سورۃ الفاتحہ سے پہلے دعائے استفتاح

[محمد ارسلان]

بسم اللہ الرحمن الرحیم

السلام علیکم ورحمۃ اللہ وبرکاتہ
اگر نماز میں اس وقت شامل ہوں جب امام سورۃ الفاتحہ پڑھ چکا ہو تو کیا آدمی سورۃ فاتحہ سے پہلے جو اللہ کی حمد والی دعا ہے وہ بھی لازمی پڑھے یا صرف سورۃ فاتحہ پڑھ لے تو نماز ہو جائے گی پہلی رکعت میں۔

 

[ابوالحسن علوی]

وعلیکم السلام ورحمۃ اللہ وبرکاتہ
اس مسئلے میں اہل علم کا اختلاف ہے۔ اہل الحدیث کے علماء میں بھی اس بارے دو رائے پائی جاتی ہیں کہ جہری نمازوں میں امام کے پیچھے فاتحہ پڑھنی چاہیے یا نہیں۔امام مالک،امام ابن تیمیہ اور امام احمد بن حنبل رحمہمم اللہ سری نمازوں میں سور ۃ فاتحہ کے قائل ہیں جبکہ جہری نمازوں میں خاموشی سے سننے کے قائل ہیں۔ راقم کا رجحان بھی اسی رائے کی طرف ہے۔اس رائے کے مطابق امام کے تلاوت کے دوران سورۃ فاتحہ یا کوئی دعا پڑھنا درست نہیں ہےبلکہ خاموشی سے امام کی قراءت سننی چاہیے۔ اس کی دلیل کے طور امام ابن تیمیہ رحمہ اللہ نے قرآن کی آیت مبارکہ واذا قری القرآن فاستمعوا لہ وانصتوا لعلکم ترحمون نقل کی ہے۔
دوسری رائے امام شافعی رحمہ اللہ اور اہل الظاہر اور جمہور اہل الحدیث کی ہے جس کے مطابق سری اور جہری دونوں نمازوں میں سورہ فاتحہ پڑھنا واجب ہے۔ شیخ بن باز اور شیخ صالح عثیمین رحمہما للہ وغیرہ اسی رائے کے قائل ہیں۔اس رائے کے مطابق استثناء صرف سورۃ فاتحہ کو حاصل ہے اور امام کے پیچھے صرف سورہ فاتحہ ہی تلاوت کی جا سکتی ہے۔

 

[عمران اسلم]

معذرت کے ساتھ عرض ہے کہ ابوالحسن علوی صاحب سوال کو صحیح طرح سمجھ نہیں سکے۔ سوال یہ تھا کہ جب آدمی جماعت کے ساتھ اس وقت ملے جب امام سورۃ فاتحہ پڑھ چکا ہو تو کیا وہ دعائے استفتاح یعنی ’اللہم باعد بینی....‘ یا سبحانک اللہم...‘ پڑھے گا یا صرف سورۃ فاتحہ پڑھنے سے نماز مکمل ہو جائے گی؟ ابوالحسن علوی بھائی سے استدعا ہے کہ اس کا جواب عنایت فرما کر مشکور ہوں۔

 

[راجا]

علوی صاحب غالباً اس معاملے میں تفرد کا شکار ہیں۔ ورنہ اکابر علمائے اہلحدیث تو اس موضوع پر متفق ہیں کہ سورہ فاتحہ نماز کا ایک رکن ہے اور سری و جہری دونوں قسم کی نمازوں میں سورہ فاتحہ کے بغیر نماز نہیں ہوتی۔ بلکہ خود کتاب و سنت ڈاٹ کام پر ایک بہت تحقیقی کتاب موجود ہے توضیح اکلام از شیخ ارشاد الحق اثری حفظہ اللہ۔ نیز اس کتاب کا جو جواب دیا گیا تھا اس کا جواب الجواب بھی موجود ہے۔ میرے خیال سے اس موضوع پر اس سے زیادہ جامع مواد اردو میں تو موجود نہیں۔ علوی صاحب اور دیگر لوگوں سے بھی گزارش ہے کہ اس کتاب کا ضرور مطالعہ فرمائیں۔

 

[محمد ارسلان]

