زیادہ پانی پینے سے حمق پیدا ہوتا ہے؟

[کنعان]

السلام علیکم

محترم بھائی، بیماری میں علاج کروانا چاہئے، اور علاج ادویات سے ہی آپکا ہو رہا ہو گا آپکی بیماری میں آپکو پانی کی ضروررت ھے جس سے پتھری پشاب کے ذریعے ذائل ہوتی ھے، ادویات کا کام ھے جس کے اندر پتھری کو ریزہ ریزہ کرنا اور پانی کا کام ھے پشاب کے راستے اسے خارج کرنا۔ اس لئے آپ ڈاکٹری نسخہ کے مطابق پانی کا جتنا استعمال آپکو کہا گیا ھے اسے کریں۔ ڈاکٹری نسخہ کے مطابق ایک تندرست آدمی کے لئے روزانہ ٦ سے ٨ کپ/ گلاس پینے چاہئیں۔ خیال رہے یہ تندرست انسان کے لئے ہیں، ڈاکٹر جسے پانی زیادہ پینے کو کہتے ہیں وہ اس کا تعلق ان کی بیماری سے ہوتا ھے۔ اگر کوئی احدیث مبارکہ کی روشنی میں آپکو دلیل سے زیادہ پانی پینا منع کرتا ھے تو پھر میری رائے کو رد کر دیں۔

والسلام

 

[Dua]

اور یہ بھی واضح رہے اسی وقت آخری وقت میں رزق بھی تقسیم ہوتا ہے

السلام علیکم و ر حمتہ اللہ و بر کاتہ ،

دین اسلام ہر چیز میں اعتدال کا درس دیتا ہے ، اسی طرح پانی کی مثال ہے۔
لیکن بھائی یہ جو رزق کے حوالے سے آپ نے بات کی ، کیا اس کی کوئی دلیل بھی ہے ؟؟؟ حوالہ ضرور دیں۔
جزاک اللہ خیراً

 

[نسرین فاطمہ]

ان تمام بھائیوں اوربہنوں سے گزارش کروں گا جن کو اس مسئلہ کے بارے میں کوئی مستند معلومات ہیں تو یہاں ضرور شئیر کریں اور خصوصا محترمہ بہن نسرین فاطمہ سے گزارش کروں گا جو ہومیوپیتھک ڈاکٹر بھی ہیں کہ وہ اپنی رائے ضرور دیں۔

میری نظر اس تھریڈ پر آج گئی ہے جس کی میں معذرت خواہ ہوں میں ان شآاللہ جلد ہی اس حوالے سے
متعلق معلومات شئیر کرتی ہوں

 

[قاری مصطفی راسخ]

ہر آدمی اپنے جسم کا بہترین طبیب ہوتا ہے ،بعض کے لءے پانی پینا اگر مفید ہے تو بعض کے لءے نقصان دہ بھی ہے،

 

[طاہرمحمودسلفی]

آپ نے اکثر یہ پڑھا اور سنا ہوگا کہ اچھی صحت کے لیے روزانہ پانی کے آٹھ گلاس پینے چاہیں۔ جب کہ اس کا حقیقت سے کوئی تعلق نہیں ہے۔ ایک انسان کو روزانہ کتنا پانی درکار ہوتا ہے ؟ اس کا انحصار کئی عوامل پر ہے۔ مثلاً اس کی رہائش سرد یا گرم علاقے میں ہے؟ اس کی عمر، وزن اور قدکاٹھ کتنا ہے؟ وغیرہ۔
آٹھ گلاس کے مفروضے کی بنیاد غالباً 1945ء میں نیوٹریشن کونسل کے تحت کی جانے والی ایک سائنسی تحقیق ہے ۔ جس میں بتایا گیا تھ کہ ایک بالغ انسان روزانہ 64 اونس یا تقریباً آٹھ گلاس مائع استعمال کرتا ہے۔ مائع سے مراد پانی، چائے، شربت، کھانے، پھلوں، سبزیوں اورخوراک کی دیگر اشیاء میں قدرتی طور پرموجود پانی ہے۔
خیال یہ ہے کہ وقت گذرنے کے ساتھ 'مائع' کا لفظ پانی میں بدل گیا اور یہ جملہ کہ ایک بالغ انسان تقریباً آٹھ گلاس مائع روزانہ استعمال کرتا ہے، غلط العام ہوکریہ بن گیا کہ ایک بالغ انسان کو روزانہ آٹھ گلاس پانی پینا چاہیے۔
واللہ اعلم

 

[یوسف ثانی]

