللہ

 

[محمد ارسلان]

بسم اللہ الرحمن الرحیم​

اہلحدیث(محدثین اور ان کے عوام)کا آل تقلید(مثلا دیوبندی،بریلوی اور ان جیسے دوسرے لوگ)کے ساتھ ایمان و عقائد اور اصول کے بعد ایک بنیادی اختلاف مسئلہ تقلید شخصی پر ہے۔تقلیدی حضرات اس بنیادی اختلافی موضوع سے راہ فرار اختیار کرتے ہوئے اور چالاکی سے تقلید مطلق پر بحث و مباحثہ اور مناظرے جاری رکھتے ہیں مگر تقلید شخصی پر کبھی بحث و مباحثہ اور تحقیق کے لئے تیار نہیں ہوتے۔اشرف علی تھانوی صاحب جن کے پاوں دھو کر پینا (دیوبندیوں کے نزدیک)نجات اخروی کا سبب ہے۔(دیکھئے تذکرہ الرشید ج1ص113)فرماتے ہیں:
مگر تقلید شخصی پر تو کبھی اجماع بھی نہیں ہوا۔(تذکرہ الرشید ج1ص131)
تقلید شخصی کے بارے میں محمد تقی عثمانی صاحب لکھتے ہیں :
یہ کوئی شرعی حکم نہیں تھا بلکہ ایک انتظامی فتوی تھا۔(تقلید کی شرعی حیثیت ص65طبع ششم 1413ھ)
انتہائی افسوس کا مقام ہے کہ اس غیر شرعی حکم کو ان لوگوں نے اپنے آپ پر واجب قرار دیا اور کتاب و سنت سے دور ہوتے گئے ۔
احمد یار نعیمی (بریلوی) لکھتے ہیں:
شریعت و طریقت دونوں کے چار چار سلسلے یعنی حنفی،شافعی،مالکی ،حنبلی اسی طرح قادری،چشتی،نقشبندی،سہروردی یہ سب سلسلے بالکل بدعت ہیں۔(جاء الحق ج1ص222طبع قدیم ،بدعت کی قسموں کی پہچانیں اور علامتیں)
انتہائی افسوس کا مقام ہے کہ یہ لوگ اپنے بدعتی ہونے کا اعتراف کرنے کے باوجود ،بدعات کی تقسیم کر کے بعض بدعات کو اپنے سینوں پر سجائے بیٹھے ہیں۔

(دین میں تقلید کا مسئلہ ،صفحہ4-5)​

 

[آفتاب]

انتہائی افسوس کا مقام ہے کہ اس غیر شرعی حکم کو ان لوگوں نے اپنے آپ پر واجب قرار دیا ۔

احناف نے کب واجب قرار دیا ۔ حوالہ دیں

 

[محمد ارسلان]

احناف نے کب واجب قرار دیا ۔ حوالہ دیں

تقلید شخصی کے بارے میں محمد تقی عثمانی صاحب لکھتے ہیں :

یہ کوئی شرعی حکم نہیں تھا بلکہ ایک انتظامی فتوی تھا۔(تقلید کی شرعی حیثیت ص65طبع ششم 1413ھ)

جب تقی عثمانی صاحب خود کہہ رہے ہیں کہ یہ کوئی شرعی حکم نہیں۔(اس کا مطلب ہے یہ چیز شریعت سے باہر ہے) اور پھر بھی اس پر کوئی اس قدر ڈھٹائی سے جما رہے کہ قرآن و حدیث کی بات کے آگے اپنے امام کی تقلید کو ترجیح دے تو واجب کے علاوہ اور کون سا لفظ استعمال کیا جا سکتا ہے۔علاوہ ازیں اگر واجب نہیں ہے تو پھر چھوڑ دو۔

 

[آفتاب]

پھر بھی اس پر کوئی اس قدر ڈھٹائی سے جما رہے کہ قرآن و حدیث کی بات کے آگے اپنے امام کی تقلید کو ترجیح دے

اپنی بات ثابت کریں کہ احناف کہاں قرآن و حدیث کے مقابلے میں اپنے امام کی تقلید کو ترجیح دیتے ہیں

 

[محمد ارسلان]

دارالافتاء والارشاد ناظم آباد کراچی کے مفتی محمد(دیوبندی)لکھتے ہیں:
مقلد کے لیے اپنے امام کا قول ہی سب سے بڑی دلیل ہے۔(ضرب مومن جلد3شمارہ15ص6مطبوعہ9تا15۔ اپریل ١٩٩٩)

(دین میں تقلید کا مسئلہ صفحہ80)​

 

[راجا]

احناف نے کب واجب قرار دیا ۔ حوالہ دیں

اپنی بات ثابت کریں کہ احناف کہاں قرآن و حدیث کے مقابلے میں اپنے امام کی تقلید کو ترجیح دیتے ہیں

یہ لیجئے جناب۔۔! دونوں سوالات کا جواب یکجا۔ صرف اس لئے تاکہ بات مختصر اور ٹو دی پوائنٹ رہے ورنہ ایسے حوالہ جات کی کوئی کمی نہیں۔ انصاف شرط ہے!

محمود الحسن دیوبندی فرماتے ہیں:
والحق والانصاف ان الترجیح للشافعی فی ھذہ المسالۃ ونحن مقلدون یجب علینا تقلید امامنا ابی حنیفۃ۔
کہ حق اور انصاف یہ ہے کہ خیار مجلس کے مسئلہ میں امام شافعی کو ترجیح حاصل ہے لیکن ہم مقلد ہیں ہم پر امام ابوحنیفہ کی تقلید واجب ہے۔
(تقریر ترمذی، جلد 1، صفحہ 49)

 

[محمد ارسلان]

جزاک اللہ خیرا راجا بھائی۔

 

[عمران ناصر]

بسم اللہ الرحمن الرحیم

احناف نے کب واجب قرار دیا ۔ حوالہ دیں

تو پھر حنفیت پہ اتنا اصرار کس لئیے ، حنفی کہلانے پہ اصرار کس لئیے اور اتنی قیل و قال کس لیئے میرے بھائی؟

 

[ناصر رانا]

یہ لیجئے جناب۔۔! دونوں سوالات کا جواب یکجا۔ صرف اس لئے تاکہ بات مختصر اور ٹو دی پوائنٹ رہے ورنہ ایسے حوالہ جات کی کوئی کمی نہیں۔ انصاف شرط ہے!

محمود الحسن دیوبندی فرماتے ہیں:
والحق والانصاف ان الترجیح للشافعی فی ھذہ المسالۃ ونحن مقلدون یجب علینا تقلید امامنا ابی حنیفۃ۔
کہ حق اور انصاف یہ ہے کہ خیار مجلس کے مسئلہ میں امام شافعی کو ترجیح حاصل ہے لیکن ہم مقلد ہیں ہم پر امام ابوحنیفہ کی تقلید واجب ہے۔
(تقریر ترمذی، جلد 1، صفحہ 49)

بھائی اللہ تعالی ہمیں " میں نا مانوں " سے بچاے، آمین