معذرت کے ساتھ عرض ہے کہ ابوالحسن علوی صاحب سوال کو صحیح طرح سمجھ نہیں سکے۔ سوال یہ تھا کہ جب آدمی جماعت کے ساتھ اس وقت ملے جب امام سورۃ فاتحہ پڑھ چکا ہو تو کیا وہ دعائے استفتاح یعنی ’اللہم باعد بینی....‘ یا سبحانک اللہم...‘ پڑھے گا یا صرف سورۃ فاتحہ پڑھنے سے نماز مکمل ہو جائے گی؟ ابوالحسن علوی بھائی سے استدعا ہے کہ اس کا جواب عنایت فرما کر مشکور ہوں۔

السلام علیکم
عمران بھائی آپ جواب دے دیں نا کیا آپ کو اس بارے میں معلوم ہے؟
اور علوی صاحب نے جو یہ بات لکھی کہ اس بارے میں اہلحدیث کے علماء میں اختلاف ہے تو میرا خیال ہے کہ یہ بات غلط ہے کیونکہ میں نے جتنے بھی اہلحدیث علماء سےسنا ہے یا ان کی کتابیں پڑھی ہیں وہ سب اس بات پر متفق نظر آتے ہیں کہ سورہ فاتحہ کا پڑھنا لازمی ہے۔

 

[ابوعمر]

السلام وعلیکم ورحمتہ اللہ وبرکاتہ

کتاب وسنت پر فاتحہ خلف الامام بشمول دو فتوے سکتات اور آمین از الشیخ ابو محمد بدیع الدین راشدی کی تالیف موجود ہے جس کے صفحہ نمبر 51 پر اس کے متعلق فتوی موجود ہے۔

ایک مفید کتاب نصر الباری فی تحقیق جزء القراۃ للبخاری بھی ہے

فی امان اللہ

 

[محمد ارسلان]

جزاک اللہ خیرا ابو عمر بھائی

 

[ٹائپسٹ]

ماشاء اللہ سورۃ فاتحہ کے پڑھنے کا مسئلہ آپ کے دیئے ہوئے لنک کا مطالعہ کرنے سے حل ہوا، لیکن جو سوال یہاں کیا گیا ہے وہ اب بھی باقی، یا یہ کہ اس فتوے سے یہی سمجھا جائے کہ اگر فاتحہ کے علاوہ کچھ اور پڑھنے کا موقع نہیں ہے تو صرف فاتحہ پر ہی اکتفا کر لیا جائے؟ اس کا جواب علماء دیں۔

 

[رفیق طاھر]

رسول اللہ صلى اللہ علیہ وسلم نے نماز کے آغاز میں دعائے استفتاح سکھائی ہے ۔ یہ ہر اس شخص کے لیے جو نماز کی پہلی رکعت کا آغاز کرے خواہ امام فاتحہ پڑھ چکا ہو یا نہ
ہر شخص جو نماز کی پہلی رکعت کا آغاز کرے وہ یہ دعاء ضرور پڑھے ۔
سورۃ الفاتحہ کے مسئلہ پر اگر مزید معلومات درکار ہو تو یہ آڈیو سماعت فرمائیں ۔
دين خالص || فاتحہ خلف الإمام
دين خالص || سورۃ الفاتحہ 1

 

[رفیق طاھر]

ماشاء اللہ سورۃ فاتحہ کے پڑھنے کا مسئلہ آپ کے دیئے ہوئے لنک کا مطالعہ کرنے سے حل ہوا، لیکن جو سوال یہاں کیا گیا ہے وہ اب بھی باقی، یا یہ کہ اس فتوے سے یہی سمجھا جائے کہ اگر فاتحہ کے علاوہ کچھ اور پڑھنے کا موقع نہیں ہے تو صرف فاتحہ پر ہی اکتفا کر لیا جائے؟ اس کا جواب علماء دیں۔

حالت قیام میں اگر صرف اور صرف سورۃ الفاتحہ ہی پڑھ لی جائے اور کچھ بھی نہ پڑھا جائے تو رکعت ہو جاتی ہے۔
لیکن بہر حال یہ ضرور ہے کہ نماز کے اجر وثواب میں کمی واقع ہوتی ہے ۔
یعنی جس شخص نے سورۃ الفاتحہ کے بعد سری نمازوں میں امام کے پیچھے یا امامت کے دوران یا انفرادی طور پر نماز پڑھتے ہوئے کوئی اور سورۃ تلاوت کی اسکو تلاوت نہ کرنے والے سے زیادہ ثواب ملے گا۔
اسی طرح دعائے استفتاح نہ پڑھنے والا دعائے استفتاح کے ثواب سے محروم ہو جائے گا۔
لیکن اسکی نماز کی صحت پر کوئی فرق نہیں پڑے گا ۔ اسکی نماز صحیح ہوگی ۔