رسمِ عثمانی کی شرعی حیثیت اور تبدیلی سے متعلق فتاوی جات

[ساجد]

٭ رسول اللہﷺ سے اتصال سند کا ذریعہ
اُمت محمدیہ اس معاملہ میں تمام اُمتوں سے ممتاز ہے کہ اس کا ہر فرد جو کسی استاد سے مشافہۃ قرآن مجید کا کوئی حصہ پڑھتا ہے تو اس کا سلسلہ سند رسول اللہﷺ تک پہنچتا ہے۔ چنانچہ رسم عثمانی چونکہ رسول اللہﷺ سے منقول ہونے کی وجہ سے صحابہ کرام ؓ کے اجماع کے بعد ہم تک پہنچا۔اس لیے رسم عثمانی کے مطابق مصحف کی قراء ت براہ راست رسول اللہﷺ کی تعلیمات اور ان کے دیئے ہوئے رسم کے موافق ہوگی۔ نتیجتاً رسم عثمانی قرآن مجید پڑھنے والے کا سلسلہ سند رسول اللہﷺ تک پہنچانے کا ذریعہ بنے گا۔

 

[ساجد]

٭ اہل کتاب کی تحریفات سے حفاظت کا ذریعہ
بعض علماء نے رسم عثمانی کے اسرار و رموز میں قابل ذکر بات فرمائی ہے کہ قرآن مجید کا مذکورہ رسم دراصل اہل کتاب کے لیے ایک حجاب ہے اور پردہ کا ذریعہ ہے، تاکہ وہ قرآن مجید میں اپنی کتب کی طرح اپنی تحریفات کا دروازہ نہ کھول سکیں۔ لہٰذا رسم عثمانی امت مسلمہ کے لیے انعام الٰہی ہے جس کے ذریعے غیر شعوری طور پر قرآن مجید کی حفاظت کاانتظام ہر وقت موجود رہا ہے۔ (رسم عثمانی اور اس کی شرعی حیثیت:ص۲۶۲)

 

[ساجد]

٭ شکل اور حروف میں ا صل پر دلالت:
مثلاً اصل کے اعتبار سے حرکات کو حروف کی شکل پر لکھنا، جیسے وإیتاء ذی القربیٰ،سأوریکم، ولأوضعوا یا الف کے بدلے میں واؤ لکھنا ،جیسے الصلوٰۃ،الزکوٰۃ

 

[ساجد]

٭ بعض فصیح لغات پر دلالت
جیسے ہائے تانیث کو قبیلہ ’طی‘ کی لغت میں تاء مجرورۃ کی شکل میں لکھا جاتا ہے اور قبیلہ ہذیل کی لغت میں بلا جازم فعل مضارع سے یاء حذف کر دی جاتی ہے اور قرآن مجید میں اس کی مثال ’’ یَوْمَ یَاْتِ لَا تُکَلَّمُ نَفْسٌ‘‘ہے۔

 

[ساجد]

٭ بعض کلمات میں وصل وقطع سے مختلف فوائد کا حصول
رسم عثمانی کی ایک عظیم الشان خصوصیت یہ ہے کہ اس میں موجود قاعدہ وصل و فصل کی بدولت مفصول کلمات میں ایک سے زائد معانی کا پتہ چلتا ہے، جیسے أم من یکون،أمن یمشی سویا، اگر اَم کو مَنْ سے علیحدہ لکھا جائے تو بلکا معنی دیتا ہے۔ مذکورہ دونوں مثالوں میں سے پہلی مثال میں اَم بمعنی بل ہے۔

 

[ساجد]

٭ ایک رسم کے ساتھ لکھے ہوئے لفظ سے مختلف قراء ات کا حصول
مثلاً وما یخدعون إلا أنفسھم اور وتمت کلمت ربک میں اگر پہلے لفظ کو یخادعون لکھا جاتا تو یخدعون کی قراء ت فوت ہوجاتی اور دوسرے لفظ میںکلمات لکھا جاتا توکلمت مفرد کی قراء ت فوت ہوجاتی۔
٭ قرآن مجید کے محافظ علوم کی عظمت ِ شان کو سامنے رکھتے ہوئے تلاوت کا حق ادا کرنا۔
٭ عامۃ الناس کو اسلا ف کی خدمات اور کتابت کی ابتدائی ہیئت و کیفیت سے متعارف کروانا۔

٭_____٭_____٭​