تجویز صرف اردو میں پوسٹ کرنے کو یقینی بنایا جائے۔

[ریحان احمد]

السلام علیکم ورحمۃ اللہ

اس فورم کے قیام کا مقصد جو میں سمجھا ہوں وہ یہی ہے کہ اردو دان طبقہ میں فہم دین کا جذبہ اجاگر کیا جائے۔ لیکن ہمارے بعض احباب اس فورم پر بھی انگریزی یا رومن اردو میں پوسٹ کرتے ہیں۔ میرے خیال میں اس بات کی اجازت نہیں ہونی چاہئے۔ انگریزی میں تو متعدد فورم قائم ہیں اور رومن اردو پڑھنا بھی دشواری والا کام ہے۔

اس بات کو یقینی بنایا جائے کہ جو بھائی بھی اس فورم میں گفتگو کرے وہ صرف اور صرف اردو میں کرے۔

جزاک اللہ

 

[شاکر]

وعلیکم السلام ورحمتہ اللہ وبرکاتہ،
ویسے تو ایسی رومن والی پوسٹس بہت کم ہیں۔ اور جو احباب کرتے بھی ہیں تو فوری طور پر ہمارے ارسلان بھائی نازل ہو کر انہیں اپنے یونیکوڈ والے تھریڈ کا لنک ضرور دیتے ہیں۔ ابتسامہ۔
جو شخص رومن کا عادی ہو اسے ایک دم سے اردو تحریر پر قائل کرنا مشکل ہوتا ہے۔ لہٰذا ہم تھوڑی ڈھیل دے کر پیچھا کرتے رہتے ہیں۔ اس کی تازہ تازہ مثال غالباً سعدیہ بہن کی ہے۔ ان کی شروعاتی پوسٹس سب رومن میں تھیں اور اب وہ ماشاءاللہ اردو ہی میں لکھ رہی ہیں۔

 

[جمشید]

رومنوں تک بھی تودینی تعلیمات پہنچنی چاہئے۔(ابتسامہ)

 

[ابوطلحہ بابر]

شاکر بھائی! اس سلسلے میں میری رائے یہ ہو گی کہ فورم پر ایک جہاں رومن اردو پوسٹ کی گئی ہو وہیں ساتھ ہی ایک لنک ہو جس پر کلک کرنے سے وہی رومن اردو ہمیں اردو میں نظر آ جائے یا مستقل طور پر اسی رومن اردو کو ایک ایڈیٹر کے ذریعے کنورٹ کر کے اسی پوسٹ میں ایڈٹ کر دیا جائے۔ یعنی اس صورت میں اصل رومن جو یوزر نے پوسٹ کی ہے وہ بھی رہے اور سوفٹ وئیر سے کنورٹڈ اردو بھی نیچے ظاہر ہو جائے۔