عبد الرشید
رکن ادارہ محدث
- شمولیت
- مارچ 02، 2011
- پیغامات
- 5,651
- ری ایکشن اسکور
- 9,999
- پوائنٹ
- 667
تبصرہ
جنگِ صفین 37 ہجری (657ء) میں صفین کے مقام پر سیدنا علی بن ابی طالب رضی اللہ عنہ اور سیدنا معاویہ بن ابی سفیان رضی اللہ عنہ کے درمیان ہوئی۔ اس جنگ کا بنیادی سبب حضرت عثمان رضی اللہ عنہ کے قاتلوں سے قصاص لینے کے طریقۂ کار پر اختلاف تھا۔جبکہ جنگِ نہروان 38 ہجری (658ء) میں حضرت علی رضی اللہ عنہ اور خوارج کے درمیان نہروان کے مقام پر لڑی گئی۔ خوارج وہ گروہ تھا جو ابتدا میں حضرت علی رضی اللہ کے لشکر میں شامل تھا، مگر تحکیم کے فیصلے کے بعد اس نے حضرت علی رضی اللہ اور حضرت معاویہ رضی اللہ دونوں کی مخالفت شروع کر دی اور مسلمانوں کے خلاف مسلح کارروائیاں کرنے لگا۔ زیرنظر کتاب ’’ صحیح اخبارِ صفین و نہروان ‘‘ڈاکٹر فواز بن فرحان الشمری حفظہ اللہ کی تصنیف ہے فاضل مصنف نے اس کتاب میں عہدِ صحابہ میں رونما ہونے والے بعض اختلافات اور مشاجرات کے حالات و واقعات صحیح اسانید اور مستند روایات کی روشنی میں بیان کیے ہیں ۔ جنگ صفین اور معرکہ نہروان کے بعد جو نتائج سامنے آئے ہیں ان کے متعلق یہ اولین مستند تحقیقی کتاب ہے۔ اس کتاب میں محدثین و مورخین کے منہج کے مطابق متعلقہ موضوع پر تحقیقی نقطۂ نظر سے رقم کیا گیا ہے اور من گھڑت سے روایات سے کلیتاً اجنتاب کیا گیا ہے اور اردو زبان میں پہلی بار جنگ صفین و نہروان سے متعلق مروی روایات کا تحقیقی جائزہ پیش کیا گیا ۔اصل کتاب تو عربی زبان میں ہے۔دار ابی الطیب،گوجرانوالہ نے اسے اردو زبان میں منتقل کروا کر اسے حسن طباعت سے آراستہ کیا ہے۔ (م۔ا)
لنک کتاب
لنک کتاب