شکیب اپنے تعارف کے لیے یہ بات کافی ہے

[شکیب]

تعارف ایک ضروری چیز ہے۔ تعارف نہ کرایا جائے تو بعض اوقات دولہے بدل جاتے ہیں، اور دلہنیں اپنی نصیب پر رشک اور دولہے ماتم کرنے لگتے ہیں۔ غلط تعارف سے پرہیز کرنا چاہیے۔ یہ گناہ ہے۔ اور گناہ سے اللہ پاک ناراض ہوتے ہیں۔ فیس بک پر آپ کو بہت سے غلط تعارف ملیں گے، جو لڑکی بننے کی کوشش کررہے ہوتے ہیں۔ پتہ نہیں انہیں لڑکی کہلانے کا شوق ہوتا ہے یا بننے کا۔۔۔یا دونوں کا۔ اُن کی دیرینہ خواہش فیس بک پر بخوبی پوری ہوجاتی ہے۔۔۔ دیکھا گیا ہے کہ غلط تعارف پر لائیکس اور کمنٹس کثرت اور "شدت" سے آتے ہیں۔ لیکن ان "شدت پسند" عاشقوں کو خبر ہی نہیں ہوتی کہ وہ ایک ہم صنف داڑھی والے سے ہی عشق لڑا رہے ہیں۔شکیب جلالی ایک شاعر گزرے ہیں۔ جناب کہتے ہیں کہ
"شکیب اپنے تعارف کے لیے یہ بات کافی ہے
ہم اس سے بچ کے چلتے ہیں جو رستہ عام ہوجائے"
اب میں شکیب جلالی تو نہیں، لیکن شکیب احمد ضرور ہوں، میرے نام کے آگے لگا فقیر ایک راز ہے۔۔۔میرے رجسٹر کرنے کے وقت یہ میسج آرہا تھا کہ "شکیب احمد" نامی ممبر فورم پہ پہلے سے موجود ہے، سو نام بدل ڈالیے۔ بھلا آپ ہی بتائیں میں اپنا نام بدلوں گا تو والدین ناراض نہیں ہوجائیں گے؟ بس، تو اس عاجز نے فقیر کا اضافہ کردیا۔ میں اس شکیب سے ضرور ملنا چاہوں گا جس کی وجہ سے میری شناخت مجروح ہونے کا خدشہ ہوا۔:ڈ
فقیری میرا پیشہ نہیں، میرا تعارف ہے۔۔۔فقیر شکیب عفی عنہ لکھتا ہوں، لیکن "عفی عنہ" کے "ہ" کو بھی ایک چوکور ڈبہ دکھا رہا تھا۔۔۔۔میں نے عفی عنی عفی عنی عفی عنی کا ورد کرتے ہوئے فقیر شکیب احمد کو اوکے کردیا۔ آپ بھی اوکے کردیں۔ شکریہ! جزاک اللہ۔
تعارف تو میرا ہوگیا، شاید آپ کو خبر نہیں ہوئی! لیکن ہوگیا۔

 

[محمد نعیم یونس]

السلام علیکم ورحمۃ اللہ وبرکاتہ!
اول سلام بعد کلام
محترم شکیب بھائی!
يَا أَيُّهَا النَّاسُ أَنتُمُ الْفُقَرَ‌اءُ إِلَى اللَّـهِ ۖ وَاللَّـهُ هُوَ الْغَنِيُّ الْحَمِيدُ
اس آیت کے مطابق ہم سب بھی فقیر ہیں۔ اس لیے آپ کو فقراء کی مجلس میں خوش آمدید کہا جاتا ہے۔
اھلا وسھلا مرحبا!

 

[شکیب]

سمعت قال النبی علیہ السلام۔۔۔۔الفقر فخری
او کما قال۔

 

[شکیب]

اپنی بابت بھی کچھ فرمائیں @محمد نعیم یونس بھائی

 

[محمد نعیم یونس]

اپنی بابت بھی کچھ فرمائیں @محمد نعیم یونس بھائی

السلام علیکم ورحمۃ اللہ وبرکاتہ!
یہاں کچھ عرض کیا ہوا ہے

 

[شکیب]

جزاک اللہ۔ آپ تو اونچی چیز معلوم ہوتے ہیں۔ اللہ ترقی دے۔
بھائی یہ خضر حیات صاحب "مماتی" ہیں کیا؟ نیز کیا آپ بتاسکتے ہیں کہ کون کون سی مشہور شخصیات اس فورم پر موجود ہیں؟ کسی بھی فرقے کے۔

 

[محمد عامر یونس]

السلام علیکم ورحمۃ اللہ وبرکاتہ!
خوش آمدید !
اھلا وسھلا مرحبا!

 

[محمد عامر یونس]

جزاک اللہ۔ آپ تو اونچی چیز معلوم ہوتے ہیں۔ اللہ ترقی دے۔
بھائی یہ خضر حیات صاحب "مماتی" ہیں کیا؟ نیز کیا آپ بتاسکتے ہیں کہ کون کون سی مشہور شخصیات اس فورم پر موجود ہیں؟ کسی بھی فرقے کے۔

شیخ @خضر حیات بھائی کو ٹیگ کر دیا ہے وہ ہی آپ کو اپنا تعارف کرا دے گے

 

[شاہد نذیر]

ماشاء اللہ! بہت دلچسپ تعارف ہے جو بھائی کی ادبی شخصیت کا پتا دے رہا ہے۔ فورم پر خوش آمدید

 

[محمد عامر یونس]

السلام علیکم :

بھائی فقیر شکیب احمد پہلے آپ تو اپنا تعارف کرا دے تفصیل کے ساتھ