“زیادہ” پانی پینا۔ مگر “زیادہ” کتنا ہے اور “کم کتنا” اس کا “فیصلہ” کون کرے گا۔ غالباً قرآن و حدیث میں تو اس کا ذکر نہیں ملتا کہ ایک عام صحت مند آدمی کو “کتنا” پانی پینا چاہئے۔ اور نہ ہی کہیں یہ “ہدایت” ملتی ہے کہ پانی “کم” یا “زیادہ” پہنا چاہئے۔ جب اس بارے مین قرآن اور حدیث خاموش ہے اور یہ کوئی “دین کا مسئلہ” بھی نہیں ہے تو پھر اس کے لئے ہمیں طبی ماہرین سے رجوع کرنا چاہئے۔ آج 12 ستمبر 2013 کے روزنامہ جنگ کراچی کی اہم تازہ ترین خبروں میں یہ خبر بھی موجود ہے:

زیادہ پانی پینا بھی صحت کے لئے نقصان دہ ہوسکتا ہے: تحقیق
نیویارک۔۔۔ این جی ٹی۔۔۔۔ عام طور پر خیال کیا جاتا ہے کہ زیادہ پانی پینا صحت کے لئے فائدہ مند ہے۔ لیکن طبی ماہرین نے اس تصور کو غلط قرار دیا ہے۔ ماہرین کا کہنا ہے کہ غیر ضروری طور پر پانی کے استعمال سے جسم میں مائع کی مقدار غیر مناسب حد تک بڑھ جاتی ہے جو سوڈیم کی مقدار کو کم کردیتا ہے۔ ماہرین کا کہنا ہے کہ ٹی وی پروگرامز اور اشتہارات میں زیادہ سے زیادہ پانی استعمال کرنے پر زور دیا جاتا ہے، جو درست نہیں ہے۔ ماہرین کے مطابق ساٹھ سے ستر کلوگرام وزن کے ایک عام انسان کو دن میں دو لٹر سے زیادہ پانی نہیں پینا چاہئے۔ (خبر کا اختتام)


دو لٹر کا مطلب ہے دس گلاس (عام سائز) پانی۔ عام طور سے ایک انسان بارہ گھنٹہ متحرک یعنی فعال رہتا ہے۔ بقیہ بارہ گھنٹوں میں سے تین چار گھنٹے “غیر فعال” جبکہ کم و بیش آٹھ گھنٹہ سویا رہتا ہے۔ گویا اسے اپنے بارہ فعال گھنٹوں میں دس گلاس پانی پینا ہے، اگر اس کا وزن 60-70 کلوگرام ہے۔ (اوسطاً ہر گھنٹہ میں ایک گلاس پانی) وزن اس سے کم ہو تو آٹھ گلاس اور زیادہ ہوتو بارہ گلاس تک پانی پینا چاہئے۔ پانی کی یہی مقدار طبی ماہرین کے مطابق “موزوں مقدار” ہے۔ اس سے کم پانی پینا بھی نقصان دہ ہے اور اس سے زیادہ بھی۔ الا یہ کہ انسان کسی مرض میں مبتلا ہو اور اُسے ڈاکٹر نے پانی پینے سے متعلق کوئی خصوصی ہدایات دے رکھی ہو۔واضح رہے کہ اس “دو لٹر پانی” میں وہ “سب کچھ” شامل ہے، جو انسان دن بھر “پیتا” رہتا ہے، جیسے سادہ پانی، شربت، دودھ، لسی، چائے، کافی وغیرہ وغیرہ۔ ہاں اس “پینے” میں سگریٹ، حقہ، سگار وغیرہ شامل نہیں ہیں (ابتسامہ)

 

[طاہرمحمودسلفی]

جزاک اللہ یوسف ثانی بھائی

 

[نوشاد نوری]

صحیح بات یہی ھے کھ عام حالات مین پانی اعتدال سے پینا چاھیے لیکن علاج کے لے زیادہ پیا جا سکتا یے
طبی تحقیق کے لیے ڈاون لوڈ کرین "علاج جمیع الامراٖٖض بالمای" گوگل پلے سے

 

[سرفراز فیضی]

موجودہ سائنس اس بات کوتسلیم نہیں کرتی کہ زیادہ پانی پینا انسان کے لیے مفید ہے ۔اصل یہی ہے کہ پانی کتنی مقدار میں پینا انسان کےلیے ضروری ہے یہ خود انسان کے دماغ میں لگا سینسر پیاس کی شکل میں بتا دیتا ہے ۔ پیاس لگے بغیر پانی پینا انسان کے مفید نہیں ۔

 

[محمد شاہد]

میری نظر اس تھریڈ پر آج گئی ہے جس کی میں معذرت خواہ ہوں میں ان شآاللہ جلد ہی اس حوالے سے
متعلق معلومات شئیر کرتی ہوں

یاددہانی